កាលពីពេលថ្មីៗនេះ វីរបុរសក្រុម Arsenal លោក Ian Wright បានទ.ម្លាយឲ្យដឹងថា បន្ទាប់ពីបានទស្សនាការប្រកួតរបស់ Virgil Van Dijk រួចមក លោកស្រាប់តែចាប់អារម្មណ៍ថា មានយុវជនក្រុម Chelsea មួយរូប ដែលមានទម្រង់លេងស្ទើរតែដូចគ្នាបេះដាក់ជាមួយតារាឆ្នើមក្រុមហង្សក្រហម Liverpool។
អតីតកីឡាករខាងលើអះអាងថា Trevoh Chalobah គឺជាខ្សែការពារដែលមានទម្រង់លេងដូចគ្នាជាមួយ Van Dijk ដោយលោកបានប្រាប់ទៅកាន់ Ringer FC ថា៖ “ខ្ញុំបានទស្សនាការប្រកួតមិត្តភាពរវាង Chelsea និង Arsenal ហើយខ្ញុំគិតថា គេ (Chalobah) ធ្វើបានគួរសមសម្រាប់ការប្រកួតមិត្តភាពបែបនេះ។ តែពេលខ្ញុំឃើញគេលេងនៅ Super Cup ជាមួយ Villareal ខ្ញុំស្រាប់តែលាន់មាត់ថា គេគឺពិតជាល្អខ្លាំងណាស់”។
“តើអ្នកដឹងទេ ថាគេធ្វើឲ្យខ្ញុំនឹកឃើញដល់អ្នកណា? គឺ Virgil van Dijk នៅពេលគេលេងនៅ Celtic ដែលគ្រានោះមានគេសរសើរគេថា ជាកីឡាករមានសេរីភាព ដោយសារតែគេមានទេព្យកោសល្យប្លែកពីអ្នកដទៃ”។
បញ្ជាក់ដែរថា Trevor Chalobah គឺជាកីឡាករបណ្ដុះចេញពីថ្នាលយុវជន Chelsea ផ្ទាល់ និងទើបបង្ហាញខ្លួននៅឈុតធំក្រោមការដឹកនាំរបស់ Thomas Tuchel ខណៈការប្រកួតនៅ Super Cup គឺជាការបង្ហាញខ្លួននៅឈុតធំលើកដំបូងសម្រាប់ខ្សែការពារវ័យ ២២ ឆ្នាំ៕
ប្រភព: Sportbible
អានអត្ថបទបន្ទាប់៖ Darren Bent ទទូចប្រាប់ Arsenal ឲ្យយកអតីតគ្រូបង្វឹក PL រូបនេះ មកជំនួសតំណែង Arteta វិញទៅ
អតីតខ្សែប្រយុទ្ធក្រុមជម្រើសជាតិអង់គ្លេសលោក Darren Bent បានជំរុញឱ្យក្លិបកំាភ្លើងធំ Arsenal ល្មមដល់ពេលរកអ្នកថ្មីមកជំនួសតំណែងរបស់ លោក Mikel Arteta ហើយ ដោយគាត់សំលឹងឃើញអតីតគ្រូបង្វឹករបស់ក្លិបតោខៀវ Chelsea រូបនេះ ថាជាជម្រើសសក្តិសមបំផុត ។
រំលឹកថា Arteta បានចំណាយពេល ៥ ឆ្នាំនៅ Arsenal ក្នុងនាមជាកីឡាករ មុនពេលវិលត្រលប់មកកាន់ទឹកដី Emirates វិញ ក្នុងនាមជាអ្នកចាត់ការទូទៅនៅខែធ្នូឆ្នាំ ២០១៩ បន្ទាប់ពីការចេញរបស់លោក Unai Emery ។ យ៉ាងណានៅក្រោមការដឹកនាំរបស់គ្រូបង្វឹកសញ្ជាតិអេស្ប៉ាញរូបេនះ បានធ្វើឲ្យ Arsenal ឈ្នះពានរង្វាន់ FA Cup នៅចុងរដូវកាល ២០១៩-២០ ប៉ុន្តែបានបញ្ចប់ត្រឹមតែចំណាត់ថ្នាក់ទី ៨ ប៉ុណ្ណោះកាលពីរដូវកាលមុន ស្របពេលត្រូវធ្លាក់ចេញពីពាន Europa League ក្រោយថ្វីជើង Villarreal ទៀតផង ។
យ៉ាងណានៅក្នុងរដូវកាលថ្មីនេះ Arteta នៅតែបន្តដឹកនាំក្រុមមិនបានល្អដដែល ដោយបានប្រកួតចាញ់ក្រុម Brentford ក្នុងលទ្ធផល ២ ទល់នឹង ០ នៅថ្ងៃបើកឆាកក្របខ័ណ្ឌ Premier League នាពេលថ្មីៗកន្លងទៅនេះ ។
ហើយដោយបានមើលឃើញពីភាពមិនរីកចម្រើនបែបនេះ លោក Bent ជឿជាក់ថា Arsenal គួរតែដល់ពេលត្រូវបណ្តេញលោក Arteta ចេញហើយ ជាមួយនឹងការនាំយកគ្រូបង្វឹកលោក Antonio Conte មកធ្វើជាអ្នកចាត់ការថ្មីជំនួសវិញ ។
មនតែប៉ុណ្ណោះ ដោយត្រូវបានគេសួរអំពីស្ថានភាពបច្ចុប្បន្នរបស់ Arsenal លោក Bent បានប្រាប់ talkSPORT ថា ៖ “ វាពិបាកមើលណាស់។ ទម្រង់លេងទល់នឹង Brentford គឺអន់ខ្លាំងណាស់ ។ វាមិនល្អទាល់តែសោះក្នុងការទស្សនាពួកគេលេង ខ្ញុំពិតជាមាននអារម្មណ៍សោកស្តាយចំពោះ Ben White ផងដែរ ។ ប្រសិនបើយើងចង់ក្លិបមួយនេះវិលត្រលប់ទៅរកពេលវេលាល្អវិញ នោះពួកគេគួរតែបណ្តេញ Mikel Arteta ចេញ ហើយនាំមនុស្សដូចជាលោក Antonio Conte មកជំនួសវិញ ” ៕
ប្រភព: Metro