ថ្មីៗនេះមានរបាយការណ៍មួយ បានបង្ហាញពីលក្ខខណ្ឌកុងត្រាសំងាត់ ដែលអាចធ្វើឲ្យខ្សែប្រយុទ្ធ Cristiano Ronaldo រកបានចំណូលខ្ទង់លានផោន ដែលមាននៅក្នុងកិច្ចសន្យា ជាមួយក្រុមបិសាចក្រហម Manchester United បន្ទាប់ពីការវិលត្រលប់ដ៏គួរឲ្យភ្ញាក់ផ្អើល កាលពីរដូវក្តៅកន្លងទៅ ។
ជាក់ស្តែង តារាឆ្នើមសញ្ជាតិព័រទុយហ្គាល់បានយល់ព្រមលើកិច្ចសន្យារយៈពេលពីរឆ្នាំ ជាមួយប្រាក់ឈ្នួល អាចរកបាន ៤៧៥,០០០ ផោន ក្នុងមួយសប្តាហ៍ ប៉ុន្តែបានកាត់បន្ថយប្រាក់ខែរបស់ខ្លួនជាច្រើន ដើម្បីអាចចាកចេញពី Juventus ក្នុងការផ្ទេរមកទឹកដី Old Trafford វិញ។
មិនតែប៉ុណ្ណោះ ក្រុម Man United បានចំណាយទឹកប្រាក់ប្រហែល ១២ លានផោន ដើម្បីនាំយក Ronaldo ត្រឡប់មកវិញ ប៉ុន្តែបើយោងតាមកាសែត Daily Star បានអះអាងថា ក្រុមបិសាចក្រហមបានទាក់ទាញខ្សែប្រយុទ្ធរូបនេះ ដោយរួមបញ្ចូលជាមួយប្រាក់រង្វាន់ផ្សេងៗបន្ថែមទៀត នៅក្នុងកុងត្រានោះ ។
វាត្រូវបានគេយល់ថា ប្រសិនបើ Ronaldo ជួយ Man Utd ឈ្នះ Champions League , ហើយឈ្នះពាន UEFA Player of the Year ឬមួយអាចឈ្នះពាន Ballon d’Or បន្ថែមទៀត នោះរូបគេ នឹងទទួលបានប្រាក់សុទ្ធចំនួន ១ លានផោន ក្នុងចំណោមពានរង្វាន់នីមួយៗ ដែលបានរៀបរាប់ ៕
ប្រភព: Sportbible
អានអត្ថបទបន្ទាប់៖ កីឡាករ Barcelona ម្នាក់ថាឈឺមិនបានហ្វឹកហាត់ ទើបគ្មានឈ្មោះប្រកួតកាលពីយប់មិញ
Ousmane Dembele មិនមានឈ្មោះក្នុងបញ្ជីកីឡាកររបស់លោក Xavi Hernandez សម្រាប់ការប្រកួតទល់នឹង Alaves កាលពីយប់មិញ ដែលជាការអវត្តមានពីរប្រកួតជាប់គ្នា។
ក្នុងការពិភាក្សារបស់កីឡាករ និងក្លិបជុំវិញកិច្ចសន្យាថ្មីបានប្រឈមការជាប់គាំងក្នុងរយៈកាលកន្លងមក ហើយគេជឿថានេះជាហេតុផលដែលមិនមានឈ្មោះកីឡាកររូបនេះ នៅក្នុងបញ្ជីប្រកួត Copa del Rey ទល់នឹង Athletic Club។
ប៉ុន្ដែហេតុផលសម្រាប់ការអវត្តមានរបស់គេនៅពេលនេះគឺ ខ្សែប្រយុទ្ធបារាំងបានផ្ដល់ដំណឹងទៅក្លិបថា គេមិនអាចចូលរួមទៅក្នុងក្រុម ដោយសារសុខភាពមិនអំណោយផល។
ទោះបីជា Barcelona បានបញ្ជាក់បែបនេះ ប៉ុន្ដែគេជឿថា Dembele ប្រឈមនឹងបញ្ហាចម្រូងចម្រាស់ជាមួយក្លិប ហើយមិនចង់មានភាពអាម៉ាស ដែលមិនត្រូវបានកោះហៅចូលរួមការប្រកួតប៉ុណ្ណោះ៕
ប្រភព៖ Marca