Tag: Manchester United

លោក Mourinho បញ្ជាក់មូលហេតុដែល Alexis Sanchez បាត់មុខពីការប្រកួតជាមួយ Brigton

ខ្សែប្រយុទ្ធ Alexis Sanchez មិនមានឈ្មោះក្នុងបញ្ជីកីឡាករបស់លោក Jose Mourinho សំរាប់ការប្រកួតទល់នឹង Brighton & Hove Albion នោះទេ ដោយសារបញ្ហារបួស នេះបើតាមការអះអាងរបស់អ្នកចាត់ការក្លឹប បិសាចក្រហមលោក Jose Mourinho។

យ៉ាងណាម៉ិញ អ្នកចាត់ការសញ្ជាតិព័រទុយហ្គាល់បាន ដាក់ខ្សែប្រយុទ្ធ Anthony Martial ជំនួសកីឡាករឈីលី ហើយរូបគេទទួលបានកាតលឿងមួយនៅក្នុងការប្រកួត តង់ទី១បន្ទាប់ពីបង្កកំហុសទៅលើកីឡាករ Anthony Knockaert របស់ Brighton។

គួរបញ្ជាក់ថា ក្រុមរបស់លោក Mourinho នឹងត្រូវជួបប្រកួតជាមួយ ក្រុម Tottenham នៅយប់ថ្ងៃអង្គារវេលាម៉ោង២រំលងអាធ្រាត ហើយអ្នកចាត់ការរូបនេះបានបញ្ជាក់ថា ក្រុមរបស់លោក អាចនឹងមិនមានវត្តមានរបស់ Sanchez នៅក្នុងជំនួបនេះផងដែរ៕

[វីដេអូ] ក្រុមបិសាចក្រហម បាត់បង់បីពិន្ទុ ក្រោយ Brighton លត់បីគ្រាប់ត្រឹម៤៥នាទីដំបូង

ប្រភព៖ The Sun

[វីដេអូ] ក្រុមបិសាចក្រហម បាត់បង់បីពិន្ទុ ក្រោយ Brighton លត់បីគ្រាប់ត្រឹម៤៥នាទីដំបូង

ក្រុម Brighton & Hove Albion បានយកឈ្នះក្រុមបិសាចក្រហមនៅក្នុងទឹកដីរបស់ខ្លួន ជាមួយនឹងលទ្ធផល ៣-២។ ក្រុមម្ចាស់ផ្ទះ Brighton បានយកឈ្នះ Manchester United នៅនាទីទី ២៥ ដោយខ្សែប្រយុទ្ធ Glenn Murray បន្ទាប់ពីខ្សែបម្រើ Solly March បោះបាល់កាត់មកយ៉ាងល្អ។

ហើយក្រុម Brighton រកបានគ្រាប់ទី២ ពីរនាទីក្រោយមក ដោយ Shane Duffy បន្ទាប់ពីខ្សែការពាររបស់ Man United រារាំងបាល់មិនបានសំរេច ប៉ុន្ដែ ខ្សែប្រយុទ្ធ Romelu Lukaku របស់ ក្រុមភ្ញៀវតាមបានមួយគ្រាប់វិញ ១១នាទីមុនការប្រកួតតង់ទី១បញ្ចប់។

ប៉ុន្ដែ ខ្សែការពារ Eric Bailly បានបង្កកំហុសទៅលើ Pascal Gross នៅតំបន់គ្រោះថ្នាក់ ដែលធ្វើអោយក្រុមម្ចាស់ផ្ទះកាន់តែមានសង្ឃឹមទទួលបានបីពិន្ទុ បន្ទាប់ពីរកគ្រាប់ទី៣ ដោយបាល់ប៉េណាល់ទី។

យ៉ាងណាម៉ិញ United បានរៀបចំក្រុមរបស់ខ្លួនបានល្អ សំរាប់ការប្រកួតតង់ទី២ ប៉ុន្ដែពិបាករកឱកាសដើម្បីវាយបក ហើយខ្សែបម្រើ Paul Pogba បានរកមួយគ្រាប់អោយក្រុមរបស់លោក Jose Mourinho មុនការប្រកួតបញ្ចប់ ក្រោយពី Duffy បានបង្កកំហុសទៅលើ Marouane Fellaini៕

លោក Mourinho បានប្រើសំដីវាយប្រហារទៅលើ ប្រធានក្លឹបបិិសាចក្រហម ក្រោយក្រុមឈ្នះ Leicester

អ្នកចាត់ការក្លឹបបិសាចក្រហម លោក Jose Mourinho បានប្រើសំដីវាយប្រហារទៅលើ ប្រធានក្លឹបលោក Ed Woodward ក្រោយ Man United ទទួលបានជ័យជំនះក្នុងប្រកួតបើកឆាក ទល់នឹងក្រុម Leicester City។

លោក Mourinho បានសរសើរខ្សែបម្រើ Paul Pogba សំរាប់ការបង្ហាញទម្រង់លេងល្អ និង ជួយក្រុមទទួលបានជ័យជំនះ ក្នុងនាមជាប្រធានក្រុម ដោយធ្វើអោយការប្រកួតបញ្ចប់ក្នុងលទ្ធផល ២-១។

ប៉ុន្ដែអ្នកចាត់ការ United នៅតែមិនសប្បាយចិត្ត ដោយសារលោក Woodward មិនព្រមទិញកីឡាករថ្មីបន្ថែមមុនពេលការដោះដូរកីឡាករត្រូវបិទទ្វារនៅសប្ដាហ៍នេះ ហើយលោកបានហៅខ្លួនឯងថា ជាគ្រូបង្វឹក មិនមែនអ្នកចាត់ការក្លឹបនោះទេ ដោយសារតែលោកមិនអាចលូកដៃចូល ទៅក្នុងជំនួញរបស់ក្លឹបទាក់ទងនឹងការដោះដូរកីឡាករបាន។

ក្រោយចប់ការប្រកួត លោក Mourinho បាននិយាយថា៖ “ខ្ញុំបានសង្គេតឃើញថា សំរាប់ការបើកឆាកនៅ Premier League ខ្ញុំមិនមានសិទ្ធធ្វើអ្វីបាន មុនពេលទីផ្សារដោះដូរបិទទ្វារនោះទេ។

“សំរាប់យើង វាជារដូវកាលមួយដ៏ពិបាកព្រោះតែ គំរោងរបស់ខ្ញុំមានរយៈពេលជាច្រើនខែ។ ខ្ញុំជាអ្នកចាត់ការក្លឹប ប៉ុន្ដែខ្ញុំគិតថា បាល់ទាត់បានផ្លាស់ប្ដូរ។ អ្នកចាត់ការក្លឹបបាល់ទាត់បច្ចុប្បន្ន គួរត្រូវបានគេហៅថា គ្រូបង្វឹកវិញទើបសក្ដិសម។

“យើងមានបុគ្គលិក ជាគ្រូបង្វឹកច្រើន ខ្ញុំគិតថាក្លឹបបានគ្រូបង្វឹកច្រើនជាងអ្នកចាត់ការក្លឹប ហើយនេះជាអ្វីដែលខ្ញុំគិតថា បាល់ទាត់បានប្រែប្រួល។

“ដូច្នេះ យើងត្រូវរង់ចាំរហូតដល់ចុងខែវិច្ឆិកា ឬ ដើមខែធ្នូ ដើម្បីយល់ថានឹងមានអ្វីកើតឡើង ហើយថាតើយើងអាចប្រឹងប្រែងដណ្ដើមពានបានឬយ៉ាងណា ឬ ក៏យើងត្រូវជឿទៅលើអ្នកវិភាគបាល់ទាត់ ចំពោះអ្វីដែលពួកគេបាននិយាយ។

“យើងបានប្រកួតតទល់នឹងក្រុមដែលបណ្ដាក់ទុនច្រើនជាងយើង ពួកគេ[Leicester] ចំនាយលុយច្រើនជាងយើង ដូច្នេះនៅ Premier League យើងត្រូវបន្សំខ្លួនទៅនឹងក្រុមដែលមានកីឡាករមានគុណភាពដូចក្រុមរបស់យើង”៕

ប្រភព៖ Daily Mail

Manchester United ប្រកាសលេខអាវជាផ្លូវការ សំរាប់កីឡាករក្នុងរដូវកាលថ្មី

បន្ទាប់ពីទីផ្សារដោះដូរកីឡាករត្រូវបិទទ្វារ បូករួមនឹងការមកដល់នៃការប្រកួត Premier League បើករដូវកាលថ្មីផងនោះ ក្លឹបបិសាចក្រហម Manchester United បានប្រកាសលេខអាវកីឡាកររបស់ក្រុម ដោយខ្សែការពារ Matteo Darmian មិនមានឈ្មោះនៅក្នុងបញ្ជីលេខរបស់ក្រុម ខណៈដែល Marco Rojo ប្ដូរពីលេខ៥ ទៅលេខ១៦។

កីឡាករចំនូលថ្មី ពី Porto Diogo Dalot នឹងពាក់អាវលេខ២០ ខណៈខ្សែប្រយុទ្ធវ័យក្មេង Marcos Rashford ដែលបានប្ដរូមកលេខ១០ ដែលធ្លាប់ជាកម្មសិទ្ធរបស់ Wayne Rooney និង Zlatan Ibrahimovic ។

ការអវត្តមានរបស់ Darmian នៅក្នុងបញ្ជីហាក់ ធ្វើអោយមានការសង្ស័យ ដោយខ្សែការពាររូបនេះ មានទំនាក់ទំនងផ្ទេរទៅកាន់ ក្លឹបអ៊ីតាលី ដែលមិនទាន់បិទទ្វារដោះដូរកីឡាករនៅឡើយ ហើយគេរំពឹងថា ខ្សែាការពារអ៊ីតាលីរូបនេះ អាចបង្ហាញវត្តមានសំរាប់ការប្រកួតបើករដូវកាលទល់នឹងក្លឹប Leicester City។

គួរបញ្ជាក់ថា អ្នកចាត់ការក្លឹបបិសាចក្រហមលោក Jose Mourinho មានការបរាជ័យច្រើនលើកច្រើនសារ ក្នុងការដាក់សំនើរ សុំចុះហត្ថលេខាជាមួយនឹងខ្សែការពារ មុនពេលទីផ្សារដោះដូរកីឡាករត្រូវបានបិទទ្វារ ដោយក្លឹបមិនអាចទិញបានខ្សែការពារកណ្ដាល Harry Magure, Toby Alderweireld និង Diego Godin។

លេខអាវរបស់កីឡាករក្រុមបិសាចក្រហម សំរាប់រដូវកាល ២០១៨/១៩

1 – David De Gea

2 – Victor Lindelof

3 – Eric Bailly

4 – Phil Jones

6 – Paul Pogba

7 – Alexis Sanchez

8 – Juan Mata

9 – Romelu Lukaku

10 – Marcus Rashford

11 – Anthony Martial

12 – Chris Smalling

13 – Lee Grant

14 – Jesse Lingard

15 – Andreas Pereira

16 – Marcos Rojo

17 – Fred

18 – Ashley Young

20 – Diogo Dalot

21 – Ander Herrera

22 – Sergio Romero

23 – Luke Shaw

24 – Tim Fosu-Mensah

25 – Antonio Valencia

27 – Marouane Fellaini

31 – Nemanja Matic

38 – Axel Tuanzebe

39 – Scott McTominay

40 – Joel Pereira

44 – Tahith Chong

45 – Kieran O’Hara

46 – Joshua Bohui

47 – Angel Gomes

48 – Ethan Hamilton

51 – Matej Kovar

កីឡាករ Man Utd ទាំង 6 រូបដែលអាចចាកចេញពីក្លឹប នៅមុនពេលរដូវកាលផ្ទេរកីឡាករបិទ

កីឡាករក្រុម Manchester United មួយចំនួនកំពុងមានភាពសង្ស័យចំពោះអនាគតរបស់ពួកគេនៅក្រោយការដឹកនាំរបស់គ្រូបង្វឹកលោក Mourinho ។

ជាក់ស្តែងគ្រូបង្វឹកសញ្ជាតិព័រទុយហ្គាល់រូបនេះកំពុងមានបំណងចង់រៀបចំក្រុមឡើងវិញ ដោយចង់បានកីឡាករពីររូបនេះបន្ថែមទៀតនៅរដូវក្តៅនេះ ។

យ៉ាងណាមិញនៅទីនេះយើងសម្លឹងឃើញកីឡាករ​ទាំង 6 រូបដែលអាចនឹងចាកចេញយ៉ាងឆាប់រហ័សពីទឹកដី Old Trafford នៅមុនពេលរដូវកាលដោះដូរកីឡាករត្រូវបានបិទ ។

Anthony Martial

Marcos Rojo

Matteo Darmian

Ro-Shaun Williams

 

Axel Tuanzebe

Tahith Chong

ប្រភព: Mirror

 

Lukaku បានចេញមុខការពារ អ្នកចាត់ការរបស់ខ្លួន លោក Mourinho ចំពោះការរិះគន់

ខ្សែប្រយុទ្ធ Romelu Lukaku បាននិយាយការពារ អ្នកចាត់ការក្លឹប Manchester United លោក Jose Mourinho មុនពេលការប្រកួតបើករដូវកាលឈានចូលមកដល់។ លោក Mourinho ត្រូវបានគេរិះគន់យ៉ាងចាស់ដៃ សំរាប់ការប្រកួតមិត្តភាពមុនបើករដូវកាលកន្លងទៅ ដោយសារតែ ការរៀបចំទម្រង់លេងក្នុងការប្រកួត ហាក់មិនសូវមានប្រសិទ្ធភាព ហើយណាមួយ អ្នកចាត់ការរូបនេះ មានបញ្ហារកាំរកូសជាមួយខ្សែប្រយុទ្ធ Anthony Martial ទៀតផងនោះ។

យ៉ាងណាម៉ិញ កីឡាករបែលហ្ស៊ិក Lukaku បានការពារអ្នកចាត់ការរបស់ខ្លួន ដោយបានថ្លែងប្រាប់ Business Insider ថា៖ “មនុស្សទាំងនោះគួរតែយល់ ថាយើងលេងការប្រកួតមិនមែនដើម្បីចាញ់នោះទេ។ ពេលដែលអ្នកចាញ់ អ្នកនឹងមិនសប្បាយចិត្តនោះទេ។

ហើយនៅពេលដែលគាត់[Mourinho] មិនសប្បាយចិត្ត គាត់នឹងធ្វើនូវអ្វីដូចដែលអ្នកបានឃើញ។ ប៉ុន្ដែយើងត្រូវតែទទួលយកថា គាត់ជាអ្នកចាត់ការ និង គ្រូបង្វឹក ដែលចង់ឈ្នះការប្រកួត។”

Lukaku ក៏បាននិយាយផងដែរថា លោក Mourinho ជាមនុស្សពិបាកនិយាយគ្នា នៅពេលហ្វឹកហាត់ ប៉ុន្ដែនៅពេលដែលអ្នកចាត់ការរូបនេះ ត្រជាក់ចិត្ត គាត់នឹងក្លាយទៅជាមនុស្សថ្មីផ្សេងម្នាក់ទៀត ដោយគាត់បានចែករំលែកការសប្បាយ ដំបូន្មានល្អៗ ហើយរូបគេបានចាត់ទុករូបគាត់ជាសមាជិកគ្រួសារមួយរូបផងដែរ។

គួរបញ្ជាក់ថា Lukaku នឹងត្រលប់ទៅហ្វឹកហាត់ជាមួយ Manchester United វិញ បន្ទាប់ពីចូលរួមប្រកួតអោយក្រុមជម្រើសជាតិបែលហ្ស៊ិកក្នុងព្រឹត្តិការណ៍បាល់ទាត់ពិភពលោក ហើយរូបគេអាចនឹងត្រូវអង្គុយកៅអីបម្រុងក្នុងការប្រកួតបើកឆាករបស់ក្រុមទល់នឹង Leicester City៕

ប្រភព៖ Independent

Martial ផ្ញើសារតបទៅលោក Mourinho ដែលបានរិះគន់រូបគេ ក្រោយមិនបានជួយក្រុមប្រកួតមិត្តភាព

ខ្សែប្រយុទ្ធ Anthony Martial របស់ក្រុម Manchester United បានក្រើនរំលឹកអ្នកចាត់ការ Jose Mourinho ថា គ្រួសាររបស់គេគឺសំខាន់ជាងអ្វីៗទាំងអស់ បន្ទាប់ពីមានវិវាទជាមួយអ្នកចាត់ការរូបនេះ ជំវិញការត្រលប់ទៅប្រទេសបារាំងមិនចូលរួម ការប្រកួតមិត្តភាពនៅទឹកដីអាមេរិច។

ខ្សែប្រយុទ្ធរូបនេះបាន ធ្វើដំនើរទៅបារាំងកាលពីសប្ដាហ៍មុន ដើម្បីទៅមើលមិត្តស្រីរបស់ខ្លួនឆ្លងទន្លេ ហើយការដែលកីឡាកររូបនេះ មិនបានចូលរួមជាមួយមិត្តរួមក្រុម ក្នុងការប្រកួតមិត្តភាពនៅអាមេរិច ធ្វើអោយមានពាក្យចចាមអារ៉ាមជាច្រើនលើឡើងថារូបគេអាចនឹងចាកចេញពីក្លឹបទៀតផង។

ហើយកាលពីសប្ដាហ៍មុន លោក Mourinho ក៏បានរិះគន់រូបគេ ដោយសារមិនត្រល់បទៅចូលរួមជាមួយក្រុមវិញ ដោយបានប្រាប់ MUTV ថា៖ “Anthony Martial ទើបតែបានកូន ដែលទើបនឹងកើត ដែលមានសម្រស់ស្អាត និង សុខភាពល្អ អរគុណព្រះជាម្ចាស់។ គេគួរតែត្រលប់មកទីនេះវិញ ប៉ុន្ដែគេមិនមកទេ។”

ក្រោយបញ្ចប់ការប្រកួតពាន International Champions Cup ទល់នឹងក្រុម Real Madrid ដោយទទួលបានជ័យជំនះ ក្នុងលទ្ធផល ២-១ រួចមក អ្នកចាត់ការសញ្ជាតិព័រទុយហ្គាល់ ទំលាយថាលោក មិនប្រាកដពីអនាគតរបស់ខ្សែប្រយុទ្ធបារាំងរូបនេះជាមួយក្លឹបនោះឡើយ។

យ៉ាងណាម៉ិញ មុនពេលត្រលប់មកកាន់ទឹកដី Old Trafford នៅថ្ងៃព្រស្បត្តិ៍នេះ Martial បានបង្ហោះសារមួយដើម្បីដាស់តឿន គ្រូបង្វឹករបស់ខ្លួននៅលើ Twitter ដោយបានសរសេរថា៖ “អរគុណ អ្នកទាំងអស់គ្នាសំរាប់រាល់សារទាំងអស់។ កូនរបស់ខ្ញុំគឺសុខសប្បាយទេ ខណៈដែលម្ដាយរបស់គេមិនទាន់បានធូរស្បើយនៅឡើយ ប៉ុន្ដែពេលនេះគាត់បានគ្រាន់បើហើយ។ សុំទោសប៉ុន្ដែគ្រួសាររបស់ខ្ញុំគឺសំខាន់ជាងអ្វីទាំងអស់… ខ្ញុំនឹងត្រលប់ទៅ Manchester វិញនៅថ្ងៃស្អែក”៕

ប្រភព៖ Goal

លោក Mourinho បង្ហើបថា កីឡាករសំខាន់មួយរូប នឹងគ្មានវត្តមានសំរាប់ការប្រកួតដើមរដូវកាលនេះ

អ្នកចាត់ការក្លឹបបិសាចក្រហម លោក Jose Mourinho បានបញ្ជាក់ថា ខ្សែបម្រើ Nemanja Matic នឹងអវត្តមានសំរាប់ការប្រកួតនៅដើមរដូវកាល លីីគកំពូលអង់គ្លេស បន្ទាប់ពីក្រុមរបស់លោកបានបរាជ័យ ៤-១ ទល់នឹង Liverpool។

ខ្សែបម្រើសញ្ជាតិស៊ែប មិនបានចូលរួមលេងអោយ United ក្នុងការប្រកួតពានមិត្តភាព International Champions Cup នៅទឹកដីអាមេរិចនោះទេ ក្រោយត្រលប់ពីការជួយក្រុមជម្រើសជាតិរបស់ខ្លួ​នក្នុងការប្រកួតពាន World Cup ហើយលោក Mourinho បានបង្ហើបថា កីឡាកររូបនេះបានឆ្លងកាត់ការវះកាត់។

លោកបានប្រាប់ទៅវេបសាយផ្លូវការរបស់ក្លឹបថា៖ “Matic បានត្រលប់ពីការប្រកួត World Cup និង វិស្សមកាល ហើយបានធ្វើការវះកាត់ បន្ទាប់ពីមានបញ្ហាកាលពីប្រកួត World Cup។ រូបគេនឹងអវត្តមានសំរាប់ការប្រកួតដើមរដូវកាល ប៉ុន្ដែខ្ញុំមិនទាន់ដឹងថាពេលណាគេ អាចចូលលេងបានវិញនោះទេ”៕

[វីដេអូ] Shaqiri ស៊ុត bicycle-kick ចុងម៉ោងយ៉ាងល្អ ជួយអោយ Liverpool លត់ Man United ៤-១

ប្រភព៖ Sky Sports

[វីដេអូ] Shaqiri ស៊ុត bicycle-kick ចុងម៉ោងយ៉ាងល្អ ជួយអោយ Liverpool លត់ Man United ៤-១

ក្រុមហង្សក្រហម Liverpool បានយកឈ្នះគូប្រកួតស៊ីសាច់ហុតឈាម Manchester United ក្នុងលទ្ធផល ៤-១ ក្នុងការប្រកួតពាន International Champions Cup កាលពីថ្ងៃសៅរ៍ ខណៈដែលខ្សែប្រយុទ្ធចំនូលថ្មី Xherdan Shaqiri បង្ហាញខ្លួនជាលើកដំបូងជាមួយគ្រាប់បាល់ ដ៏អស្ចារ្យ។

ក្នុងការប្រកួតនោះ ខ្សែប្រយុទ្ធ Sadio Mane រកបានមួយគ្រាប់បើកឆាកអោយហង្សក្រហម ដោយបាល់ពិន័យ១១ម៉ែត្រ បន្ទាប់ពីកីឡាកររបស់បិសាចក្រហម បានបង្កកំហុសទៅលើ Mohamed Salah ប៉ុន្ដែ កីឡាករវ័យក្មេងរបស់ United Andreas Pereira រកបានមួយគ្រាប់តាមស្មើវិញ ដោយបាល់ ហ្វ្រីឃីគ។

យ៉ាងណាម៉ិញ Shaqiri ដែលទើបតែផ្ទេរពី Stoke City មកលេងអោយ Liverpool បានបញ្ជូនបាល់យ៉ាងល្អអោយ Daniel Sturridge រកបានមួយគ្រាប់បន្ថែមទៀត មុនពេលដែល Sheyi Ojo និង ខ្សែប្រយុទ្ធចំនូលថ្មីខ្លួនឯងផ្ទាល់ រកបានម្នាក់មួយគ្រាប់អោយ ហង្សក្រហម៕

អោយតែត្រូវថ្លៃ លោក Mourinho រីករាយនឹងបើកផ្លូវអោយកូនក្រុមមួយរូបចាកចេញ

ខ្សែការពាររបស់ក្លឹបបិសាចក្រហម Matteo Darmian បានសំរេចចិត្តដើរចេញពីក្លឹប ខណៈដែលលោក Jose Mourinho ត្រូវការខ្សែការពារស្លាបស្ដាំមួយរូបជាចាំបាច់។ ខ្សែការពារវ័យ២៨ឆ្នាំ មានទំនាក់ទំនងផ្ទេរទៅលេងអោយក្លឹបនៅលីគកំពូលអ៊ីតាលី នៅរដូវក្ដៅនេះ ខណៈដែលក្លឹប Juventus, AC Milan និង Napoli សុទ្ធសឹងតែចង់បានរូបគេមកចូលរួម។

លោក Mourinho ក៏បាននិយាយផងដែរថា ខ្សែការពារ Darmian ដែលជាកូនក្រុមរបស់លោក អាចចាកចេញពី Old Trafford ប្រសិនបើ Man United ទទួលបានថ្លៃកីឡាកររូបនេះ តាមដែលក្លឹបចង់បាន មុនពេលទីផ្សារដោះដូរនៅអ៊ីតាលីបិទទ្វារនៅថ្ងៃទី ១៧ ខែសីហា។

យ៉ាងណាម៉ិញ អ្នកចាត់ការរូបនេះ ចង់អោយខ្សែការពាររបស់ខ្លួន បន្ដនៅលេងប្រកួតបើកឆាកអោយ United ក្នុងជំនួបជាមួយ Leicester City នៅថ្ងៃទី១០ ខែសីហា បន្ទាប់ពី ប្រធានក្រុម Antonio Valencia មានបញ្ហារបួសកំភួនជើង ខណៈដែលកីឡាករចំនូលថ្មី Diogo Dalot មិនអាចចូលលេងរហូតដល់ខែកញ្ញា ដោយសារបញ្ហារបួសជង្គង់។

ដូច្នេះហើយ Darmian ជាជម្រើសដ៏ល្អបំផុត បើសិនជាគេបន្ដនៅ ប៉ុន្ដែកីឡាកររូបនេះចង់ចាកចេញ ដោយសារតែ រូបគេបានបង្ហាញខ្លួនតែ ១៧ប្រកួតប៉ុណ្ណោះអោយ United សំរាប់រាល់ការប្រកួតទាំងអស់ កាលពីរដូវកាលមុន។

ចំពោះការស្នើសុំរបស់ Darmian លោក Mourinho បានលើកឡើងថា៖ “Matteo ចង់ចាកចេញ, ខ្ញុំគិតថានៅពេលដែលកីឡាករណាម្នាក់ចង់ចាកចេញ ហើយយើងទទួលបានសំនើរក្នុងតំលៃសមរម្យ យើងមិនគួរប្រឆាំងនឹងការសំរេចចិត្តរបស់កីឡាករនោះទេ។ ប៉ុន្ដែមកទល់នឹងពេលនេះ តំលៃដែលផ្ដល់អោយ Matteo មិនទាន់អាចទទួលយកបាននោះទេ”៕

ប្រភព៖ Daily Mail