ខ្សែបម្រើប្រយុទ្ធ Andreas Pereira នៅប៉ុន្មានឆ្នាំចុងក្រោយ ហាក់ស្ងាត់ឈ្មោះឈឹង ក្រោយពីក្លឹប Man Utd ដាក់ឲ្យខ្ចីជើងជាបន្តបន្ទាប់ ហើយទើបតែផុតថ្ងៃទី ៣០ មិថុនានេះទេ គេបានត្រលប់មកក្លឹបវិញ តែមិនទាន់ច្បាស់ថារដូវកាលក្រោយបានលេងពេញជើងឬអត់នោះដែរ។
យ៉ាងណានៅប្រកួតមិត្តភាព កីឡាករដែលអាចលេង Role ស្មើនឹង Juan Mata ក៏ដូចជា Bruno Fernandes ត្រូវបានលោក Ole Gunnar Solskjaer កោះហៅឲ្យមកប្រកួតមិត្តភាពទល់ក្លឹប Brentford ហើយគេក៏ធ្វើបានល្អ តាមរយៈការស៊ុតបាល់បញ្ចប់ទីយ៉ាងស្អាត ជាចំណែកយកលទ្ធផលស្មើ ២-២ នៅឯកីឡដ្ឋាន Old Trafford។
កីឡាករវ័យ ២៥ ឆ្នាំ បានឈរនៅក្រៅប្រអប់ទី ហើយទទួលបាល់ដែលព្យាយាមតែតចេញពីកីឡាកររបស់ Brentford រួចគេក៏បានយារជើងកា.ប់បាល់ ជាលក្ខណៈការស៊ុត Volley មួយទំហឹងជើង ចម្ងាយប្រហែលជាង ២២ ម៉ែត្រ ហើយបាល់ក៏ហោះចូលគោលដៅល្អទៀត។ មួយគ្រាប់សារនេះបានធ្វើឲ្យអ្នកគាំទ្រលាន់មាត់សរសើរ Pereira ហើយខ្លះទទូចចង់ឲ្យ Ole ផ្តល់ឱកាសសម្រាប់គេនៅបើករដូវកាលខាងមុខនេះទៀតផង៕
ទស្សនាវីដេអូខាងក្រោម៖
Stop what you're doing and admire this piece of magic 😱#MUFC @AndrinhoPereira
— Manchester United (@ManUtd) July 28, 2021
អានអត្ថបទបន្ទាប់៖ ដឹងថ្លៃពលកម្មថ្មីរបស់ Messi នៅ Barcelona ហើយ ទាបជាង Sancho នៅ Man Utd ដាច់
វីរបុរសប្រចាំក្លឹប Barcelona គឺកីឡាករ Lionel Messi បានវិលត្រលប់មកកាន់ទីក្រុង Barcelona វិញហើយ ក្រោយចាយពេលវិស្សមកាលរយៈពេលខ្លីជាមួយគ្រួសាររួចមក។ ការមកដល់សារនេះ គេជឿថានឹងមកសម្រេចលើការចរចាកុងត្រាថ្មី ហើយបន្តការឈរជើងនៅក្លឹប Barcelona នៅរដូវកាលក្រោយៗតទៀត។
យ៉ាងណាបើតាមរបាយការណ៍ពី SPORT បានចុះផ្សាយថា តារាឆ្នើមអាហ្សង់ទីនក៏ព្រមព្រៀងហើយដែរនៅកិច្ចព្រមព្រៀងកុងត្រាថ្មីជាមួយអ្នកមានបុណ្យ ដោយក្នុងកុងត្រានោះក្លឹបកំណត់កាត់បន្ថយថ្លៃពលកម្មរបស់ M10 ប្រមាណ ៥០ ភាគរយ ពោលចុះពី ៥០០ ០០០ ផោន/សប្ដាហ៍ មកសល់ត្រឹម ២៥០ ០០០ ផោន/សប្តាហ៍វិញ ហើយនេះលើសុពលភាពរយៈពេល ៥ ឆ្នាំ ពោលគឺដល់ឆ្នាំ ២០២៦។
បញ្ជាក់ថា ទំហំប្រាក់ពលកម្មនេះ មិនមែនតែ Messi ទេ ដោយកីឡាករនៅក្លឹបស្ថិតក្នុងប្រទេសអេស្ប៉ាញទាំងអស់សុទ្ធតែមានការកាត់បន្ថយ គ្រាន់ខ្លះតិច ខ្លះច្រើន។ ជាក់ស្តែងទាំងក្លឹប Real Madrid ក៏ដូចគ្នា ហើយបើកាលណាកីឡាករចរចាមិនត្រូវ ក៏មានតែជម្រើសលក់ចេញ ហើយពួកគេភាគច្រើនជ្រើសយកក្លឹបថ្មីដែលមានលទ្ធភាពអាចផ្តល់ឲ្យនូវតម្លៃពលកម្មដែលពួកគេត្រូវការ។
ទំហំថ្លៃពលកម្ម ២៥០ ០០០ ផោន/សប្តាហ៍នេះ បើធៀបនឹងកីឡាករនៅលីគកំពូលអង់គ្លេស គឺ Messi ស្មើនឹងកម្រិតរបស់ Anthony Martial ហើយចាញ់ Paul Pogba ដែលទទួលបាន ២៩០ ០០០ ផោន ចាញ់ Jadon Sancho បាន ៣៥០ ០០០ ផោន និងចាញ់ David de Gea បាន ៣៧៥ ០០០ ផោន ពោលសុទ្ធតែជាកីឡាកររបស់ក្លឹប Man Utd ដែលជាក្លឹបអ្នកមាន៕
ប្រភព៖ AF