Xavi អាចនឹងត្រលប់មកជួបជុំជាមួយ Messi ប៉ុន្ដែមិនមែនជាមិត្តរួមក្រុម

វីរបុរសរបស់ Barcleona លោក Xavi Hernandez អាចនឹងក្លាយជា អនុប្រធានផ្នែកកីឡារបស់ក្លឹប នៅទឹកដី Camp Nou នាពេលខាងមុខ ដែលជាឱកាសក្នុងការជួបជុំជាមួយមិត្តជិតស្និទ្ធ Lionel Messi។

កីឡាករវ័យ ៣៩ឆ្នាំរូបនេះ បានចាកចេញពី Barcelona កាលពីឆ្នាំ ២០១៥ មកលេងអោយក្លឹបកាតា Al Sadd SC ហើយអតីតប្រធានក្រុមអ្នកមានបុណ្យ បានប្រកាសថានឹងចូលនិវត្តពីអាជីពជាកីឡាករនាពេលឆាប់ៗនេះ។

គួរបញ្ជាក់ថា លោក Victor Font បាននាំមុខក្នុងចំណោមបេក្ខភាពប្រធានក្លឹបថ្មី របស់ Barcelona ហើយលោកបានបង្ហើបថា មានការពិភាក្សា ក្នុងការនាំយក អតីតខ្សែបម្រើអេស្ប៉ាញ ក្នុងតំណែងជាថ្នាក់ដឹកនាំរបស់ក្លឹប។

ការបោះឆ្នោតជ្រើសរើសប្រធានក្លឹបនៅ Barcelona ត្រូវបានគេរំពឹងថា នឹងធ្វើឡើងនៅឆ្នាំ ២០២១ ហើយលោក Font ឈរជាបេក្ខភាពនាំមុខគេសំរាប់តំណែងនេះ។ ហើយរូបលោក ត្រូវបានទទួលការគាំទ្រពីអតីតប្រធានក្រុម Carles Puyol និង ម្ចាស់ឧបត្ថម្ភធំ Grifols ផងដែរ៕

ប្រភព៖ Mirror

មតិយោបល់