គ្រូ​ធំ Juve និយាយ​យ៉ាង​ឡូយ ក្រោយ​ឃើញ Ronaldo ស៊ុត​បើក​ឆាក​កាល​ពី​យប់មិញ

បុរស​សញ្ជាតិ​ព័រទុយហ្គាល់ Cristiano Ronaldo អាច​បំបែក​គ្រាប់​បាល់​លើក​ដំបូង​របស់​ខ្លួន ក្រោយ​ចូលរួម​ប្រកួត​មិត្តភាព​រវាង​ក្រុម​ថ្នាល​យុវជន​របស់​ក្លឹប Juventus B មុន​ត្រៀម​បើក​រដូវ​កាល​ថ្មី​នា​ចុង​សប្តាហ៍​នេះ។

 

ជុំវិញ​ការ​បើក​ឆាក Juve A លុត​យ៉ាង​ដំណំ​នៅ​លទ្ធផល ៥០ ប៉ុន្តែ​ត្រូវ​ផ្អាក​ការ​ប្រកួត​ត្រឹម​នាទី ៧០ ក្រោយ​អ្នក​គាំទ្រ​រំអុក​ជា​ឥទ្ធិពល​នៃ​វត្តមាន​អតីត​តារា​ឆ្នើម Madrid។ យ៉ាងណាមិញ​លោក Allegri បាន​ជឿជាក់​ថា​នេះ​ជា​សញ្ញា​វិជ្ជមាន​ក្នុង​ការ​ត្រួសត្រាយ​ផ្លូវ​ឲ្យ​ក្រុម​របស់​ខ្លួន ឆ្ពោះ​ទៅ​ភ្លក់​រសជាតិ​ពាន​រង្វាន់​ធំ​ប្រចាំ​ក្របខ័ណ្ឌ​អឺរ៉ុប​ខាន​កើត​មាន​ជាង ២០ ឆ្នាំ។

លោក​បាន​បញ្ជក់​ថា៖ តាម​ពិត​ទៅ​យើង​ក៏​មាន​មហិច្ឆតា​ធំធេង​ក្នុង​ការ​កាន់​ពាន Champions League ជាង​ឆ្នាំ​ទៅ មិន​ខុស​ពី​យើង​ចង់​បាន Scudetto, Coppa Italia និង Supercoppa Italiana នោះ​ទេ

បន្ថែម​ប្រាប់ Sky Sport Italia“Ronaldo នឹង​នាំ​យក​បទពិសោធន៍​នូវ​កម្រិត​អន្តរជាតិ ជា​ការ​ជំរុញ​បន្ថែម​ដល់​កីឡាករ​របស់​ពួក​យើង ខណៈ​ដែល Real Madrid កន្លង​មក​បាន​ឈ្នះ​ពាន CL ដល់​ទៅ ៤ លក​ក្នុង​រយៈ​ពេល ៥ ឆ្នាំ​ចុង​ក្រោយ ជា​ផល​តប​ស្នង​ការ​ខិតខំ​ប្រឹងប្រែង​ខ្លាំង​របស់​ពួក​គេ ប៉ុន្តែ​យើង​ក៏​ព្យាយាម​ដូច​គ្នា​គ្រាន់​ថា​នេះ​ជា​លើក​ដំបូង​ដែល​ខ្ញុំ​ឃើញ​ក្រុម​ទាំង​មូល​លេង​ជុំ​គ្នា​បាន​យ៉ាង​ល្អ

ប្រភព: Goal

គ្រូបង្វឹក Juve ពន្យល់មូលហេតុ ដែលបដិសេធមិនដឹកនាំ Real Madrid ជាដាច់ខាត

គ្រូបង្គោលរបស់ក្លឹប Juventus លោក Massimiliano Allegri  បានលើកឡើងថាលោក មានការសប្បាយចិត្តសំរាប់ការសំរេចចិត្តរបស់ខ្លួនសំរាប់ការបន្ដស្នាក់នៅ ទីក្រុងទូរីនបន្ទាប់ពីបដិសេធសំនើររបស់ក្លឹប Real Madrid។

អ្នកចាត់ការវ័យ៥០ឆ្នាំរូបនេះ មានទំនាក់ទំនងផ្ទេរទៅក្លឹបអង់គ្លេស Arsenal និង​ក្រុមការពារជើងឯក Champions League កាលពីចុងរដូវកាលមុន មុនពេលដែលរូបលោកបានបដិសេធពត៌មានទាំងនេះ ហើយបន្ដដឹកនាំ Juventus។

លោក Allegri បាននិយាយប្រាប់ទស្សនាវដ្ដី Stile Mese ថា៖ “ខ្ញុំបាននិយាយថាទេ ចំពោះ Real Madrid ព្រោះតែខ្ញុំបានប្ដេជ្ញាចិត្តជាមួយប្រធានក្លឹប Juve រួចទៅហើយ។ ដោយសារតែការសំដែងការគោរពចំពោះ Juventus ដូច្នេះហើយបានជាខ្ញុំច្រានចោលសំនើររបស់ Real Madrid ដែលជាក្លឹបធំបំផុតលើលោក ដែលគ្រូបង្វឹកគ្រប់រូបប្រាថ្នាចង់ទៅដឹកនាំ”៕

ប្រភព៖ Goal

គ្រូ Juventus និយាយអ្វីខ្លះពី Real Madrid ក្រោយបរាជ័យក្នុងការប្រកួតមិត្តភាព?

អ្នកចាត់ការក្លឹប Juventus លោក Massimilliano Allegri យល់ថា Real Madrid នៅតែជាក្រុមដែលពិបាកយកឈ្នះ បើទោះបីជាគ្មានវត្តមានតារាឆ្នើម Cristiano Ronaldo ក៏ដោយ។

ខ្សែប្រយុទ្ធព័រទុយហ្គាល់រូបនេះ បានចាកចេញពីទឹកដី Santiago Bernabeu ទៅលេងអោយក្លឹបម្ចាស់ពាន Serie A កាលពីខែកក្កដាកន្លងទៅ ជាមួយនឹងតំលៃ ១០០ផោន បើទោះបីជារូបគេមានវ័យជិត ៣៤ឆ្នាំទៅហើយក្ដី។

Ronaldo មិនបានចូលរួមប្រកួត មិត្តភាពជាមួយនឹងក្រុមនៅទឹកដីអាមេរិច កទល់នឹង Real Madrid ដែលបរាជ័យក្នុងលទ្ធផល ៣-១ កាលពីថ្ងៃអាទិត្យនេះទេ ដោយសររូបគេត្រូវបានអនុញ្ញាតអោយសំរាក បន្ទាប់ពីបំពេញភារកិច្ចនៅ World Cup។

ហើយអ្នកចាត់ការក្លឹបសេះបង្កង់លោក Allegri យល់ថាក្លឹបយក្សអេស្ប៉ាញ នៅតែជាក្រុមខ្លាំងសំរាប់រដូវកាល ២០១៨/១៩នេះ បើទោះបាត់បង់តារាឆ្នើមរូបនេះក៏ដោយ។ លោកបានប្រាប់អ្នកកាសែតបន្ទាប់ពីការប្រកួតចប់ថា៖ “Real Madrid គឺជាក្រុមខ្លាំង យើងពិតជារីករាយដែលមាន Cristiano ជាពិសេសនៅក្នុងការប្រកួតលំដាប់ពិភពលោក ហើយនឹង បទពិសោធន៍ដែលគេនាំយកមកអោយក្លឹប។

“ទោះបីជាយ៉ាងណាក្ដី Real Madrid នៅតែជាក្លឹបដែលមានការប្រកួតប្រជែង ទោះបីជាមាន ឬ គ្មាន Cristiano ក៏ដោយ។ វាជារឿងមួយដ៏អស្ចារ្យដែលខ្ញុំអាចដឹកនាំ Cristiano Ronaldo, ជាការពិត គេជាកីឡាករកំពូលមួយរូបនៅលើលោក ជាមួយនឹង Lionel Messi ហើយខ្ញុំពិតជាមានកិត្តិយសខ្លាំងណាស់ ដែលមានសិទ្ធដឹកនាំកីឡាករដ៏អស្ចារ្យបែបនេះ”៕

[វីដេអូ] Bale និង Asensio រកគ្រាប់បាល់អោយ Real Madrid យកឈ្នះ Juventus ក្នុងជំនួបមិត្តភាពនៅអាមេរិច

ប្រភព៖ Goal