រូបភាព (Render) ថ្មីមួយផ្សេងទៀតបានបង្ហាញពីរចនាបថប្លែកភ្នែកនៃ iPhone XR សេរ៊ីឆ្នាំ ២០១៩ ដែលគេជឿថាមានបំពាក់កាមេរ៉ាបីគ្រាប់បែបបញ្ឈរ។ បច្ចុប្បន្នដែលស្ថិតក្រោមការអភិវឌ្ឍពីក្រុមហ៊ុន Apple ប៉ុន្តែក្រុមការងារ CompareRaja និង Steve Hemmerstoffer បានបង្ហាញនូវ Render ថ្មីស្រឡាងនេះផ្អែកតាមការយល់ឃើញរបស់ខ្លួន។
តួខាងក្រោយដាក់កាមេរ៉ាបែបបញ្ឈរនៅចន្លោះកណ្តាល ខុសពីរចនាបថកាមេរ៉ាលើ iPhone 7 Plus និង iPhone 8 Plus ដែលមានការប្រើប្រាស់ស្រដៀងគ្នា ប៉ុន្តែតាមការច្នៃបែបនេះមើលឲ្យជាក់ទៅអ្នកនឹងអាចនឹកដល់ស្មាតហ្វូន LG V40 ThinQ បង្ហាញខ្លួន ទើបប្រកាសនាខែតុលា ឆ្នាំ ២០១៨ កន្លងទៅ។
យ៉ាងណាមិញប្រភពបានសង្កត់ធ្ងន់ថាស្មាតហ្វូនជំនាន់ក្រោយរបស់ Apple នឹងនៅតែបន្តប្រើប្រាស់រន្ធដោតប្រភេទ Lightning ដដែល ពោលគឺពុំអភិវឌ្ឍទៅប្រភេទរន្ធ USB-C ដូចចចាមអារ៉ាមលេចលឺកន្លងទៅឡើយ។ ចំពោះការបង្ហាញខ្លួនផ្លូវការរំពឹងនឹងធ្វើឡើងនាខែកញ្ញា ឆ្នាំ ២០១៩ ដូចក្រុមហ៊ុនយក្សរបស់លោក Tim Cook រមែងប្រព្រឹត្តិទៅជារៀងរាល់ឆ្នាំ។
ប្រភព:PhoneArena