ស្របពេលកិច្ចសន្យានឹងផុតកំណត់នៅដំណាច់រដូវកាលនេះ ខ្សែការពារ Marcelo ទំនងមិនបន្ដកុងត្រាថ្មីជាមួយក្លិប Real Madrid នោះទេ ហើយគេបានបញ្ជាក់យ៉ាងច្បាស់ថា នឹងនៅបន្ដលេងឱ្យក្លិបអេស្ប៉ាញមួយនេះរហូតដល់ថ្ងៃចុងក្រោយ។
បន្ទាប់ពីទទួលបានជ័យជម្នះក្នុងការប្រកួតទល់នឹង Alcoyano ក្នុងពានរង្វាន់ Copa del Rey ខ្សែការពារប្រេស៊ីលរូបនេះ បាននិយាយប្រាប់អ្នកសារព័ត៌មាន ដោយបានបញ្ជាក់យ៉ាងច្បាស់ថា គេនឹងមិនចាកចេញនៅក្នុងខែមករានេះឡើយ ខណៈកុងត្រារបស់គេ នឹងផុតកំណត់នៅថ្ងៃទី៣០ ខែមិថុនា ឆ្នាំ២០២២។
Marcelo បាននិយាយថា៖ “ចាប់តាំងពីខ្ញុំមកដល់ក្លិប ខ្ញុំតែងតែប្រឹងប្រែងឱ្យអស់ពីសមត្ថភាព។ ខ្ញុំនឹងបន្ដជម្នះរហូតដល់ចប់កិច្ចសន្យារបស់ខ្ញុំ, ខ្ញុំជំពាក់គុណក្លិបនេះច្រើនណាស់ ហើយខ្ញុំនឹងសងត្រលប់ទៅវិញរហូតដល់ថ្ងៃចុងក្រោយ”។
“ខ្ញុំមានប្រវត្តិសាស្ដ្រជាមួយក្លិបនេះ, អាជីពដ៏ជោគជ័យ ហើយខ្ញុំនឹងបន្ដរហូតដល់ទីបញ្ចប់”។
Marcelo ទទួលបានឱកាសលេងក្នុងជម្រើស១១នាក់ដំបូងក្នុងការប្រកួត Copa del Rey វគ្គ៣២ក្រុម ដោយពួកគេទទួលជ័យជម្នះលើ Alcoyano ក្នុងលទ្ធផល ៣-១៕
ប្រភព៖ Be Soccer
អានអត្ថបទបន្ទាប់៖ អនាគត Ronaldo នៅ Man Utd បន្តឬចាកចេញ គឺចាំអុតមើលតំណែងនៃបុគ្គលមួយនេះ
ដ្បិតបើសុពលភាពកុងត្រាត្រូវផុតនៅចុងខែមិថុនា ឆ្នាំ ២០២៣ តែសម្រាប់តារាឆ្នើម Cristiano Ronaldo ថាមិនត្រូវអាចនឹងចាកចេញ នៅបញ្ចប់រដូវកាលនេះក៏ថាបាន ដោយវាស៊ីសងលើស្ថានភាពក្លឹប ក៏ដូចជាការសម្រេចចិត្តលើការចាត់តាំងតំណែងធំនៅក្លឹប។
នោះគឺតំណែងនៃអ្នកចាត់ការ ដែលបច្ចុប្បន្នស្ថិតក្រោមការដឹកនាំរបស់លោក Ralf Rangnick ដែលមានសុពលភាពរយៈពេល ៦ ខែពេញ តែយ៉ាងណានេះមានន័យថា ក្រោយចប់រដូវកាលក្លឹបក៏នឹងមានគម្រោងទៅចាត់តាំងអ្នកថ្មីពេញសិទ្ធណាម្នាក់ផងដែរ។ ការសម្រេចរបស់ក្លឹប ក៏វាអាចជះឥទ្ធិពលដល់ការសម្រេចចិត្តរបស់ Ronaldo ជុំវិញអនាគតរបស់គេដូចគ្នា។
បើតាមសារព័ត៌មាន Daily Star ចុះផ្សាយថា Ronaldo មិនពេញចិត្តនឹងចំណាត់ការដឹកនាំរបស់គ្រូបច្ចុប្បន្ននោះទេ ហើយនឹងចាំអុតមើលការចាត់តាំងនាពេលបន្ទាប់ទៀត ប្រសិនបន្តជ្រើសរើសគ្រូថ្មី ដែលខ្លួនគិតថាមិនល្អ នោះខ្លួននឹងចាកចេញពី Man Utd មុនផុតកុងត្រា តែបើរើសប៉ះគ្រូល្អត្រឹមត្រូវតាមចិត្តដែលខ្លួនចង់បាន នោះខ្លួនក៏នឹងបន្តនៅ។
នៅបេក្ខភាពគ្រូធំៗដែល Man Utd អាចនឹងនាំយក សម្រាប់ដឹកនាំរដូវកាលក្រោយ គឺរួមមានគ្រូរបស់ PSG លោក Mauricio Pochettino, គ្រូរបស់ Ajax លោក Erik ten Hag និងគ្រូរបស់ Leicester City លោក Brendan Rodgers។ ចំណោមអ្នកទាំងបី បើជាវត្តមាន Pochettino នោះប្រហែលជាសង្ឃឹមច្រើនអាចទា.ក់ចិត្តឲ្យ CR7 បន្តនៅ៕
ប្រភព៖ Daily Star