ក្មេងប្រុសអាយុ ៣ ឆ្នាំស្ថិតក្នុងប្រទេសហ្វីលីពីនត្រូវបានគេប្រទះឃើញទៅអង្គុយនៅមុខហាងលក់មាន់បំពងមួយកន្លែងដែលមិនទាន់បើកទ្វារ។
វេលាម៉ោង ៥ ៤៥ នាទីព្រឹក មុនរយៈពេល ១៥ នាទីដែលហាងត្រូវបើកដំណើរការ ក្មេងប្រុសបានដឹកដៃម្តាយឪពុកមកទីតាំងនោះ ទោះគេមិនទាន់លក់ ក៏អាម៉ាប់តូចទៅស៊ូអង្គុយរង់ចាំ រហូតដល់ទ្រាំលែងបាន អង្គុយចេញកាយវិការទាញរូបមាន់បំពងញាំដែលបិទជាប់លើ Poster ហើយងក់ក្បាលថាវាឆ្ងាញ់ថែមទៀតផង។
មួយម៉ាត់ចុងក្រោយកាន់តែធ្វើឲ្យអ្នកទស្សនាវីដេអូលើបណ្តាញសង្គមទប់សំណើចមិនបាននឹងក្មេងដ៏គួរឲ្យស្រលាញ់មួយនេះ។ ទីបំផុតសំណាងបានក្លាយជាការពិត ដោយហាងខាងលើក៏ព្រមបញ្ជូនមាន់បំពងជាច្រើនប្រអប់ទៅឲ្យក្មេងប្រុសនោះបន្ទាប់ពីដឹងរឿងរ៉ាវដ៏ភ្ញាក់ផ្អើលនេះ។
វីដេអូរបស់ក្មេងប្រុសឈ្មោះ Harvey ទទួលបានការចុចទស្សនាខ្ទង់លាននាក់លើបណ្តាញសង្គម និងការចុច Share រាប់មុឺនដង រហូតបង្កើតចេញជា Facebook Page ផ្ទាល់ខ្លួនមួយថែមទៀតផង ដោយមានឈ្មោះថា Vince Harvey The JolliBoy។
ទស្សនាវីដេអូ:
https://www.facebook.com/SCMPVIDEO/videos/10156515104409820/
ប្រភព : SCMP