ក្លឹប Real Madrid ដែលមានអ្នកចាត់ការលោក Carlo Ancelotti បានបញ្ជាក់ច្បាស់មុននេះ ថាកីឡាករលេងតំណែងប្រយុទ្ធស្លាប នឹងត្រូវចាកចេញនៅក្រោយបញ្ចប់រដូវកាល ពោលពេលអស់សុពលភាពកុងត្រា ត្រឹមចុងខែមិថុនា ឆ្នាំ ២០២២ ខាងមុខ។
នោះគឺកីឡាករសញ្ជាតិវែល Gareth Bale ដែលរដូវកាល ២០២១/២២ ក្រោមការដឹកនាំរបស់គ្រូសញ្ជាតិអ៊ីតាលី គេបង្ហាញខ្លួននៅ La Liga បានតែ ៤ ប្រកួតគត់។ យ៉ាងណាបញ្ហារបួ.សនៅបន្តញាំ.ញី Bale ឥតឈប់ ដែលនាំឲ្យពេលវេលារបស់គេ នឹងមិនអាចបន្តតទៅទៀតឡើយ ជាមួយក្លឹបអធិរាជស។
តាមការចុះផ្សាយរបស់ Fabrizio Romano បានសម្រង់សម្តីរបស់ Ancelotti បែបនេះថា៖ “Bale បានជួបរបួ.សជាបន្តបន្ទាប់ ហើយឥឡូវកុងត្រារបស់គេក៏នឹងឈានចូលមកដល់ទីបញ្ចប់ ដូច្នេះគេមិនមានការបំផុសទឹកចិត្តដ៏ល្អមួយទេ តែអ្វីដែលសំខាន់ គេនឹងត្រូវចាកចេញ”។
រំឭកថា បុរសវ័យ ៣២ ឆ្នាំ លេចលឺព័ត៌មានមកថានឹងវិលត្រលប់ទៅកាន់ទ្រនំចាស់នៃក្លឹប Tottenham Hotspur។ នេះជាការវិលទៅវិញលើកទី ៣ ក្រោយខ្ចីជើងមួយរដូវកាល កាលពីពេលមុន។ ស្ថិតិរបស់ Bale នៅក្លឹបម្ចាស់ដី Bernabeu បានចំណាយពេល ៩ ឆ្នាំ បង្ហាញខ្លួនសរុប ២៥៥ ប្រកួត រកបាន ១០៦ គ្រាប់និង Assist ៦៧ លើក៕
ប្រភព៖ Fabrizio Romano
អានអត្ថបទបន្ទាប់៖ មិនមែន Messi ឬ Mbappe តែ Hakimi ថាកីឡាករមាឌល្អិតរូបនេះ ធ្វើឲ្យខ្លួនភ្ញាក់ផ្អើលបំផុត
ទៅដល់ក្លឹបបារាំង Paris Saint-Germain សម្រាប់ខ្សែការពារម៉ារ៉ុក Achraf Hakimi បានបង្ហើបថា ខ្លួនពុំបានភ្ញាក់ផ្អើលអ្វីនោះទេ នឹងសមត្ថភាពរបស់ Linoel Messi, Kylian Mbappe ឬ Neymar Jr ផ្ទុយទៅវិញ គឺបានចាប់អារម្មណ៍នឹងសមត្ថភាពរបស់ខ្សែបម្រើមាឌល្អិតឯណោះ។
នោះគឺ Marco Verratti ដែលរដូវកាលនេះ បង្ហាញខ្លួន ២០ ប្រកួត រកបាន ២ គ្រាប់និង Assist ១ លើក។ កីឡាករកម្ពស់ ១,៦៥ សញ្ជាតិអ៊ីតាលី ត្រូវបាន Hakimi សរសើរមិនដាច់ពីមាត់ ជាពិសេសនៅភាពអង់.អាចរបស់គេលើទីលានប្រកួត។
Hakimi ប្រាប់សារព័ត៌មាន MARCA ដូច្នោះថា៖ “វាជារឿងធម្មតាទេ ពេលដែលឃើញ Messi, Neymar និង Mbappe នៅពេលហ្វឹកហាត់ តែងាកមក Verratti បើទោះបីខ្ញុំធ្លាប់ស្គាល់គាត់ពីមុនមកហើយ តែគាត់ពិតជាធ្វើឲ្យខ្ញុំមានការភ្ញាក់ផ្អើលខ្លាំង”។
លោកបន្ថែម៖ “Verratti គាត់តែងតែលេងបែបត្រជាក់ជានិច្ច មិនថាស្ថិតក្រោមសម្ពា.ធបែបណាទេ ដោយតែងតែសុំឲ្យយើងបញ្ជូនបាល់ទៅកាន់គាត់ ហើយពេលបាល់ជាប់នឹងជើង នឹងចាំចូលដណ្តើមចុះ គឺពិបា.កណាស់ និយាយទៅពេលឃើញ Verratti លេង គឺមើលទៅពិតជារីករាយខ្លាំង”៕
ប្រភព៖ Marca