ខ្សែប្រយុទ្ធនៃក្លឹប Real Madrid កីឡាករ Karim Benzema បានចេញមកនិយាយលើកទឹកចិត្ត និងសរសើរដល់សមត្ថភាព Lionel Messi បើទោះបីអតីតកាលនាមជាកីឡាករនៃក្លឹបគូប្រជែង ហើយពេលខាងមុខ ត្រៀមប៉ះគ្នានៅពានរង្វាន់ UEFA Champions League។
ជាសារលើកទឹកចិត្តបន្ទាប់ពីមានមតិមួយចំនួនធំ និយាយថា Messi ធ្លាក់ទម្រង់លេង ហើយលេងអ.ន់ជាងមុន ពេលទៅដល់ក្លឹបក្នុងទីក្រុងប៉ារីស។ យ៉ាងណាតាមការយល់ឃើញរបស់ កីឡាករបារាំងគឺមើលឃើញផ្សេង ហើយនិយាយប្រាប់សារព័ត៌មាន Telefoot បែបនេះ៖ “តើ Messi នឹងមិនអាចជោគជ័យដោយរបៀបណា? នេះគ្រាន់តែគាត់ត្រូវការពេលវេលាប៉ុណ្ណឹងឯង”។
លោកសង្កត់ធ្ងន់ទៀតថា៖ “កុំមើលតែ Messi រកមិនបានគ្រាប់បាល់ច្រើន ហើយបង្អា.ប់គាត់នោះ តែយើងគួរទៅមើលលើអ្វីដែលគាត់អាចបង្ហាញចេញមកលើទីលាន ដូច្នេះហើយអ្នកដែលរិះ.គន់ និយាយបង្អា.ប់ Messi សុទ្ធតែជាអ្នកដែលមិនយល់ពីបាល់ទាត់”។
គួររំឭកថា កីឡាករវ័យ ៣៤ ឆ្នាំ នៅរដូវកាល ២០២១/២២ គេបង្ហាញខ្លួនសរុប ១៧ ប្រកួត រកបាន ៦ គ្រាប់និង Assist ៥ លើក។ កាលពីយប់មិញ Messi ក៏បានចូលលេងពេលប៉ះ Reims ផងដែរ តែត្រឹមកីឡាករបម្រុង យ៉ាងណាប្រកួតបន្ទាប់ពេលប៉ះ Nice នៅ French Cup ទំនងនឹងជាប់ជម្រើសដំបូងហើយ៕
ប្រភព៖ Sportskeeda
អានអត្ថបទបន្ទាប់៖ គ្រូធំ Klopp ទម្លាយពាក្យមួយឃ្លា ដែលនិយាយទៅ Alisson ក្រោយឈ្នះ Crystal យប់មិញ
ក្លឹបហង្សក្រហម Liverpool បានយកឈ្នះទៅលើ Crystal Palace ក្រោមលទ្ធផល ៣-១ ដែលនេះរាប់បានថាហង្សនៅតែធ្វើបានល្អ ដ្បិតអីត្រូវអវត្តមានកីឡាករដែលជាប់សញ្ជាតិអាហ្វ្រិកមួយចំនួនធំក៏ដោយ។ គ្រាប់បាល់ទាំង ៣ គ្រាប់កើតចេញពីកីឡាករ Virgil van Dijk, Oxlade-Chamberlain និង Fabinho។
យ៉ាងណាក៏អរគុណទៅដល់គុណភាពនៃអ្នកចាំទី Alisson Becker ដូចគ្នា ព្រោះបានចូលរួមសង្រ្គោះបាល់ ដ៏មុតស្រួ.ចចេញពីថ្វីជើងកីឡាករនៃក្រុមម្ចាស់ផ្ទះដល់ទៅ ៤ លើក ហើយរបូតតែ ១ គ្រាប់ប៉ុណ្ណោះ។
ក្រោយចប់ការប្រកួត លោក Jurgen Klopp ជាអ្នកចាត់ការ បានផ្តល់បទសម្ភាសន៍ប្រាប់ Sky Sports បែបនេះ៖ “ខ្ញុំបានដើរទៅនិយាយដាក់ Alisson ថា ខ្ញុំអរគុណឯងខ្លាំងណាស់សម្រាប់ការសង្រ្គោះប្រព័ន្ធខាងក្រោយរបស់យើងម្តងទៀត រួចគេឆ្លើយមកខ្ញុំវិញថា វាជាការងាររបស់ខ្ញុំ ជាការពិតគេជួយយើងច្រើនណាស់ Alisson គេជាអ្នកចាំទីលំដាប់ពិភពលោកមួយហើយរបស់ក្រុម”។
គួរបញ្ជាក់ដែរថា ហង្សនៅក្រោយមេឃខៀវ មួយប្រកួត ខណៈដែលចំនួនពិន្ទុគឺនៅឆ្ងាយពីគ្នាដល់ទៅ ៩ ពិន្ទុ។ ប្រកួតបន្ទាប់របស់ក្រុមដឹកនាំដោយអ្នកចាត់ការសញ្ជាតិអាល្លឺម៉ង់ខាងលើ នឹងត្រូវទៅប៉ះ Leicester City នាថ្ងៃទី ១១ កុម្ភៈ៕
ប្រភព៖ Sky Sports