យោងទៅការរបាយការណ៍ចុងក្រោយមួយ បានបង្ហាញឲ្យដឹងថាក្រុមតោខៀវ Chelsea កំពុងដំណើរការផ្តល់ជូនកុងត្រាថ្មីបន្ថែមទៀត សម្រាប់់ខ្សែការពារ Antonio Rudiger ដើម្បីធានាដល់អានាគតរបស់គេជាមួយនឹងក្លិប។
បញ្ជាក់ផងដែរថាកុងត្រាបច្ចុប្បន្នរបស់ Rudiger នៅសល់រយ:ពេលត្រឹមតែ ១២ ខែទៀតប៉ុណ្ណោះ ដោយខ្សែការពារជនជាតិអាល្លឺម៉ង់រូបនេះ ក៏អាចមានសិទ្ធក្នុងការចុះកុងត្រា pre-contract ជាមួយក្លិបដទៃទៀតបាន នៅក្នុងខែមករាឆ្នាំ ២០២១ ខាងមុខ ស្របពេលក្លិប Real Madrid និង PSG សុទ្ធសឹងតែបានបង្ហាញការចាប់អារម្មណ៍លើរូបគេ ។
តែទោះជាយ៉ាងណា ក៏ដោយយោងតាមសារព័ត៌មានពី Sky Sports បានអះអាងថាអ្នកតំណាងរបស់ Rudiger ឥឡូវនេះកំពុងអង្គុយស្តាប់ការផ្តល់ជូនសំណើកុងត្រាថ្មី ពីសំណាក់ក្លិប Chelsea ហើយ ដែលអាចនឹងរក្សាអនាគតរបស់ខ្សែការពាររូបនេះ ឲ្យស្នាក់នៅទឹកដី Stamford Bridge បន្តទៀត ។
រំលឹកថា Rudiger បានចូលរួមជាមួយក្រុមតោខៀវ Chelsea ពីក្លិបយក្សអ៊ីតាលី Roma ក្នុងឆ្នាំ ២០១៧ និងបានចូលលេងសរុប ១៥៣ ប្រកួត រកបាន ៦ គ្រាប់ នៅគ្រប់ពានរង្វាន់ទាំងអស់ ៕
ប្រភព: AF
អានអត្ថបទបន្ទាប់៖ ក្លឹបនៅបារាំង បើកភ្លើងខៀវឲ្យ Arsenal នាំយកម្នាក់នេះ ទៅទឹកដីអង់គ្លេសហើយ
កាលបរិច្ឆេទទីផ្សារដោះដូរសេសសល់ត្រឹមរយៈពេលមិនដល់ ១ សប្តាហ៍ទៀតនោះទេ តែសម្រាប់ក្លឹប Arsenal ប្រហែលអាចជាសម្រេចការចរចាយកបានកីឡាករមួយរូបទៀតនៅតំណែងបម្រើ ប៉ុន្តែស្ថិតក្នុងលក្ខខណ្ឌខ្ចីជើង។
នោះគឺបន្ទាប់ពីមានដំណឹងថាក្លឹបបារាំង Lyon បានបើកភ្លើងខៀវអនុញ្ញាតឲ្យក្រុមដឹកនាំដោយលោក Mikel Arteta អាចចរចាយកបាន Houssem Aouar ទៅចូលរួមនៅលក្ខខណ្ឌខ្ចីជើងមួយរដូវកាល ហើយអាចមានសិទ្ធទិញផ្តាច់ពេញថ្លៃ ក្រោយផុតចុងខែមិថុនា ឆ្នាំ ២០២២។ នេះបើតាមសារព័ត៌មាន Get French Football បានចុះផ្សាយ។
តាមពិតទៅក្លឹប Arsenal ធ្លាប់បង្ហាញការចង់បាន Aouar មុនពេលយកបាន Martin Odegaard ពី Real ហើយសារនោះ ដាក់សំណើទៅ ៣២ លានផោន តែ Lyon បដិ.សេធ ដោយទាម.ទារដល់ ៥៥ លានផោន។ ឥឡូវពេលនេះក្លឹបបារាំង ព្រមទម្លាក់ថ្លៃ Aouar ហើយ តែសុំឲ្យខ្ចីជើងសិន សឹមចរចាគ្នាទៀតនៅបញ្ចប់រដូវកាល។
នេះពិបាកនឹងថាដែរ ព្រោះអីប្រព័ន្ធបម្រើរបស់ក្លឹប Arsenal គឺត្រូវបាន Odegaard ទើបតែមកបំពេញ ប៉ុន្តែប្រសិនក្លឹបត្រូវបាត់បង់ Lucas Torreira ទៅឲ្យ Fiorentina បន្ថែមទៀត [ផ្អែកតាមចចាមអារ៉ាមកន្លងមក] នោះភាគរយការចរចាយក Aouar មក Emirate Stadium ប្រហែលជាអាចមានខ្ពស់>
ប្រភព៖ Metro