អ្នកចាត់ការ Manchester United លោក Ole Gunnar Solskjaer បានពន្យល់មូលហេតុដែលនាំឱ្យលោក មិនដាក់ខ្សែប្រយុទ្ធ Cristiano Ronaldo ទៅក្នុងបញ្ជីក្រុមសម្រាប់ការប្រកួត Carabao Cup ទល់នឹង West Ham។
Ronaldo មិនស្ថិតនៅក្នុងចំណោមកីឡាកររបស់ Man Utd សម្រាប់ការប្រកួតនៅ Old Trafford កាលពីយប់មិញឡើយ ស្របពេល Jesse Lingard, Anthony Martial និង Jadon Sancho ស្ថិតនៅជម្រើសដំបូងនៃតំបន់ប្រយុទ្ធ។
មុនការប្រកួតមកដល់ លោក Solskjaer ក៏បានពន្យល់ពីមូលហេតុដែល Ronaldo អវត្តមានស្របពេលមានការផ្លាស់ប្ដូរច្រើនសម្រាប់ជម្រើសកីឡាករក្នុងការប្រកួតនេះ។
លោក Solskjaer បានថ្លែងប្រាប់ Sky Sports ថា៖ “យើងបានធ្វើការសម្រេចចិត្ត មុនថ្ងៃអាទិត្យ ក្នុងការផ្លាស់ប្ដូរនេះ។ យើងត្រូវការកីឡាករបន្ថែមទៀតដែអាចសម្របបានទៅនឹងការប្រកួត”។
“Alex Telles អាចមកវិញបាន ហើយក៏បានហ្វឹកហាត់មួយសប្ដាហ៍មកហើយ។ វាជារដូវកាលដ៏វែងមួយ។ Cristiano Ronaldo បានចូលរួម ហើយនឹងបានធ្វើឱ្យមានការប្រែប្រួលរួចមកហើយ គេចង់លេងឱ្យបានច្រើនបំផុតតាមដែលអាចធ្វើទៅបាន ប៉ុន្ដែខ្ញុំគិតថាវាមិនអាចធ្វើទៅបានឡើយ”។
“ប្រសិនបើចង់ទទួលបានភាពជោគជ័យនៅទីបញ្ចប់នោះ អ្នកត្រូវការកីឡាករក្នុងក្រុមទាំងមូល ហើយនាទីលេងត្រូវបានចែករំលែក។ មានការប្រថុយប្រថានក្នុងការផ្លាស់ប្ដូរកីឡាករច្រើនរូប ប៉ុន្ដែយើងលេងការប្រកួតមួយចំនួនដោយបិទទ្វារ ប៉ុន្ដែសង្ឃឹមថាយើងនឹងស្វែងរកបាននូវចង្វាក់លេង៕
ប្រភព៖ Goal
អានអត្ថបទបន្ទាប់៖ អស់ការអត់ទ្រាំ! ទីបំផុតកីឡាករ Man Utd ម្នាក់ កំពុងស្នើសុំក្លិប ដើម្បីចាកចេញនៅទីផ្សារខែមករាខាងមុខ
អ្នកចាំទី Dean Henderson របស់ក្រុម Manchester United កំពុងស្នើសុំក្លិប ដើម្បីអនុញ្ញាតឲ្យខ្លួនចាកចេញក្នុងលក្ខខណ្ឌខ្ចីជើង នៅអំឡុងទីផ្សារខែមករាខាងមុខ ប្រសិនបើឱកាសចូលលេងនៅជម្រើសដំបូង នៅតែមិនអាចកើតមានទេនោះ ។
ជាក់ស្តែង Henderson ធ្លាប់ត្រូវបានគេផ្តល់ឱកាសឲ្យចូលលេងបានច្រើនគួរសម បន្ទាប់ពីកីឡាករ David De Gea បានបង្ករឲ្យមាកំហុសផ្ទួនៗ ជាពិសេសនៅក្នុងវគ្គផ្តាច់ព្រ័ត្រពានរង្វាន់ Europa League កាលពីរដូវកាលមុន ដែលវាទំនងដូចជាកីឡាករសញ្ជាតិអង់គ្លេសអាចទទួលបានតំណែងលេងរឹងមាំមួយ នៅក្នុងក្រុម United នៅរដូវកាលថ្មីនេះ ។
ប៉ុន្តែទោះជាយ៉ាងណា អ្វីៗគឺមិនដូចទៅនឹងការរំពឹងទុកនោះឡើយ ដោយ Henderson ត្រូវបង្ខំចិត្តដកខ្លួនចេញពីក្រុមជម្រើសជាតិអង់គ្លេស អំឡុងការប្រកួតពាន Euro ដោយសារសារតែរបួសត្រគាក ហើយចាប់តាំងពីពេលនោះមកគេបានឆ្លងជំងឹកូវីដ ១៩ ទៀត កាលពីខែកក្កដា ខណ:បច្ចុប្បន្នរោគសញ្ញានៅតែបន្តកើតមាន ។
មិនតែប៉ុណ្ណោះ បើទោះបីជាអ្នកចាំទីវ័យ ២៤ ឆ្នាំរូបនេះ បានវិលត្រលប់មកកាន់ក្រុមវិញហើយក៏ដោយ ប៉ុន្តែនៅមិនទាន់អាចចូលលេង ឬសូម្បីតែជាប់ជាកីឡាករបម្រុង សម្រាប់រដូវកាលនេះ នៅឡើយទេ ជាពិសេសក្រោយពីក្លិប បានចុះហត្ថលេខាលើកីឡាករ Tom Heaton ដើម្បីមកធ្វើជាអ្នកចាំទីដៃទី ២ បន្ទាប់ពី De Gea ទៀតផង ។
ហើយឥឡូវនេះ សារព័ត៌មានពី The Sun បានរាយការណ៍ថា Henderson ចង់បន្តអាជីពបាល់ទាត់របស់គេ ដែលអាចជាប់ក្នុងជម្រើសដំបូងនៅកន្លែងផ្សេងទៀត ប្រសិនបើមិនអាចទទួលបានឱកាសនៅក្នុងក្រុម Man United ទេនោះ ហើយគេក៏នឹងទទូចឲ្យថ្នាក់ដឹកនាំអនុញ្ញាតឲ្យរូបគេចាកចេញក្នុងលក្ខខណ្ឌខ្ចីជើង នៅខែមករាខាងមុខនេះផងដែរ ៕
ប្រភព: Metro