ផ្អែកតាមចចាមអារ៉ាមចុងក្រោយបង្អស់ត្រូវបានគេដឹងថាស្មាតហ្វូនកំពូលជំនាន់ក្រោយ Galaxy S10 នឹងមិនអាចដំណើរការមុខងារស្កេនខ្ចៅដៃបង្កប់លើអេក្រង់នោះទេ ប្រសិនណាមានបិទកញ្ចក់ការពារ (Screen Protector)។
តាមការជឿជាក់កន្លងមកដែលថាធុនធ្ងន់របស់ Samsung រួមមាន Galaxy S10 និង Galaxy S10+ ដែលណែនាំនូវបច្ចេកវិទ្យាថ្មី Ultrasonic Fingerprint Technology អាចនឹងប្រឈមការរាំងស្ទះបញ្ហាសំខាន់ដូចលើកឡើងខាងលើ។ នេះបើយោងតាម Armadillotek បានចុះផ្សាយលើ Twitter។
បច្ចុប្បន្នភាពប្រភពបញ្ជាក់ថាក្រុមហ៊ុនយក្សកូរ៉េខាងត្បូងនឹងសាកល្បងតេស្តមើលលើរាល់ប្រភេទកញ្ចក់ការពារទាំងអស់ ប្រសិនណាគ្មានដំណោះស្រាយទេនោះ Samsung ក៏អាចនឹងបន្ថែមមកជាមួយនូវកញ្ចក់ការពារដែលអាចគាំទ្រដំណើរការស្កេនខ្ចៅដៃបង្កប់ក្រោមអេក្រង់មកពីនាយផ្ទាល់តែម្តង។ បែបណាមិញនោះយើងនឹងបានដឹងកាន់តែច្បាស់អំឡុងចុងខែកុម្ភៈនៃព្រឹត្តិការណ៍ប្រចាំឆ្នាំរបស់ក្រុមហ៊ុន Samsung។
ប្រភព:GSMArena