Vinicius Junior អាចជាអ្នកដែលទទួលបានផលចំណេញច្រើនបំផុត សម្រាប់ការបរាជ័យរបស់ Real Maadrid ក្នុងការព្យាយាមនាំយក Kylian Mbappe ពីក្លិប Paris Saint-Germain ក្នុងរដូវក្ដៅនេះ។
ខ្សែប្រយុទ្ធប្រេស៊ីល Vinicius បានបង្ហាញខ្លួនក្នុងជម្រើសដំបូង ក្នុងជំនួបជាមួយ Real Betis បន្ទាប់ពីប្ដូរចូលពីបម្រុង ក្នុងការប្រកួតទល់នឹង Alaves និង Levante ហើយគេអាចបង្កើនសមត្ថភាពរបស់ខ្លួនមួយកម្រិតបន្ថែមទៀត ក្នុងរដូវកាលនេះ។
ការលេងដ៏ល្អរបស់ Vinicius ទល់នឹង Real Betis បានបង្ហាញពីសមត្ថភាពរបស់ ខ្សែប្រយុទ្ធជនជាតិប្រេស៊ីល ថាគេស្ថិតនៅកម្រិតមួយល្អប្រសើរ បើធៀបទៅនឹងទម្រង់លេងមិននឹងនររបស់គេកន្លងមក។
អ្នកចាត់ការ Carlo Ancelotti ត្រូវការឱ្យកូនក្រុមរបស់លោក ប្រឹងប្រែងរួមចំណែកជួយក្រុមឱ្យកាន់តែច្រើនជាងមុន ខណៈការព្យាយាមតាមទិញ Mbappe ពី Paris Saint-Germain មិនអាចកើតឡើងបាន ដែលជាផលចំណេញសម្រាប់ Vinicius ដើម្បីឈានដល់កម្រិតមួយផ្សេងទៀត និងក្លាយជាតារាប្រចាំក្រុម”៕
ប្រភព៖ Football Espana
អានអត្ថបទបន្ទាប់៖ [ផ្លូវការ] អតីតដៃគូចាស់របស់ Ronaldo ប្រកាសចូលនិវត្ត ត្រឹមអាយុ ៣៥ ឆ្នាំ
ដំណឹងផ្លូវការបានចុះផ្សាយនៅព្រឹកថ្ងៃទី ៤ កញ្ញា ឆ្នាំ ២០២១ ពាក់ព័ន្ធនឹងដំណឹងផ្លូវការ អំពីការប្រកាសចូលនិវត្តរបស់ខ្សែប្រយុទ្ធ Mario Mandzukic ដែលធ្លាប់ជាមិត្តរួមក្រុមរបស់ Cristiano Ronaldo កាលនៅក្លឹប Juventus។
អតីតខ្សែប្រយុទ្ធវ័យទើបតែ ៣៥ ឆ្នាំ បានឈរជើងលើកចុងក្រោយឲ្យក្លឹប AC Milan ក្រោយពីទំនេរជើងរយៈពេលជាងកន្លះឆ្នាំ។ ការផ្ទេរមកក្លឹបនៅប្រទេសអ៊ីតាលី បុរសសញ្ជាតិក្រូអាត ពុំបានលេងទៀងទាត់នោះទេ ដោយបង្ហាញខ្លួន ១១ ប្រកួត ភាគច្រើនបម្រុងសរុបបានតែ ២៨៧ នាទី មិនអាចរកបានសូម្បីមួយគ្រាប់។
និយាយពីជោគជ័យរបស់ Mandzukic គេបានផ្លែផ្កាច្រើន កាលនៅក្លឹបសេះបង្កង់ Juventus ដោយ ១៦២ ប្រកួត រកបាន ៤៤ គ្រាប់និង Assist ១៧ លើក។ ជាមួយការលេងឲ្យជម្រើសជាតិឯណេះវិញ ខ្សែប្រយុទ្ធកណ្តាល បានចូលនិវត្តតាំងពីឆ្នាំ ២០១៨ ពោលក្រោយចប់ព្រឹត្តិការណ៍ FIFA World Cup នៅឯរុស្ស៊ី ដែលក្រុមឡើងបានដល់វគ្គផ្តាច់ព្រ័ត្រ ។ ស្ថិតិនៅក្រូអាត គេបង្ហាញខ្លួន ៨៩ ប្រកួត រកបាន ៣៣ គ្រាប់។
គួររំឭកថានៅឆ្នាំ ២០២១ នេះកីឡាករកំពូលៗដែលបានចូលនិវត្ត ក្រៅពី Mandzukic គឺមានផ្សេងទៀតដូចជា Wayne Rooney, Antonio Valencia, Yohan Cabaye, Goran Pandev និង Lars Bender ជាដើម៕
ប្រភព៖ Football-Espana