ក្រុមបាល់ទាត់ជម្រើសជាតិថៃ និងក្រុមម្ចាស់ផ្ទះសិង្ហបុរីបានធានាទៅកាន់វគ្គពាក់កណ្ដាលផ្ដាច់ព្រ័ត្រពានរង្វាន់ AFF Suzuki Cup 2020 ក្រោយទទួលបានម្នាក់៣ពិន្ទុ ពីការប្រកួតកាលពីថ្ងៃអង្គារម្សិលមិញនេះ។
ខ្សែប្រយុទ្ធ Teerasil Dangda រកគ្រាប់បាល់ពីរគ្រាប់ជួយឱ្យថៃយកជ័យជម្នះលើ ហ្វីលីពីនដោយលទ្ធផល ២-១ ដើម្បីឆ្លងទៅវគ្គ៤ក្រុមចុងក្រោយ ហើយខ្សែប្រយុទ្ធចាស់វស្សារូបនេះ ក្លាយជាកីឡាករដំបូងគេដែលមានគ្រាប់បាល់សរុប ១៩គ្រាប់ក្នុងព្រឹត្តិការណ៍ AFF Cup។
កីឡាករម្ចាស់អាវលេខ១០របស់ក្លិប BG Bathum រូបនេះ រកគ្រាប់បាល់បើកឆាកនាំមុខសម្រាប់ក្រុមដំរីសឹក នៅ២៦នាទីដំបូងនៃការប្រកួត ហើយរកគ្រាប់បាល់ជ័យជម្នះដោយគ្រាប់បាល់ប៉េណាល់ទី ក្រោយត្រូវបានតាមស្មើដោយ Patrick Reichelt។
ដោយឡែក សិង្ហបុរី បានយកជ័យជម្នះលើ ទីម័រខាងកើតដោយលទ្ធផល ២-០ ដែលធានាឱ្យពួកគេឆ្លងទៅកាន់វគ្គពាក់កណ្ដាលផ្ដាច់ព្រ័ត្រជាមួយថៃ មុនក្រុមទាំងពីរជួបគ្នាក្នុងការប្រកួតចុងក្រោយនៃវគ្គចែកពូល នាថ្ងៃទី១៨ ខែធ្នូនេះ៕
អានអត្ថបទបន្ទាប់៖ Barcelona ត្រៀមនាំយកខ្សែប្រយុទ្ធពេញបទពិសោធន៍ម្នាក់ ជំនួស Aguero ដែលត្រៀមចូលនិវត្ត
Edinson Cavani រំកិលកាន់តែកៀកក្នុងការចាកចេញពី Manchester United មកចូលរួម Barcelona បន្ទាប់ពីខ្សែប្រយុទ្ធ Sergio Aguero ប្រកាសពីការចូលនិវត្តពីបាល់ទាត់នាថ្ងៃពុធនេះ បន្ទាប់ពីមានបញ្ហាបេះដូងំឡុងការប្រកួតទល់នឹង Alaves កាលពីខែតុលា។
Barcelona កំពុងស្វែងរកខ្សែប្រយុទ្ធក្នុងទីផ្សារដោះដូរ ក្រោយបញ្ហាបានកើតឡើងចំពោះ Aguero ហើយមានការរាយការណ៍ថាក្លិបអ្នកមានបុណ្យ ដោយដៃឈ្មោះ Cavini ក្នុងបញ្ជីកីឡាករដែលក្លិបនឹងនាំចូល ខណៈខ្សែប្រយុទ្ធរូបនេះចង់ចាកចេញពី Old Trafford ក្រោយការមកដល់របស់ Cristiano Ronaldo។
ថ្លែងទៅកាន់ Globoesporte ភ្នាក់ងារនិងជាបងប្រុសរបស់ Cavani គឺលោក Walter Guglielmone បានអះអាងថា ការចាកចេញរបស់គេនៅខែមករានេះ កាន់តែមានភាពរយខ្ពស់ ដោយលោកមានការបើកចំហររាល់សំណើសម្រាប់ Cavani។
Cavani បានបន្ដកិច្ចសន្យាជាមួយ Man Utd ក្រោមការដឹកនាំរបស់លោក Ole Gunnar Solskjaer ប៉ុន្ដែបច្ចុប្បន្នអ្វីគ្រប់យ៉ាងត្រូវបានផ្លាស់ប្ដូរ ហើយ Barca បានបើកភ្លើងខៀវសម្រាប់ Xavi ដើម្បីអាចនាំយកកីឡាករវ័យ៣៤ឆ្នាំមកចូលក្រុម ពាក់កណ្ដាលចុងក្រោយនៃរដូវកាល ២០២១-២២ មកកាន់ទឹកដី Camp Nou៕
ប្រភព៖ AS