ដោយសារតែបញ្ហាផ្ទៃក្នុងមួយចំនួន ក៏ដូចជាជួនពេលជ.ម្ងឺរា.តត្បាត COVID-19 បានបន្តអូសបន្លា.យរយៈពេលយូរ ក៏នាំឲ្យក្លឹបធំៗជាច្រើននៅតំបន់អឺរ៉ុប ប្រឈមនឹងវិប.ត្តិហិរញ្ញវត្ថុកើតឡើង ហើយក្នុងចំណោមនោះ គឺក្លឹប Barcelona ហាក់ធ្លា.ក់ធ្ងន់ធ្ងរជាងគេ ដោយលឺថាជាប់បំ.ណុលដល់ទៅជាង ១ ពាន់លានដុល្លារ។
យ៉ាងណាក្រោយការមកដល់របស់ប្រធានក្លឹបថ្មី Joan Laporta បញ្ហាទាំងអស់ ក៏កំពុងឆ្ពោះទៅរកដំណោះស្រាយបណ្តើរៗ តែយ៉ាងណាវាក៏ទាមទារពេលវេលាច្រើនឆ្នាំដែរ ទម្រាំអាចត្រលប់មកដល់ភាពល្អប្រសើរដូចកាលពីប៉ុន្មានឆ្នាំមុនវិញ។
បើតាមការយល់ឃើញរបស់ Gerard Pique បាននិយាយអំពីការដឹកនាំរបស់ប្រធានក្លឹបចាស់ និងពេលវេលាដែលក្លឹបត្រូវការដើម្បីស្រោច.ស្រង់ស្ថានភាពបែបនេះថា៖ “ខ្ញុំមិនអាចនិយាយថា Josep Bartomeu គាត់ជាប្រធានក្លឹបដ៏អាក្រក់បំផុតឬអត់នោះទេ តែតាមអ្វីដែលខ្ញុំបានឆ្លងកាត់ គាត់ត្រូវតែនៅទីនោះ យើងទាំងអស់គ្នាសុទ្ធតែមានកំហុស ហើយវាជាការពិតដែលក្លឹបមិនអាចឈានដល់ចំណុចមួយដែលប្រជាជនកាតាឡាន់ទាំងអស់ចង់បាន”។
លោកបន្ត៖ “ឥឡូវនេះ ខ្ញុំមានក្តីសង្ឃឹមនិងកំពុងរំភើបចិត្ត ដោយជឿថា ៥ ឬ ១០ ឆ្នាំទៀត គ្រប់យ៉ាងនឹងល្អបំផុតសម្រាប់ Barcelona ដោយលោក Joan [Laporta] គាត់ត្រូវការពេលវេលាបន្ថែមទៀត ហើយគាត់ក៏បានជ្រើសយក Koeman ជាអ្នកចាត់ការដ៏សក្តិសមឥតខ្ចោះពេលនេះ”៕
ប្រភព៖ Marca
អានអត្ថបទបន្ទាប់៖ អតីតកីឡាករ Real Madrid ត្រូវបានកោះហៅចូលក្រុមអេស្ប៉ាញ ត្រៀមជួបកូសូវ៉ូ
Sergio Reguilon ត្រូវបានកោះហៅចូលរួមក្រុមបាល់ទាត់ជម្រើសជាតិអេស្ប៉ាញ សម្រាប់ការប្រកួតដែលនៅសល់ទល់នឹងកូសូវ៉ូ ក្នុងវគ្គជម្រុះ World Cup 2022។
ក្រុមគោជល់អេស្ប៉ាញ ទទួលបានជ័យជម្នះ ៤-០ យ៉ាងអស្ចារ្យលើហ្ស៊កហ្ស៊ី កាលពីថ្ងៃអាទិត្យ បន្ទាប់ពីបរាជ័យក្រោមថ្វីជើងក្រុមកំពូលតារាងស៊ុយអែត កាលពីសប្ដាហ៍មុន។
ប៉ុន្ដែអំឡុងការប្រកួត ក្រុមរបស់លោក Luis Enrique បានបាត់បង់សមាជិកពីររូបដោយសាររបួសគឺ Aymeric Laporte និង Jose Luis Gaya។ របួសរបស់ Laporte មើលទៅមិនសូវជាធ្ងន់ធ្ងរនោះទេ ខណៈ Gaya ហាក់មានសភាពពិបាកជាង។
ដូច្នេះហើយទើបអេស្ប៉ាញ កោះហៅខ្សែការពារស្លាបឆ្វេង Reguilon មកបន្ថែមម្នាក់ទៀត ដើម្បីជំនួស Gaya ត្រៀមសម្រាប់ការប្រកួតទល់នឹងកូសូវ៉ូ។
សូមរំឭកថា កន្លងមក កីឡាករដែលកើតចេញពីថ្នាលរបស់ Real Madrid រូបនេះ មានឱកាសចូលលេងឱ្យក្រុមអេស្ប៉ាញ៥លើក ហើយរំពឹងថាគេនឹងបានលេងប្រកួតទី៦ទល់នឹងកូសូវ៉ូ ប៉ុន្ដែ តារាឆ្នើម Jordi Alba ទំនងមានភាគរយខ្ពស់ ក្នុងការទទួលបានកៅអីពីគ្រូបង្វឹកសម្រាប់តំណែងនេះ៕
ប្រភព៖ Football Espana