ការចុះហត្ថលេខាផ្ទេរ ខ្សែបម្រើវ័យក្មេង Eduardo Camavinga ជាការរៀបចំអនាគតរបស់ក្លិប Real Madrid ឱ្យកាន់តែល្អប្រសើរ ក្រោមការដឹកនាំរបស់អ្នកចាត់ការ Carlo Ancelotti។
ដំបូងឡើយ Kylian Mbappe ជាកីឡាករគោលដៅចំបងរបស់ក្លិបអធិរាជស ក្នុងការនាំយកមកចូលរួមក្រុម ប៉ុន្ដែ ប្រធានក្លិប Florentino Perez មានការខកចិត្ត ដែលមិនអាចទិញកីឡាករជនជាតិបារាំងបាន ទោះបីជាព្យយាមតំឡើងថ្លៃផ្ទេរយ៉ាងណា ក៏ PSG មិនព្រមលក់ខ្សែប្រយុទ្ធឆ្នើមរបស់ពួកគេដែរ។
តាមប្រភពពី Marca បានឱ្យដឹងថាក្លិប Real Madrid បានយកឈ្នះការប្រជែងជាមួយ PSG ក្នុងការចុះហត្ថលេខា Camavinga ពី Rennes។
គេជាកីឡាករយុវជនម្នាក់ដែលនៅអឺរ៉ុបដែលបានបង្ហាញភាពលេចធ្លោ ក្រោយទទួលបានឱកាសចូលលេងនៅក្រុមធំ ហើយត្រូវបានប្រៀបធៀបជាមួយ រៀមច្បងក្នុងក្រុមជម្រើសជាតិបារាំង Paul Pogba ផងដែរ។
ប្រភពជិតស្និទ្ធនៅ Real Madrid បានអះអាងថា ការសម្រេចចិត្តរបស់ Camavinga ក្នុងការចូលរួមក្លិបអេស្ប៉ាញមួយនេះ មិនពាក់ព័ន្ធទៅនឹង Mbappe នោះទេ ការចរចាបានឈានដល់ការព្រមព្រៀង ច្រើនសប្ដាហ៍មុនប្រកាសជាផ្លូវការ ស្របពេល PSG ក៏ចង់បានកីឡាករវ័យក្មេងរូបនេះដែរ៕
អានអត្ថបទបន្ទាប់៖ [ផ្លូវការ] អតីតដៃគូចាស់របស់ Ronaldo ប្រកាសចូលនិវត្ត ត្រឹមអាយុ ៣៥ ឆ្នាំ
ដំណឹងផ្លូវការបានចុះផ្សាយនៅព្រឹកថ្ងៃទី ៤ កញ្ញា ឆ្នាំ ២០២១ ពាក់ព័ន្ធនឹងដំណឹងផ្លូវការ អំពីការប្រកាសចូលនិវត្តរបស់ខ្សែប្រយុទ្ធ Mario Mandzukic ដែលធ្លាប់ជាមិត្តរួមក្រុមរបស់ Cristiano Ronaldo កាលនៅក្លឹប Juventus។
អតីតខ្សែប្រយុទ្ធវ័យទើបតែ ៣៥ ឆ្នាំ បានឈរជើងលើកចុងក្រោយឲ្យក្លឹប AC Milan ក្រោយពីទំនេរជើងរយៈពេលជាងកន្លះឆ្នាំ។ ការផ្ទេរមកក្លឹបនៅប្រទេសអ៊ីតាលី បុរសសញ្ជាតិក្រូអាត ពុំបានលេងទៀងទាត់នោះទេ ដោយបង្ហាញខ្លួន ១១ ប្រកួត ភាគច្រើនបម្រុងសរុបបានតែ ២៨៧ នាទី មិនអាចរកបានសូម្បីមួយគ្រាប់។
និយាយពីជោគជ័យរបស់ Mandzukic គេបានផ្លែផ្កាច្រើន កាលនៅក្លឹបសេះបង្កង់ Juventus ដោយ ១៦២ ប្រកួត រកបាន ៤៤ គ្រាប់និង Assist ១៧ លើក។ ជាមួយការលេងឲ្យជម្រើសជាតិឯណេះវិញ ខ្សែប្រយុទ្ធកណ្តាល បានចូលនិវត្តតាំងពីឆ្នាំ ២០១៨ ពោលក្រោយចប់ព្រឹត្តិការណ៍ FIFA World Cup នៅឯរុស្ស៊ី ដែលក្រុមឡើងបានដល់វគ្គផ្តាច់ព្រ័ត្រ ។ ស្ថិតិនៅក្រូអាត គេបង្ហាញខ្លួន ៨៩ ប្រកួត រកបាន ៣៣ គ្រាប់។
គួររំឭកថានៅឆ្នាំ ២០២១ នេះកីឡាករកំពូលៗដែលបានចូលនិវត្ត ក្រៅពី Mandzukic គឺមានផ្សេងទៀតដូចជា Wayne Rooney, Antonio Valencia, Yohan Cabaye, Goran Pandev និង Lars Bender ជាដើម៕
ប្រភព៖ Football-Espana