ថ្មីៗនេះ ក្លិបបិសាចក្រហម Manchester United ត្រូវបានគេរាយការណ៍ថា ត្រៀមនឹងលក់ចេញ កីឡាករក្រៅក្រុមម្នាក់ បន្ទាប់ពីមិនបានមើលឃើញថាគេនឹងមានអនាគតជាមួយក្លិបទៀតនោះឡើយ ។
ជាក់ស្តែងម្នាក់នោះ គឺខ្សែបម្រើ Andreas Pereira ខណ:ក្រុម Man Utd បានដាក់រូបគេ ក្នុងលក្ខខណ្ឌខ្ចីជើងទៅឱ្យក្លិបប្រេស៊ីល Flamengo និង Lazio របស់ Serie A កាលពីពេលថ្មីៗកន្លងទៅ ។
យ៉ាងណានៅក្លឹប Flamengo កីឡាករ Pereira បានរកគ្រាប់បាល់បញ្ចូលទី ៥ គ្រាប់ក្នុងការបង្ហាញខ្លួន ២៤ លើក ខណ:របាយការណ៍ចុងក្រោយ បានអះអាងថា ក្លិប Flamengo នឹងចុះហត្ថលេខាជាអចិន្ត្រៃយ៍ ជាមួយនឹងថ្លៃផ្ទេរប្រមាណ ១២ លានផោន ។
ដោយឡែក ការផ្ទេរនេះ ត្រូវបានគេយល់ថា នឹងផ្តល់ផលចំណេញទាំងសងខាង សម្រាប់ក្រុម Man United និង Pereira ខណៈភាគីទាំង ២ បានជួបផលពិបាកអស់រយ:ពេលជាយូរមកហើយ ៕
ប្រភព: Sportskeeda
អានអត្ថបទបន្ទាប់៖ ក្តៅ! Ronaldo វ៉ាដាច់មនុស្សទាំងឡាយក្នុងលោក ក្លាយជាបុគ្គលដំបូង ដែលអាចធ្វើរឿងនេះ
Cristiano Ronaldo ទើបតែរំកិលចូលអាយុ ៣៧ ឆ្នាំ កាលពីថ្ងៃទី ៥ កុម្ភៈកន្លងទៅ ហើយក៏បានបំបែកកំណត់ត្រាថ្មីមួយទៀតដែរ នេះប្រៀបបានដូចជាអំណោយដ៏ពិសេសសម្រាប់ថ្ងៃកំណើត។ តែយ៉ាងណាកំណត់ត្រាសារនេះ មិនមែនផ្សារភ្ជាប់តែក្នុងវិស័យកីឡាបាល់ទាត់មួយមុខទេ ផ្ទុយទៅវិញ គឺជាកំណត់ត្រាប្រចាំសកលលោក។
នោះគឺ តារាឆ្នើមសញ្ជាតិព័រទុយហ្គាល់ បានក្លាយជាបុគ្គលដំបូងក្នុងលោក ដែលអាចរំកិលតួលេខ Follower លើ Instagram មកដល់ ៤០០ លាននាក់ហើយ។ នេះមិនធ្លាប់មានបុគ្គល ឬស្ថាប័នណាធ្វើបានពីមុនមកទេ តាំងពីប្រវត្តិសាស្ត្របណ្ដាញសង្គមមានអាយុកាល ១១ ឆ្នាំមួយនេះ ដាក់ឲ្យប្រើប្រាស់។
តួលេខនេះ ហាក់កើនឡើងយ៉ាងសន្ធឹក ព្រោះអីកាលពីខែកញ្ញា ឆ្នាំ ២០២១ គឺមានត្រឹម ២៣០ លាន Followers ប៉ុណ្ណោះ លុះដល់ ៦ ខែបន្ទាប់ ម្ចាស់ពាន Ballon d’Or ៥ សម័យកាល ទទួលបានដល់ទៅ ១៧០ លាន Followers បន្ថែម។ បញ្ជាក់ថា Ronaldo បានបង្ហោះមាតិកាសរុប ៣ ២៤២ លើក និងបាន Follow ៥០១ គណនី។ រូបភាគច្រើនដែលលោកបង្ហោះ គឺពាក់ព័ន្ធនឹងការហ្វឹកហាត់ ការប្រកួត ក៏ដូច ជារូបភាពជួបជុំគ្រួសារ។
អ្នកដែលនៅពីក្រោយ Ronaldo មានដូចជា Kylie Jenner មាន ៣០៩ លាន Followers, Lionel Messi មាន ៣០៦ លាន Followers និង Selena Gomez មាន ២៩៥ លាន Followers។ បើធៀបនឹងគណនីផ្លូវការរបស់ Instagram ផ្ទាល់ មាន ៤៦៩ លាន Followers អ៊ីចឹងបើ Ronaldo អាចបំបែកតួលេខនេះបានទៀត គឺរាប់ថាអស្ចារ្យអស់លេខដាក់ហើយ៕
ប្រភព៖ AF