ក្រុមហូឡង់បានយកឈ្នះ ៣-២ ទៅលើអ៊ុយក្រែននៅឯកីឡដ្ឋានរបស់ក្លឹប Ajax ក្នុងប្រទេសហូឡង់កាលពីយប់មិញ ហើយអ្វីដែលអស្ចារ្យនោះគឺគ្រាប់បាល់របស់កីឡាករអ៊ុយក្រែនដែលការបញ្ចប់ទីក្រៅប្រអប់បានយ៉ាងអស្ចារ្យ។
ដ្បិតមិនអាចទទួលជ័យជម្នះតែគ្រាប់បាល់របស់ Andriy Yarmolenko កំពុងស្ថិតក្នុងបេះដូងអ្នកគាំទ្រ ហើយសូម្បីតែទំព័រផ្លូវការ UEFA Euro ក៏ប្រកាសដែរថា គ្រាប់បាល់នេះកំពុងល្អបំផុតនាំមុខគេនៅជុំទី ១ ហើយសួររកថាមាននរណាអាចស៊ុតបានល្អជាងនេះឬអត់?
នៅនាទី ៧៥ កីឡាកររបស់ក្លឹប West Ham បានស៊ុតបាល់នៅក្រៅប្រអប់ ដោយការប្រើប្រាស់ជើងឆ្វេង ផុតដៃអ្នកចាំទី Maarten Stekelenburg ចូលទីបានយ៉ាងល្អ។ មតិមួយចំនួនក៏ថែមទាំងលាន់មាត់សរសើរ Andriy ថាជា “Nani ប្រចាំអ៊ុយក្រែន” ទៀតផង៕
ទស្សនាវីដេអូខាងក្រោម៖
🚀 Will there be a better goal than THIS Andriy Yarmolenko golazo in the first round of games?
@GazpromFootball | #EUROGOTR | #EURO2020 pic.twitter.com/9hoOxy8wcH
— UEFA EURO 2024 (@EURO2024) June 13, 2021
អានអត្ថបទបន្ទាប់៖ Sterling ស៊ុតចូលទីមែនតែ Mourinho ថាម្នាក់នេះទៅវិញទេដែលជាកីឡាករអង់គ្លេសល្អបំផុតក្នុងការប្រកួត
លោក Jose Mourinho បានកោតសរសើរការលេងរបស់ក្រុមជម្រើសជាតិអង់គ្លេស ក្នុងការប្រកួត EURO 2020 ដោយបានយកឈ្នះក្រូអាតដោយលទ្ធផល ១-០ នៅក្នុងវគ្គចែកពូលកាលពីថ្ងៃអាទិត្យនេះ។
Raheem Sterling រកគ្រាប់បាល់ជ័យជម្នះតែមួយគ្រាប់គត់ជួយឱ្យក្រុមតោកំណាចអង់គ្លេស ទទួលបាន៣ពិន្ទុសម្រាប់ការប្រកួតបើកឆាកនៅកីឡដ្ឋានជាតិ Wembley។
គ្រាប់បាល់ដែលខ្សែប្រយុទ្ធរបស់ក្លិប Manchester City រកបានគឺជាការបញ្ជូនយ៉ាងល្អពី Kalvin Phillips ដែលបានបង្ហាញភាពលេចធ្លោខ្លាំងនៅក្នុងការប្រកួតនេះ ហើយគេទទួលបានការសរសើរពីអតីតអ្នកចាត់ការ Manchester United និង Chelsea ផងដែរ។
នៅពេលដែលឱ្យជ្រើសរើសកីឡាករអង់គ្លេស ល្អបំផុតប្រចាំការប្រកួត លោក Mourinho បាននិយាយថា៖ “ខ្ញុំត្រូវតែជ្រើសយក Kalvin Phillips”។
អ្នកចាត់ការថ្មីរបស់ Roma បាននិយាយសរសើរសមត្ថភាពរបស់ Phillips ក្នុងការសហការជាមួយ Declan Rice នៅតំបន់កណ្ដាល និងការដាក់សម្ពាធលើគូប្រកួត ជាពិសេសតែឆក់ឱកាសផ្ដាច់បាល់ Luka Modric និង Mateo Covacic របស់ក្រុមក្រូអាតផងដែរ៕
ប្រភព៖ talkSPORT