គ្រូបង្គោលក្រុមបាល់ទាត់ជម្រើសជាតិវៀតណាមក្រោមអាយុ២៣ឆ្នាំ លោក Dinh The Nam បានកំណត់គោលដៅលើកពាន AFF U-23 Youth Championship ក្នុងដើមឆ្នាំ២០២២នេះ។
បន្ទាប់ពីបានធ្វើដំណើរមកដល់កម្ពុជាដែលជាម្ចាស់ផ្ទះ ក្រុម U23 របស់វៀតណាម បានធ្វើការហ្វឹកហាត់ដំបូង ដើម្បីសម្របទៅនឹងអាកាសធាតុ និងស្ថានភាពទីលាន។
វៀតណាមស្ថិតនៅក្នុងពូល C ជាមួយក្រុមជម្រើសជាតិថៃ និងសិង្ហបុរី។ ក្រុមកំពូលតារាង៣ និងក្រុមលេខ២ល្អបំផុតមួយក្រុម នឹងឡើងទៅកាន់វគ្គពាក់កណ្ដាលផ្ដាច់ព្រ័ត្រ ពានរង្វាន់យុវជនអាស៊ីអាគ្នេយ៍ក្រោមអាយុ២៣ឆ្នាំ។
គ្រូបង្គោលក្រុម U23 វៀតណាមបាននិយាយថា៖ “យើងបានចាយពេលមួយខែ ដើម្បីត្រៀមខ្លួនសម្រាប់ព្រឹត្តិការណ៍នេះ។ គោលដៅរបស់វៀតណាមគឺឈ្នះពានរង្វាន់។ យើងនឹងនាំយកកីឡាករ U21 ភាគច្រើនសម្រាប់បង្កើនសមត្ថភាពពួកគេ ក្នុងការទទួលបានបទពិសោធលេងជម្រើសជាតិ”៕
ប្រភព៖ VN Express
អានអត្ថបទបន្ទាប់៖ មិនមែន Ronaldo តែជាអតីតមិត្តរួមក្រុម Man Utd ម្នាក់នេះ ដែល Rooney ចូលចិត្តលេងជាមួយ
មិនមានកីឡាករណាដែល Wayne Rooney ចង់លេងជាមួយជាង ខ្សែប្រយុទ្ធ Carlos Tevez ឡើយ បើទោះបីជាកីឡាករអាហ្សង់ទីនរូបនេះ បានចាកចេញទៅចូលរួមក្រុមគូប្រជែងរបស់បិសាចក្រហមគឺ Manchester City ក៏ដោយ។
ដៃគូប្រយុទ្ធទាំងពីររូបនេះ ស្ថិតនៅក្នុងចំណោមដៃគូប្រយុទ្ធដែលគូប្រកួតបារម្ភបំផុត ខណៈ Cristiano Ronaldo ក៏ស្ថិតនៅក្នុងក្រុមនេះផងដែរ។
ប៉ុន្ដែ Tevez ជាមិត្តរួមក្រុមដែល Rooney ពេញចិត្តបំផុត ហើយអ្នកចាត់ការបច្ចុប្បន្នរបស់ក្លិប Derby County រូបនេះបាននិយាយថា៖ “ខ្ញុំមានការពេញចិត្តចំពោះទំនាក់ទំនងរបស់ពួកយើង។ យើងទាំងពីរឡើងទៅលេងនៅខាងលើ យើងលេងត្រូវគ្នាល្អណាស់”។
“ជាធម្មតា ប្រសិនបើខ្ញុំលេងជាមួយ Louis Saha, Ruud van Nisterlrooy ឬ Robin van Persie ខ្សែប្រយុទ្ធទាំងនេះលេងក្នុងតំណែងលេខ៩ ហើយខ្ញុំអាចលេងតំណែងលេខ១០”។
“ជាមួយ Tevez យើងអាចឆ្លាស់គ្នា ខ្ញុំអាចលេងតំណែងលេខ៩ គាត់អាចលេងតំណែងលេខ៩ ហើយខ្ញុំលេងតំណែងលេខ១០។ នៅពេលដែលយើងបាត់បាល់ យើងដូចជាគោឡើងកពីរក្បាលព្យាយាមយកបាល់ត្រលប់មកវិញ។ ក្នុងនាមជាដៃគូប្រយុទ្ធ គាត់ជាកីឡាករម្នាក់ដែលខ្ញុំរីករាយលេងជាមួយបំផុត”៕
ប្រភព៖ Marca