ក្លឹប FC Barcelona យកបានកីឡាករចំណូលថ្មីដល់ទៅ ៣ រូបហើយ ដែលនេះលឿនជាងគេបើធៀបនឹងបណ្តាក្លឹបឯទៀតនៅតំបន់អឺរ៉ុប។ ប៉ុន្តែការចំណាយលើអ្នកទាំងបីពាក់ព័ន្ធតម្លៃផ្ទេរ គឺក្លឹបចាយអស់តែម្នាក់ប៉ុណ្ណោះនោះគឺជាង ៧ លានអឺរ៉ូទៅលើខ្សែការពារស្លាប Emerson ខណៈ ២ រូបទៀតឥតតម្លៃខ្លួន។
គេជឿថាអ្នកទាំងបី នឹងមានវត្តមានក្នុងការបង្ហាញខ្លួននៅជម្រើសដំបូងច្រើននារដូវកាលក្រោយ ព្រោះក្លឹបកំពុងត្រៀមរុះ.រើចង់លក់ចេញកីឡាករមិនសំខាន់ខ្លះចោលហើយ។ យ៉ាងណាបើយើងសាកល្បងផ្គុំជម្រើស ១១ រូបល្អបំផុតនៅរដូវកាលក្រោយរបស់អ្នកមានបុណ្យ តើវានឹងក្លាយទៅជាបែបណា បើប្រើប្រាស់ពួកគេទាំង ៣ ខាងលើ?
នោះគឺមានដូចជាអ្នកចាំទី Ter Stegen ដដែល ហើយខ្សែការពារស្លាបឆ្វេងយើងប្រើប្រាស់ Alba អមស្លាបស្តាំចំណូលថ្មី Emerson ខណៈតំបន់កណ្តាលមាន Garcia និង Araujo ដែលសុទ្ធតែជាកីឡាករក្មេងៗពោរពេញដោយទេពកោសល្យ។
ទៅមើលតំបន់បម្រើ យើងដាក់ Busquets នៅបម្រើការពារ ហើយវ៉ៃឡើង Pedri និង De Jong នៅបម្រើកណ្តាល រួចអមសងខាងដោយប្រយុទ្ធស្លាប Messi និង Ansu Fati ខណៈនៅតំបន់ខាងលើ គឺខ្សែប្រយុទ្ធមុតស្រួច Sergio Aguero ដែលត្រៀមនឹងដើរតួជាម៉ាស៊ីនបញ្ចប់ទី។ មើលទៅប្រព័ន្ធនេះគឺជឿថាល្អជាងមុន ហើយប្រហែលជាអាចប.ង្កប.ញ្ហាដល់គូប្រជែងខ្លាំងជាងរដូវកាលនេះក៏ថាបាន។
ប៉ុន្តែបើជោគជ័យលើការនាំយកគោលដៅថ្មី ២ រូបផ្សេងទៀត មាន Depay និង Wijnaldum នោះប្រព័ន្ធកីឡាករថ្មីនឹងផ្លាស់ប្តូរដូចខាងក្រោម៖
ប្រភព៖ Tribuna
អានអត្ថបទបន្ទាប់៖ Ancelotti ចេញសារមួយនេះភា្លមផ្ញើជូន Bale និង Hazard ក្រោយវិលមកកាន់តំណែងនៅ Real វិញ
ក្លិប Real Madrid បានធ្វើឲ្យអ្នកគាំទ្រមានភាពភ្ញាក់ផ្អើ.លយ៉ាងខ្លាំង បន្ទាប់ពីបានប្រកាសតែងតាំងលោក Carlos Ancelotti មកធ្វើជាអ្នកចាត់ការក្រុមជាថ្មីម្តងទៀត ក្រោយពីការចាកចេញពីរបស់លោក Zinedine Zidane កន្លងទៅ ។
ហើយមិនតែប៉ុណ្ណោះ ក្រោយពីការចូលមកដឹកនាំក្រុមអេស្ប៉ាញជាលើកទី ២ នេះ លោក Ancelotti បានទទូចថាខ្សែប្រយុទ្ធ Eden Hazard និង Gareth Bale នឹងក្លាយជាផ្នែកដ៏សំខាន់នៃក្រុមរបស់គាត់ សម្រាប់រដូវកាលថ្មីខាងមុខនេះ ចំពេលអនាគតរបស់ពួកគេនៅក្នុងពេលបច្ចុប្បន្នកំពុងធ្លាក់ចូលទៅក្នុងភាពសង្ស័យ ។
ជាក់ស្តែង Hazard ហាក់ទទួលបានភាពខកចិត្តជាច្រើនរួចមកហើយ នៅក្នុងរយ:ពេល ២ រដូវកាលមកនេះ ចាប់តាំងពីគេបានសម្រេចចិត្តចាកចេញពីក្រុមតោខៀវ Chelsea នៅឆ្នាំ ២០១៨ មក ដោយគេអាចស៊ុតបញ្ចូលទីត្រឹមតែ ៥ គ្រាប់ប៉ុណ្ណោះ ពីការបង្ហាញខ្លួនសរុប ៤៣ លើកឲ្យ Real Madrid ។
ទន្ទឹមនឹងនេះ Bale ក៏បានជួបប្រទះរដូវកាលដ៏លំបាក នៅក្រោមការដឹកនាំរបស់អ្នកចាត់ការក្រុម លោក Zinedine Zidane យ៉ាផងដែរ មុនពេលត្រូវបានក្លិបអេស្ប៉ាញ ដាក់ឲ្យ Tottenham Hotspur ខ្ចីជើង បន្ទាប់ពីបានស៊ុតបញ្ចូលទីបាន ១៦ គ្រាប់ ក្នុងការបង្ហាញ ៣៤ ប្រកួត។
តែទោះជាយ៉ាងណាក៏ដោយ បច្ចុប្បន្នអនាគតរបស់តារាឆ្នើមទាំង ២ រូបខាងលើ ហាក់កំពុងមានភាពល្អប្រសើឡើងវិញហើយ ក្រោយពីអ្នកចាត់ការថ្មី លោក Ancelotti បានបង្ហាញភាពមុតមាំថាពួកគេនឹងទទួលបានឱកាសច្រើន នៅក្រោមការដឹកនាំរបស់គាត់ ។
គួរបញ្ជាក់ថាគ្រូបង្វឹកសញ្ជាតិអ៊ីតាលីរូបនេះ ធ្លាប់ទទួលបន្ទុកដឹកនាំ Real កំឡុងពេល Bale មកដល់ក្នុងឆ្នាំ ២០១៣ ហើយលើសពីនេះទៅទៀត លោក Ancelotti ក៏បានបង្ហើបទៀតថាគាត់កំពុងទន្ទឹករង់ជួបកីឡាករក្នុងក្រុមផ្សេងទៀតដូចជា Isco, Marcelo និង Sergio Ramos ដើម្បីធ្វើការជាមួយគ្នាជាលើកទី ២ ៕
ប្រភព: Metro