នៅការប្រកួតរវាងក្រុមជម្រើសជាតិអង់គ្លេស និងអ៊ីតាលីកាលពីថ្ងៃមុន យើងឃើញថា ក្រៅពីទិដ្ឋភាពដ៏ជក់ចិត្តលើទីលាន នៅខាងក្រៅទីលានឯណេះវិញ ក៏មានរឿងចម្រូង.ចម្រាសច្រើនដែរ ទាំងមុនការប្រកួត និងក្រោយចប់ការប្រកួត។
និយាយពីមុនការប្រកួត អ្នកគាំទ្រជាច្រើនដែលគ្មានសំបុត្រចូលទស្សនាបានសម្រុកចូលតាមច្រកទ្វារមួយ មកផ្តុំគ្នាអង្គុយនៅកៅអី ដែលត្រូវបានគេកក់ ឬទិញសំបុត្រត្រឹមត្រូវរួចហើយ ដែលបញ្ហានេះ ខាងគណៈគ្រប់គ្រងកីឡដ្ឋានពុំអាចដោះស្រាយទាន់ពេលវេលានោះទេ នាំឲ្យអ្នកដែលមានសំបុត្រហើយមួយចំនួន បែរជាគ្មានកៅអីអង្គុយត្រឹមត្រូវទៅវិញ។ ហេតុការណ៍នេះក៏បានកើតទៅលើកូនប្រុសបង្កើត របស់អ្នកចាត់ការអ៊ីតាលី លោក Roberto Mancini ផ្ទាល់ផងដែរ។
ប្រាប់ Sky Sport Italia ក្រោយចប់ការប្រកួត Andrea Mancini និយាយ៖ “មានភាពរញ៉េ.រញ៉ៃ ជាមួយអ្នកគាំទ្រដែលគ្មានសំបុត្រ ហើយពួកគេបានយកកន្លែងអង្គុយរបស់ខ្ញុំ ដោយតង់ទីមួយខ្ញុំត្រូវអង្គុយទស្សនានៅកន្លែងគេដើរចេញចូល ហើយនៅតង់ទីពីរខ្ញុំរកបានកន្លែងផ្សេង ដែលនេះប្រហែលជានាំសំណាងដល់ពួកយើង”។
We witnessed this and I stepped away just in time. If this is even crossing your mind, don’t. You don’t get far. Please don’t ruin it for everyone at Wembley. pic.twitter.com/CoNx4U4CHb
— Michelle Owen (@MichelleOwen7) July 11, 2021
បញ្ជាក់ថា ខាងសមាគមបាល់ទាត់អង់គ្លេសបានប្រកាសក្រោយចប់ការប្រកួត ថាពិតជាមិនពេញចិត្តចំពោះសកម្មភាពរបស់មនុស្សមួយចំនួនតូចនោះជាខ្លាំង ហើយពិតជាអាម៉ា.ស់សម្រាប់ប្រទេសជាតិទាំងមូល ដោយបច្ចុប្បន្នសមាគមកំពុងធ្វើការជាមួយអាជ្ញាធរក្នុងការកំណត់អត្តសញ្ញាណពីអ្នកដែលបានរត់ចូលទៅក្នុងកីឡដ្ឋាន ដោយគ្មានការអនុញ្ញាត៕
ប្រភព៖ Metro
អានអត្ថបទបន្ទាប់៖ Di Maria ប្រាប់ពីពាក្យពេចន៍ដ៏មានន័យដែល Messi មកខ្លួន ក្រោយឈ្នះពាន Copa America
Angel di Maria ជាកីឡាករដែលរកបានគ្រាប់បាល់នៅវគ្គចុងក្រោយ ជួយឲ្យអាហ្សង់ទីនយកឈ្នះ ១-០ ទៅលើប្រេស៊ីល សម្រេចឈ្នះពាន Copa America ដែលខកខានអស់រយៈពេលជាង ២ ទសវត្ស។
ទាំង Di Maria និង Messi តាមពិតទៅបានជួបរឿងខ.កចិត្តច្រើនមកហើយ មិនថាតែនៅ FIFA World Cup 2014 និងពានរង្វាន់ Copa America សម័យកាលប៉ុន្មានឆ្នាំមុន ទម្រាំបានក្លាយជាម្ចាស់ជើងឯកដូចពេលកន្លងទៅនេះ។
ជាមួយការលើកពានរង្វាន់សារនេះ Di Maria ក៏និយាយអំពីពាក្យពេចន៍ប៉ុន្មានម៉ាត់ដែល M10 ប្រាប់មកខ្លួនដូច្នោះថា៖ “វានឹងក្លាយជាទិដ្ឋភាពដែលយើងមិនអាចបំភ្លេចបាន ហើយ Messi ប្រាប់មកកាន់ខ្ញុំថា អរគុណខ្ញុំ ហើយខ្ញុំក៏អរគុណទៅគាត់វិញដូចគ្នា”។
លោកបន្ត៖ “គាត់ប្រាប់ខ្ញុំទៀតថា នេះជាវគ្គផ្តាច់ព្រ័ត្រចុងក្រោយ ហើយវាក៏មិនអាចលេងសារឡើងវិញទៀតដែរ ដូច្នេះអ្វីដែលកើតឡើងនៅថ្ងៃនេះ គឺបានកើតឡើងហើយ”។
“ខ្ញុំ [Di Maria] ពិតជារីករាយសម្រាប់ភរិយា កូនស្រី និងឪពុកម្តាយរបស់ខ្ញុំ ក៏ដូចជាអ្នកគាំទ្រទាំងអស់ ដែលមានវត្តមាននៅទីនេះ ហើយការប្រកួតប្រជែងពានរង្វាន់ World Cup ដែលនឹងមកដល់នៅពេលខាងមុខ នេះគឺជាកម្លាំងជំរុញដ៏ខ្លាំងក្លា”។
ជាការពិតសម្រាប់ Messi មានភាគរយខ្ពស់ ដែលនឹងអស់ឱកាសបង្ហាញខ្លួននៅ Copa America សារក្រោយហើយ ពោលគឺទម្រាំដល់ឆ្នាំ ២០២៤ លោកមានអាយុ ៣៧ ទៅ ៣៨ ឆ្នាំ ដែលជាវ័យរាងជ្រេ ប្រហែលលោកសម្រេចចិត្តព្យួរស្បែកជើងច្រើនជាងបន្ត ពោលគឺត្រឹមតែចប់ FIFA World Cup 2022 ខាងមុខ អាចជាភារកិច្ចចុងក្រោយរបស់លោកជាមួយជម្រើសជាតិអាហ្សង់ទីន៕
ប្រភព៖ SoccerLaduma