ក្លឹបចចក Wolverhampton Wanderers បានបន្ថែមការចុះហត្ថលេខាក្នុងការនាំយកកីឡាករសញ្ជាតិកូរ៉េខាងត្បូងមួយរូបបន្ថែមទៀតហើយ បន្ទាប់ពីយកបាន Hwang Hee-chan ដែលទើបប្រកាសការផ្ទេរផ្លូវការកាលពីប៉ុន្មានថ្ងៃមុន។
សារនេះ គឺខ្សែប្រយុទ្ធស្លាប Jeong Sang-bin ដែលគេមានវ័យ ១៩ ឆ្នាំ តែមានឈ្មោះលេងឲ្យជម្រើសជាតិឈុតធំ ១ លើក និងរកបាន ១ គ្រាប់រួចមកហើយ។ អតីតកាល គេជាកីឡាករស្ថិតក្រោមការគ្រប់គ្រងរបស់ក្លឹបអាណាព្យាបាល Suwon Bluewings នៅឯប្រទេសកំណើត ហើយត្រូវបានក្លឹប Wolves ចាយលុយ ១,២ លានអឺរ៉ូ នាំយកមកចូលរួម ជាមួយសុពលភាពកុងត្រាដល់ចុងខែមិថុនា ឆ្នាំ ២០២៣។
តែយ៉ាងណាក្លឹបអង់គ្លេស មិនមានផែនការណ៍ប្រើប្រាស់គេទេ ចន្លោះពេលនោះ ផ្ទុយទៅវិញ សម្រេចដាក់ឲ្យខ្ចីជើង ទៅក្លឹបនៅឯប្រទេសស្វីស គឺ Grasshoppers រយៈពេល ១៨ ខែ។ ដូច្នេះមានន័យថា ក្លឹបចង់ស្ទាបស្ទង់សមត្ថភាពកីឡាករវ័យ ១៩ ឆ្នាំសិន ជារួមបើលេងល្អ នោះក្លឹបអាចនឹងបន្តកុងត្រាថ្មីបន្ថែមទៀត។
រំឭកថា ក្នុងអាជីពជាកីឡាករលេងឲ្យក្លឹបនៅឯប្រទេសកំណើត សរុបការបង្ហាញខ្លួន ៣២ ប្រកួត រកបាន ៦ គ្រាប់និង Assist ២ លើក៕ ប្រភព៖ Sportsmole
អានអត្ថបទបន្ទាប់៖ អតីតជើងចាស់ Enrique ព្រ.មាន Newcastle ទុកជាមុន កុំឲ្យយកកីឡាករ Man Utd រូបនេះ
ក្លឹបសារិកាព្រៃ Newcastle United ត្រូវបានគេជឿជាក់ថា នឹងសម្រេចការផ្ទេរមួយចំនួនបន្ថែមទៀត មុនបិទទីផ្សារដោះដូរនៅថ្ងៃខាងស្អែកនេះ តែយ៉ាងណាតាមរយៈការបញ្ជាក់ជាមុនពីអតីតជើងចាស់លោក Jose Enrique បានព្រ.មានទុកជាមុន ជុំវិញការនាំយកខ្សែបម្រើនៃក្លឹប Manchester United។
នោះគឺ Jesse Lingard ដែលស្ថិតក្នុងចចាមអារ៉ាម ជុំវិញការដែលអាចផ្ទេរទៅកាន់ក្លឹប Man Utd ដូចគ្នា។ ដោយសារសុពលភាពកុងត្រាគេសល់ត្រឹមចុងខែមិថុនា និងពេលនេះមិនសូវបានលេងផង ដូច្នេះថាមិនត្រូវការផ្ទេរដ៏គួរឲ្យភ្ញាក់ផ្អើលមួយ អាចនឹងកើតឡើងនៅថ្ងៃចុងក្រោយនៃទីផ្សារដោះដូរក៏ថាបាន។
តែបើតាមការបញ្ជាក់ពីអតីតខ្សែការពារនៃក្លឹប Newcastle លោក Enrique បាននិយាយ៖ “Jesse Lingard គេជាកីឡាករល្អណាស់ហើយ បើគេស្ថិតនៅក្នុងទម្រង់លេងដ៏ល្អមួយនោះ តែយ៉ាងណាលោក Eddie ជាអ្នកចាត់ការ គាត់ដឹងច្បាស់ជាងហ្នឹងទៀត ជាពិសេស ប្រសិនគិតគូរដល់ផែនការណ៍រយៈពេលយូរ ប្រហែលជា Lingard មិនមែនជាជម្រើសដ៏ត្រឹមត្រូវទេ”។
លោកបន្ថែមថា៖ “អាកប្បកិរិយាក្រៅទីលាន Lingard មិនស្ថិតក្នុងជម្រើសកីឡាករខ្ញុំចង់បានទេ ប្រសិនខ្ញុំជាអ្នកចាត់ការក្លឹប តែបើច្បាស់ថាគេអាចជួយក្រុមបានពេលនេះ អ៊ីចឹងក៏គួរតែក្លាយជាការចុះហត្ថលេខាដ៏ល្អបានដែរ”។ រំឭកថា ខ្សែបម្រើវ័យ ២៩ ឆ្នាំ នៅរដូវកាលនេះ ទើបបង្ហាញខ្លួនបាន ១៤ ប្រកួត រកបាន ២ គ្រាប់និង Assist ១ លើកប៉ុណ្ណោះ៕
ប្រភព៖ Sportskeeda