ក្លិបអេស្ប៉ាញ Atletico Madrid អាចនឹងផ្ដល់សំណើទៅខ្សែបម្រើ Gini Wijnaldum ប្រសិនបើកីឡាកររូបនេះ នឹងចាកចេញពី Paris Saint-Germain ក្នុងទីផ្សារដោះដូររដូវក្ដៅនេះ។
Wijnaldum បានជ្រើសរើសក្នុងការផ្ទេរមកក្លិបអ្នកមានបារាំង ក្រោយចប់កិច្ចសន្យាជាមួយក្លិប Liverpool ទោះបីជាទទួលបានការចាប់អារម្មណ៍ខ្លាំងពី Barcelona ក៏ដោយ។
ទោះយ៉ាងណាក្ដី ការចូលរួមនៅប៉ារីស មិនមានភាពល្អប្រសើរសម្រាប់ Wijnaldum នោះទេ ដោយគេលេងបានតែ១៣ប្រកួតប៉ុណ្ណោះក្នុង Ligue 1 ក្នុងរដូវកាលនេះ ហើយពុំសូវទទួលបានឱកាសលេងក្នុងជម្រើស១១នាក់ដំបូងប៉ុន្មានទេ។
យោងតាមការរាយការណ៍ពី Mundo Deportivo បានឱ្យដឹងថា ទោះបីជាចំណាយពេលមិនដល់៣ខែផង ក្នុងកុងត្រារយៈពេល៣ឆ្នាំនៅ Paris ខ្សែបម្រើវ័យ៣១ឆ្នាំរូបនេះ កំពុងពិចារណាក្នុងការផ្លាស់ទៅ Atletico Madrid។
ក្លិបអធិរាជក្រហមស នឹងត្រូវចំណាយប្រមាន២០លានផោនសម្រាប់ PSG ស្របពេលអ្នកចាត់ការ Diego Simeone ចង់រកកម្លាំងបន្ថែមនៅតំបន់បម្រើ ក្រោយពេលដែល Hector Herrera បានសម្រេចការផ្ទេរចេញ ទៅចូលរួមក្លិប Houston Dynamo នៅលីគកំពូលអាមេរិក៕
ប្រភព៖ Football Espana