[វីដេអូ] Bale ដើរតួយ៉ាងសំខាន់ ក្នុងការជួយរកបីពិន្ទុអោយ Real Madrid ពេលគ្មាន Ronaldo

ខ្សែប្រយុទ្ធ Gareth Bale និង ខ្សែការពារ Dani Carvajal រកបានម្នាក់មួយគ្រាប់ ជួយអោយ Real Madrid ទទួលបានជ័យជំនះ ដោយសុវត្ថិភាព សំរាប់ប្រកួតដំបូងនៅក្នុងលីគ LaLiga ទល់នឹងក្រុម Getafe ដោយមិនមានវត្តមានតារាឆ្នើម Cristiano Ronaldo និង អ្នកចាត់ការក្លឹប Zinedine Zidane។

Carvajal តែតបញ្ចូលទីអោយ Real Madrid សំរាប់គ្រាប់បាល់បើកឆាក ផុតដៃអ្នកចាំទី  ក្រោមការដឹកនាំរបស់លោក Julen Lopetegui បន្ទាប់ពី Bale បោះកាត់ទៅអោយយ៉ាងល្អ ហើយរូបគេក៏រកបានមួយគ្រាប់ផងដែរនៅតង់ទី២។

ដោយឡែកក្រុម Getafe មានឱកាសស៊ុតចំគោលដៅតែម្ដងប៉ុណ្ណោះ នៅចុងម៉ោងនៃការប្រកួត នៅពេលដែល Angel Rodriguez ស៊ុត volley យ៉ាងល្អប៉ុន្ដែសង្គ្រោះបានដោយអ្នកចាំទី Keylor Navas។

អ្នកចាំទីកូស្ដារីកា ត្រូវបានជ្រើសរើសអោយជាប់ជម្រើសដំបូងនៃការប្រកួត ខណៈ Thibaut Courtois ដែលក្លឹបទើបតែទិញបានពី Chelsea ត្រូវអង្គុយកៅអីបម្រុង ដោយមិនបានចូលលេងឡើយ។

បន្ទាប់ពីបរាជ័យយ៉ាងអាម៉ាស ក្នុងលទ្ធផល ៤-២ ក្នុងការប្រកួតពាន UEFA Super Cup ទល់នឹងក្រុម Atletico Madrid នៅម៉ោងបន្ថែម ក្រុមដែលដឹកនាំដោយលោក Lopetegui ទទួលបានជ័យជំនះ សំរាប់ការប្រកួតបើកឆាកនៅលីគ LaLiga ជាមួយនឹងក្រុម Getafe ដែលស្ថិតនៅទីក្រុងម៉ាឌ្រីដជាមួយគ្នានេះ។

ដោយការគ្មានដំណឹង អំពីការចុះហត្ថលេខាមកជំនួស តារាឆ្នើម Ronaldo អ្នកចាត់ការសញ្ជាតិអេស្ប៉ាញ បានដាក់កីឡាករ Asensio, Bale និង Karim Benzema នៅតំបន់ប្រយុទ្ធ ហើយពួកគេអាចមានឱកាសរកគ្រាប់បាល់បន្ថែម ទោះបីជាក្នុងការប្រកួតនេះ ក្រុមម្ចាស់ផ្ទះស៊ុតចំគោលដៅតែបីលើកក៏ដោយ៕

ប្រភព៖ BBC

ស្ថិតិរបស់ Gareth Bale សំរាប់ការប្រកួតជាមួយ Getafe អាចធ្វើអោយអ្នកគាំទ្រសប្បាយចិត្ត

ក្រុម Real Madrid នឹងបង្ហាញខ្លួនសំរាប់ប្រកួតដំបូងក្នុងលីគ LaLiga សំរាប់រដូវកាលថ្មី នៅយប់ថ្ងៃអាទិត្យនេះ(ឆ្លងចូលថ្ងៃចន្ទ ម៉ោង ៣៖១៥នាទី រំលងអាធ្រាត) ទល់នឹង Getafe។ បន្ទាប់ពី តារាឆ្នើម Cristiano Ronaldo និងអតីតអ្នកចាត់ការក្លឹប Zinedine Zidane ចាកចេញទៅ Gareth Bale ត្រូវកាន់កាប់តំណែងកីឡាករសំខាន់ប្រចាំក្រុម ហើយអ្នកចាត់ការថ្មី Julen Lopetegui បានមកដឹកនាំក្រុមជំនួសអ្នកចាត់ការសញ្ជាតិបារាំងផងដែរ។

Bale បានបង្ហាញទម្រង់លេងល្អសំរាប់ Real Madrid ក្នុងជំនួបជាមួយនឹង Getafe ដោយរកគ្រាប់បាល់បាន ៤គ្រាប់ ក្នុងចំនោម៥ប្រកួត។ ហើយនៅក្នុងការប្រកួតដំបូងទល់នឹងក្រុមនេះ ខ្សែប្រយុទ្ធសញ្ជាតិវេលស៍ បានជួយក្រុមអោយទទួលបានជ័យជំនះ ក្នុងលទ្ធផល ៣-០ ប៉ុន្ដែរូបគេ មិនអាចរកគ្រាប់បាល់បាននោះទេ។ សំរាប់ការប្រកួតជាមួយនឹងក្រុមដដែលនេះ បន្ដបន្ទាប់គេតែងតែរកគ្រាប់បាល់បានជានិច្ច។

ខ្សែប្រយុទ្ធវ័យ២៩ឆ្នាំរូបនេះ មានស្ថិតិល្អផងដែរ សំរាប់ការប្រកួតបើករដូវកាល ចាប់តាំងពីឆ្នាំ ២០១៥មក ដោយតែងតែរកគ្រាប់បាល់ដំបូងអោយក្រុម Real Madrid។ ចុះសម្រាប់រាត្រីនេះ តើ Gareth Bale អាចរកគ្រាប់បាល់បានប៉ុន្មានគ្រាប់?

ប្រភព៖ AS

មើល​បញ្ជី​កីឡាករ ១១ រូប​និង​គ្រូ​បង្វឹក​ល្អ​បំផុត​ប្រចាំ​ប្រវត្តិសាស្ត្រ LaLiga

តាម​ការ​រៀបចំ​ពី Sportsmail បាន​វាយ​តម្លៃ​ចេញ​ជា​បញ្ជី​កីឡាករ ១១ រូប​ល្អ​បំផុត​ប្រចាំ​ក្របខ័ណ្ឌ LaLiga គួប​ផ្សំ​គ្រូ​បង្វឹក​ដ៏​សក្ដិសម​មួយ​រូប ក្នុង​រយៈ​កាល​ប៉ុន្មាន​ទសវត្ស​ចុង​ក្រោយ​នេះ។

អ្នក​ចាំ​ទី : Iker Casillas

ខ្សែ​ការពារ​ស្តាំ : Dani Alves

ខ្សែ​ការពារ​កណ្តាល – Fernando Hierro

ខ្សែ​ការពារ​កណ្តាល : Carles Puyol

ខ្សែ​ការពារ​ឆ្វេង : Roberto Carlos

ខ្សែ​បម្រើ​ស្តាំ : Johan Cruyff

ខ្សែ​បម្រើ​កណ្តាល : Zinedine Zidane

ខ្សែ​បម្រើ​ឆ្វេង : Alferdo Di Stefano

ស្លាប​ប្រយុទ្ធ​ស្តាំ : Lionel Messi

ខ្សែ​ប្រយុទ្ធ : Ronaldo

ស្លាប​ប្រយុទ្ធ​ឆ្វេង : Cristiano Ronaldo

គ្រូបង្វឹក: Pep Guardiola

ប្រភព: DailyMail

កីឡាករទាំង១០រូប ដែលចាកចេញពីក្លឹបនៅ LaLiga បន្ទាប់ពីបន្ដកុងត្រា

ក្លឹបអេស្ប៉ាញ Athletic Bilbao រំពឹងថាពួកគេអាចចងជើងតារាឆ្នើម Kepa Arrizabalaga មិនអោយចាកចេញទៅ Real Madrid ដោយផ្ដល់កុងត្រាថ្មីកាលពីដើមឆ្នាំកន្លងទៅ ប៉ុន្ដែអ្វីដែលគួរអោយភ្ញាក់ផ្អើលគឺ ក្លឹបអង់គ្លេស Chelsea បានចំនាយលុយយ៉ាងច្រើនសន្ធឹកសន្ធាប់ដើម្បីនាំយករូបគេទៅកាន់ទឹកដី Stamford Bridge ទាំងអ្នកចាំទីរូបនេះ ទើបតែចុះកុងត្រាជាមួយក្លឹប។

ខាងក្រោមនេះ ជាកីឡាករទាំង១០រូប ដែលសំរេចចិត្តចាកចេញពីក្លឹបរបស់ LaLiga បន្ទាប់ពីបន្ដកុងត្រា៖

Kepa Arrizabalaga

Kepa ទើបតែបានបន្ដកុងត្រាថ្មីជាមួយ Athletic Club រហូតដល់ឆ្នាំ ២០២៥ កាលពី៧ខែមុន ក្រោយមកគេក៏សំរេចចិត្តផ្លាស់ទៅលេងអោយ Chelsea។

Neymar

ខ្សែប្រយុទ្ធប្រេស៊ីលបានបន្ដកុងត្រាថ្មីជាមួយ Barcelona រហូតដល់ឆ្នាំ ២០២១ ប៉ុន្ដែរូបគេបានចាកចេញពី ក្លឹបកាតាឡាន់ កាលពីខែកក្កដា ២០១៧ ក្នុងតំលៃបំបែកកំណត់ត្រា។

Cristiano Ronaldo

ក្រោយពីបានបន្ដកុងត្រាជាមួយក្លឹបអធិរាជស ដល់ឆ្នាំ ២០២១ ម្ចាស់ពាន Ballon d’Or ៥សម័យបាន សំរេចចិត្តផ្ទេរទៅលេងអោយក្លឹបយក្សអ៊ីតាលី Juventus ក្នុងតំលៃ ១០០លានផោន។

Inigo Martinez

Inigo Martinez បានចុះហត្ថលេខាបន្ដកុងត្រាថ្មីជាមួយ Real Sociedad រយៈពេល៥ឆ្នាំ(២០២១) ប៉ុន្ដែរូបគេបានសំរេចចិត្តផ្ទេរទៅលេងអោយក្លឹបអេស្ប៉ាញមួយទៀត គឺ Athletic Club កាលពីខែមករាកន្លងទៅ។

Aymeric Laporte

ខ្សែការពាររូបនេះ នៅសល់កុងត្រានៅ Bilbao រហូតដល់ឆ្នាំ ២០២០ ប៉ុន្ដែេរូបគេបានផ្ទេរទៅលេងអោយ Manchester City ក្នុងតំលៃបំបែកកំណត់ត្រា។

Fabian

Fabian បានបន្ដកុងត្រាថ្មីជាមួយ Real Betis កាលពីខែមករាកន្លងទៅ ប៉ុន្ដែ៦ខែក្រោយមក កីឡាកររូបនេះ បានសំរេចចិត្ត ផ្ទេរទៅ Napoli ក្នុងតំលៃ ២៧លានផោន។

Gerard Moreno

Gerard Moreno បានតកុងត្រាថ្មីជាមួយ Espanyol រយៈពេល ៥ឆ្នាំ កាលពីខែវិច្ឆិកា ២០១៧ ប៉ុន្ដែរូបគេ បានត្រលប់ទៅលេងអោយ Viallrreal វិញនៅក្នុងរដូវក្ដៅនេះ ក្នុងតំលៃ ១៨លានផោន។

Rodri

Rodri បានបន្ដកុងត្រាថ្មីជាមួយ Villarreal កាលពីខែធ្នូ ២០១៧ ដែលមានសុពលភាពរហូតដល់ឆ្នាំ ២០២២ ប៉ុន្ដែខ្សែបម្រើរូបនេះ បានផ្ទេរទៅលេងអោយ Atletico Madrid នៅក្នុងរដូវក្ដៅនេះ។

Fran Beltrán

បន្ទាប់ពីចចារគ្នាពីកុងត្រាថ្មីជាមួយ Rayo Vallecano កាលពី ខែមេសា ២០១៧ ខ្សែបម្រើ Fran Beltrán បានសំរេចចិត្តចាកចេញនៅរដូវក្ដៅនេះ ទៅចូលរួមជាមួយ Celta Vigo។

Yannick Carrasco

Carrasco បានបន្ដកុងត្រាថ្មីជាមួយ Atletico Madrid រហូតដល់ឆ្នាំ ២០២២ ប៉ុន្ដែរូបគេសំរេចចិត្តចាកចេញ នៅខែកុម្ភៈទៅចូលរួមជាមួយក្លឹបនៅលីគកំពូលរបស់ចិន៕

ប្រភព៖ Marca

Ronaldo ទៅបាត់, Real Madrid គ្មានសង្ឃឹមប្រជែងពានមួយនេះ ជាមួយ Barca បានទេ

អតីតខ្សែការពាររបស់ក្លឹបអធិរាជស Steve McManaman យល់ច្បាស់ថា ការចាកចេញរបស់ Cristiano Ronaldo ទៅក្លឹប Juventus នឹងធ្វើអោយ Barcelona កាន់តែមានប្រៀបជាង Real Madrid សំរាប់ការប្រកួតនៅលីីគ LaLiga ក្នុងរដូវកាលនេះ។

លោក McManaman  បាននិយាយប្រាប់ ESPN ថា៖ “ក្រុមទាំងអស់កំពុងតែពង្រឹងភាពខ្លាំងរបស់ខ្លួន ខណៈដែល Real Madrid បានបាត់បង់កីឡាករល្អមួយរូប នៅក្នុងប្រវត្តិសាស្ដ្ររបស់ក្លឹប ហើយមិនទាន់រកបានកីឡាករណាម្នាក់អាចជំនួសរូបគេបាននៅឡើយទេ។

“ពិតណាស់ Vinicius និង Odriozola ដែលទើបនឹងបានចូលរួម អាចជាតារាឆ្នើមនាពេលអនាគត ប៉ុន្ដែ ការបាត់បង់ Cristiano ដែលមានសមត្ថភាពរកគ្រាប់បាល់ បានយ៉ាងហោចមួយគ្រាប់ ក្នុងមួយប្រកួត គឺជារឿងមួយដាច់ដោយឡែក។

“បើសិនជាយើងក្រលេកមើលក្រុមទាំងពីរ យើងឃើញថា Barca បានទិញកីឡាករឆ្នើមដូចជា Malcom, Arthur, Lenglet ជាដើម ហើយ Coutinho នឹងចាប់ផ្ដមរដូវកាលថ្មីជាមួយពួកគេសំរាប់រដូវកាលថ្មីនេះ។ ហើយបើយើងសំលឹងមើលតារាងពិន្ទុ រវាងក្រុមទាំងពីរកាលពីរដូវកាលមុន បូករួមជាមួយនឹងការចាកចេញរបស់ Cristiano ទៀតនោះ ខ្ញុំគិតថា Madrid ពិបាកនឹងប្រជែងយកពាន​ LaLiga ជាមួយ Barca ខ្លាំងណាស់។”

គួររំលឹកថា Barcelona បានបញ្ចប់រដូវកាល ២០១៧/១៨ ជាមួយនឹងពាន LaLiga និង Copa Del Rey ដោយមាន ៩៣ពិន្ទុ ខណៈដែល Real Madrid បានត្រឹមឈរនៅលេខរៀងទី៣ មាន ៧៦ពិន្ទុ ដែលគំលាតពិន្ទុរហូតដល់ ១៧ពិន្ទុ ហើយការចាកចេញរបស់តារាឆ្នើម Ronaldo អាចធ្វើអោយ Real Madrid កាន់តែលំបាកប្រជែងពានលីគកំពូលអេស្ប៉ាញមួយនេះ៕

Real & Altetico អាចមានកីឡាករពេញជើងល្អ សំរាប់ការប្រកួត European Super Cup ក្រោយកីឡាករឆ្នើមត្រលប់មកវិញ

គុណសម្បត្តិ និង គុណវិបត្តិ នៃការនាំយក Hazard មកចូលរួមជាមួយ Real Madrid

ប្រភព៖ Sport English

ចេញហើយ! ដឹងថ្ងៃប្រកួត El Clasico ទាំងពីរជើងនៅលី LaLiga

ការប្រកួត El Clasico ជាព្រឹត្តិការណ៍មួយដែលគួរអោយចាប់អារម្មណ៍ នៅក្នុងព្រឹត្តិការណ៍បាល់ទាត់ ហើយត្រូវបានសហព័ន្ធបាល់ទាត់អេស្ប៉ាញ ប្រកាសជាផ្លូវការសំរាប់ការប្រកួតក្នុងលីគអេស្ប៉ាញសំរាប់រដូវកាលថ្មី ២០១៨/១៩ ហើយពេលនេះយើងដឹងពីថ្ងៃដែល Real Madrid ត្រូវប្រកួតតទល់ជាមួយ Barcelona។

នៅក្នុងរដូវកាលនេះ ជាលើកដំបូងសំរាប់៩ឆ្នាំចុងក្រោយដែល El Clasico គ្មានវត្តមានតារាឆ្នើម Cristiano Ronaldo ចូលរួមព្រោះកីឡាកររូបនេះបានសំរេចចិត្តផ្ទេរទៅលេងអោយ ក្លឹបអ៊ីតាលី Juventus ហើយប្រជាប្រិយភាពរបស់ការប្រកួតនេះ អាចប្រឈមនឹងការធ្លាក់ប្រជាប្រិយភាព។

ការប្រកួត El Clasico ជើងទី១ នឹងប្រព្រឹត្តទៅនៅថ្ងៃទី ២៨ ខែតុលា ២០១៨ ដែល Barcelona ជាក្រុមម្ចាស់ផ្ទះ នៅទឹកដី Camp Nou ហើយជើងទី២ នឹងធ្វើឡើងនៅថ្ងៃទី ៣ ខែមីនា ២០១៩ នៅកីឡដ្ឋាន Santiago Bernabeu នៃទីក្រុងម៉ាឌ្រីដប្រទេសអេស្ប៉ាញ៕

ប្រភព៖ Besoccer

LaLiga ប្រកាសថ្ងៃដែលនឹង ចេញកាលវិភាគសំរាប់ការប្រកួតរដូវកាល ២០១៨/១៩

សហព័ន្ធបាល់ទាត់អេស្ប៉ាញ(RFEF) បានប្រកាសថា សន្និបាតប្រចាំឆ្នាំនៅរដូវក្តៅនឹងប្រព្រឹត្តទៅនៅថ្ងៃទី 24 ខែកក្កដា វេលាម៉ោង៥ល្ងាច(នៅកម្ពុជា) នៅក្នុងទីក្រុងម៉ាឌ្រីត។

នេះជាសន្និបាតលើកទីមួយដែលត្រូវបានដឹកនាំដោយលោក Luis Rubiales បន្ទាប់ពីការបោះឆ្នោត ជ្រើសរើសលោកជាប្រធានថ្មីរបស់ សហព័ន្ធបាល់ទាត់អេស្ប៉ាញ ដែលនាំមុខលោក Juan Luis Larrea នៅក្នុងការបោះឆ្នោតដែលបានធ្វើឡើងនៅពាក់កណ្តាលខែឧសភា។

ហើយវា ក៏ជាថ្ងៃប្រកាស កាលវិភាគការប្រកួត សំរាប់រដូវកាល 2018/19 ដែលក្រុម នៅក្នុងលីគកំពូល និង លីគលំដាប់ទីពីរបានដឹងពីកាលវិភាគជួបគ្នាជាមួយនឹង គូប្រជែងរបស់ពួកគេសម្រាប់រដូវកាលខាងមុខផងដែរ៕

ប្រភព៖ AS

Real Madrid ឈ្នះពានរង្វាន់ Fair Play របស់សហព័ន្ធបាល់ទាត់អេស្ប៉ាញ ប្រចាំ LaLiga

សហព័ន្ធបាល់ទាត់អេស្ប៉ាញ បានបង្ហាញថាក្រុម Real Madrid ជាអ្នកគ្រងពាន ជាក្រុមដែលលេងដោយយុត្ដិធម៌(Fair play) សំរាប់ការប្រកួតលីគកំពូលអេស្ប៉ញ រដូវកាល ២០១៧/១៨ ដោយនាំមុខ Real Sociedad និង Barcelona ដែលឈរនៅលេខ២ និង លេខ៣។

Real Madrid ឈ្នះពានរង្វាន់កិត្តិយសនេះ ពីរឆ្នាំជាប់គ្នា ហើយនឹងត្រូវធ្វើការទទួលជាផ្លូវការ នៅខែកក្កដា ក្នុងថ្ងៃបើក សន្និបាតទូទៅរបស់សហព័ន្ធបាល់ទាត់។

ក្រុម Numnacia ឈ្នះពានរង្វាន់នេះ នៅក្នុងលីគទី២ ហើយ Real Sociedad ឈ្នះពាននេះនៅលីគលំដាប់ទី៣ របស់សហព័ន្ធអេស្ប៉ាញ៕

ប្រភព៖ Marca

[វីដេអូ] Bale និង Ronaldo រកបានម្នាក់មួយគ្រាប់ប៉ុន្ដែមិនអាចជួយ Real យកបីពិន្ទុពី Villarreal បាន

ខ្សែប្រយុទ្ធ Gareth Bale និង Cristiano Ronaldo រកបានម្នាក់មួយគ្រាប់អោយ Real Madrid ប៉ុន្ដែត្រូវក្រុមម្ចាស់ផ្ទះ Villarreal តាមស្មើវិញ ក្នុងការប្រកួតបិទរដូវកាល លីគ LaLiga មុនពេលក្រុមដែលដឹកនាំដោយលោក Zinedine Zidane ត្រូវប្រកួតវគ្គផ្ដាច់ព្រ័ត្រពាន Champions League ទល់នឹង Liverpool នៅសប្ដាហ៍ក្រោយ។

ក្រុមភ្ញៀវ Real Madrid ធ្វើបានល្អនៅក្នុងតង់ទី១ ក្នុងការប្រកួត ដោយ Bale រកបានមួយគ្រាប់យ៉ាងល្អ មុនពេល Ronaldo តែតចូលគ្រាប់ទី២ ប៉ុន្ដែត្រូវបានក្រុមម្ចាស់ផ្ទះតាមស្មើពីគ្រាប់វិញនៅតង់ទី២ដោយ Roger Martinez និង Samu Castillejo រកបានម្នាក់មួយគ្រាប់។

គួររំលឹកថា Real Madrid បានរបូតគ្រាប់បាល់ ៤៤គ្រាប់នៅក្នុងការប្រកួត LaLiga ខណៈក្រុម Atletico Madrid របូតតែ២០គ្រាប់ ហើយក្រុមជើងឯក Barcelona របូតតែ២៩គ្រាប់ប៉ុណ្ណោះ៕

ប្រភព៖ BBC

ចេញហើយ! កាលបរិច្ឆេទការប្រកួត LaLiga ២០១៨/១៩ និង Spanish Super Cup

ការប្រកួតនៅក្នុងលីគកំពូលអេស្ប៉ាញសំរាប់រដូវកាល ២០១៨/១៩ នឹងចាប់ផ្ដើមនៅថ្ងៃទី ១៨/១៩ ខែសីហាខាងមុខនេះ ខណៈការប្រកួតការប្រកួត Spanish Super Cup ជើងទី១ នឹងប្រព្រឹត្ដទៅ នៅទីក្រុង Seville ក្នុងថ្ងៃួី១១ ខែសីហា និង ជើងទី២ នៅទីក្រុង Barcelona ក្នុងថ្ងៃទី ១៤ខែ សីហា។

ដោយឡែកសំរាប់ថ្ងៃសំរាក សំរាប់បុណ្យណូអែល ចាប់ផ្ដើមពីថ្ងៃទី ២៣ខែធ្នូ រហូតដល់ ថ្ងៃទី ២ ខែមករា ប៉ុន្ដែ នៅមានការពិភាក្សាជុំវិញការប្រកួតសំរាប់ឆ្នាំថ្មីខាងមុខ៕

ប្រភព៖ Sport English