កាលពីអតីតកាល គ្រាលោក Sir Alex Ferguson នៅដឹកនាំក្លឹប Man Utd គឺមានកីឡាករមួយរូបនៅក្លឹប Liverpool នោះគឺខ្សែបម្រើ Steve McManman ដែលគ្រូតាខាងលើ មានការបារ.ម្ភខ្លាំងបំផុត រាល់ពេលក្រុមត្រូវប្រកួតទល់គេម្តងៗ។ នេះបើតាមលោក Paul Scholes ធ្លាប់បានទម្លាយប្រាប់។
ឥឡូវ McManaman គឺជាអ្នកវិភាគលើប៉ុស្តិ៍ទូរទស្សន៍ ហើយកន្លងទៅ គេបានណែនាំទៅកាន់ក្លឹប Man Utd ថាគួរតែពង្រឹងនៅតំបន់បម្រើ ហើយនាំយកកីឡាករវ័យក្មេងរបស់ក្លឹប Borussia Dortmund ពោលវាជាអ្វីដែលក្លឹបត្រូវកែតម្រូវចាំបាច់។
នោះគឺ Jude Bellingham ដែល McManaman បានណែនាំឲ្យ ក្លឹបបិសាចក្រហមចាត់ចែងនាំយកនៅពេលខាងមុខ។ បញ្ជាក់ឲ្យដឹងថា កីឡាករអង់គ្លេសសេសសល់សុពលភាពកុងត្រាជាមួយក្លឹបអាណាព្យាបាល ដល់ចុងខែមិថុនា ឆ្នាំ ២០២៥ ស្របពេលដែលតម្លៃខ្លួន អាចថ្លៃល្បាក់ ៦០ លានផោន។
តាមការលើកឡើងពី McManaman និយាយ៖ “ខ្ញុំគិតថា United ត្រូវការប្រភេទខ្សែបម្រើកណ្តាលថ្មីមួយ ព្រោះអី Nemanja Matic និង Juan Mata គេកៀកមកដល់ទីបញ្ចប់នៃអាជីព ដូចគ្នាទៅនឹង Paul Pogba ក៏ប្រហែលជាអាចចាកចេញ រួចហើយបើសួរថា តើប្រភេទកីឡាករណាដែល United ត្រូវការ និងសក្តិសមសម្រាប់ក្លឹបបំផុត ខ្ញុំណែនាំឲ្យទៅយក Jude Bellingham”៕
ប្រភព៖ Metro
អានអត្ថបទបន្ទាប់៖ អត់ព្រមទេបែប! ក្លឹប Barcelona ទៅចាប់អារម្មណ៍ប៉ះសំណព្វចិត្តម្នាក់ របស់គ្រូថ្មី Rangnick
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងចាប់អារម្មណ៍ទៅលើកីឡាករនៃក្លឹប Man Utd ដែលពីមុនមិនអីទេ តែឥឡូវគេកំពុងដើរតួជាសំណព្វចិត្តក្នុងបេះដូងរបស់អ្នកចាត់ការថ្មី លោក Ralf Rangnick។
នោះគឺ Alex Telles ដែលក្លឹបអ្នកមានបុណ្យ សម្លឹងចង់បានគេ មកជំនួសកន្លែង Jordi Alba ក្រោយឃើញកត្តាអាយុរបស់កីឡាករអេស្ប៉ាញក៏កាន់តែជ្រេកៀកចូលវ័យ ៣៣ ឆ្នាំទៅហើយ។ មួយផ្សេងទៀតបញ្ហាកាយសម្បទារបស់ Alba ក៏មិនរឹងមាំដូចជាពេលមុនដែរ ដោយរមែងជួបបញ្ហារបួ.សញឹកញាប់រដូវកាលនេះ។
តាមសារព័ត៌មាន El Nacional ចុះផ្សាយថា ក្រុមដឹកនាំដោយលោក Xavi Hernandez បានចាប់អារម្មណ៍ទៅលើសមត្ថភាពរបស់ Telles តែមិនច្បាស់ថា យកបានឬអត់ទេ ព្រោះដូចបញ្ជាក់ពីខាងលើ ចូលដល់ជំនាន់ Rangnick មកដឹកនាំ គឺគេរមែងជាប់ជម្រើសដំបូងច្រើន។
បញ្ជាក់ដែរថា ខ្សែការពារស្លាប សញ្ជាតិប្រេស៊ីល សេសសល់សុពលភាពកុងត្រា ដល់ចុងខែមិថុនា ឆ្នាំ ២០២៤ ខណៈដែលហាងឆេងតម្លៃខ្លួន អាចថ្លៃល្បាក់ ២០ លានអឺរ៉ូ។ សរុបស្ថិតិជាមួយ United គេបង្ហាញខ្លួន ៣២ ប្រកួត រកបាន ១ គ្រាប់និង Assist ៤ លើក ចាប់តាំងការផ្ទេរ ពីក្លឹប FC Porto៕
ប្រភព៖ El Nacional