ក្លិប Barcelona បានដាក់សំណើផ្ដោះប្ដូរកីឡាករជាមួយក្លិបយក្សអ៊ីតាលី AC Milan សម្រាប់កីឡាករក្រៅជម្រើស Philippe Coutinho។
ក្លិប AC Milan ត្រូវបានរាយការណ៍ថា មានការចាប់អារម្មណ៍ ក្នុងការនាំយកអតីតតារាឆ្នើមរបស់ Liverpool ទៅចូលរួមនៅទឹកដី San Siro មុនរដូវកាល ២០២១-២២ ឈានចូលមកដល់ ស្របពេលឱកាសបង្ហាញខ្លួនក្នុងជម្រើសដំបូងនៅទឹកដី Camp Nou ត្រូវបានកំណត់។
អ្នកចាត់ការក្លិប Barcelona លោក Ronald Koeman កំពុងសម្លឹងមើលឱកាសក្នុងការបញ្ចេញកីឡាករល្បីៗច្រើនរូប នៅប៉ុន្មានសប្ដាហ៍ខាងមុខនេះ ដើម្បីសម្របទៅនឹងច្បាប់ចំណាយប្រាក់ឈ្នួលកីឡាករនៅក្នុងក្លិប។
ហើយបើយោងតាម Diario Sport បានរាយការណ៍ថា ពេលនេះ Barcelona អាចដាក់សំណើប្ដូរ Coutinho ជាថ្នូរនៃការនាំយក ខ្សែការពារ Alessio Romagnoli ពី Milan វិញ។
តារាឆ្នើមអ៊ីតាលី Romagnoli បានបដិសេធសំណើកុងត្រាថ្មីជាមួយក្លិប ហើយពួកគេអាចបង្ខំចិត្តលក់កីឡាកររូបនេះចេញ ចៀសវាងការបាត់បង់រូបគេដោយពុំមានតម្លៃផ្ទេរ៕
ប្រភព៖ Football Espana
អានអត្ថបទបន្ទាប់៖ Danny Mills ថាម្នាក់នេះល្អប៉ុណ្ណឹងដែរ មិនគួរ United បណ្តោយឲ្យ Arsenal ចរចាយកបានមុន
ក្លឹបបិសាចក្រហម Manchester United កំពុងសម្លឹងចង់នាំយកខ្សែការពារថ្មីនៅរដូវក្តៅ ហើយពួកគេក៏មានជម្រើសជាច្រើនក្នុងដៃ តែចំណោមនោះហាក់ផ្តោតទៅលើ Raphael Varane ខ្លាំងជាងគេ។
យ៉ាងណាតាមការយល់ឃើញរបស់លោក Danny Mills បាននិយាយថា ខ្លួនពិតជាភ្ញាក់.ផ្អើលការដែលឃើញ United មិនបានទៅចរចាយក Ben White ហើយបណ្តោយឲ្យក្លឹប Arsenal យកបានមុន។ ជាការពិតគឺមានដំណឹងច្បាស់ការ ៩៩ ភាគរយហើយថា ក្រុមម្ចាស់ដី Emirate Stadium បានជោគជ័យលើការនាំយកខ្សែការពាររបស់ក្លឹប Brighton នៅតម្លៃ ៥០ លានផោនមកជំនួសតំណែងរបស់ David Luiz។
ប្រាប់ talkSPORT លោក Mill និយាយ៖ “រឿងមួយដែលខ្ញុំភ្ញាក់.ផ្អើលបំផុតនោះគឺ Ben White បានទៅលេងឲ្យ Arsenal ហើយ ២ ទៅ ៣ ឆ្នាំទៀតខ្ញុំយល់ថាគេនឹងល្អប្រសើរជាងនេះ តែបើនិយាយឱកាសឈ្នះពានរង្វាន់ធំ គឺតិចតួចណាស់ អស់ច្រើនបានត្រឹម League Cup បើគេសំណាង ឬអាចជា FA Cup”។
លោកបន្ត៖ “ខ្ញុំគិតថាគេជាកីឡាករលេចធ្លោ ហើយការចុះហត្ថលេខាមកលងឲ្យ Arsenal គឺល្អហើយ គ្រាន់តែចម្លែ.កចិត្តការដែល Man Utd កំពុងសម្លឹងចង់បានខ្សែការពារកណ្តាលដែរ តែបែរជាមិនមកចរចាយកគេឲ្យបានមុន”៕
ប្រភព៖ Metro