Marcelo បាននិយាយថា គេអាចនឹងចូលនិវត្តពីអាជីពកីឡាករបាល់ទាត់ នៅពេលដែលផុតកុងត្រាជាមួយក្លិប Real Madrid នាពេលអនាគតដ៏ខ្លីខាងមុខនេះ។ ខ្សែការពារស្លាបដែលពោរពេញដោយបទពិសោធរូបនេះ បានចូលរួមនៅទឹកដី Santiago Bernabeu តាំងពីឆ្នាំ២០០៧មកម្ល៉េះ ដោយបានបង្ហាញខ្លួន ៥០០ប្រកួត គ្រប់ពានរង្វាន់ទាំងអស់។
គេបានជួយឱ្យក្រុមអធិរាជសឈ្នះ La Liga ៥លើក Champions League ៤លើក និងពាន១៤ផ្សេងទៀតទាំងនៅអេស្ប៉ាញ និងនៅអឺរ៉ុប។
ខ្សែការពារវ័យ៣៣ឆ្នាំរូបនេះ ជាកីឡាករដែលជោគជ័យបំផុតម្នាក់នៅក្នុងប្រវត្តិសាស្ដ្របាល់ទាត់ ប៉ុន្ដែអនាគតរបស់គេនៅ Real Madrid អាចនឹងបញ្ចប់ត្រឹមដំណាច់រដូវកាលនេះហើយ ពេលដែលកុងត្រារបស់គេផុតកំណត់។
ប៉ុន្ដែនៅពេលត្រូវបានសួរថាតើអ្នកចង់ធ្វើអ្វីនៅពេលផុតកុងត្រាជាមួយ Real Madrid ខ្សែការពារប្រេស៊ីលរូបនេះ បាននិយាយថា៖ “ខ្ញុំពិតជាសោយសុខនៅក្លិបនៃជីវិតរបស់ខ្ញុំ។ ខ្ញុំបានគិតក្នុងចិត្តក្នុងការលេងរហូតដល់កូនរបស់ខ្ញុំធំឡើង ហើយខ្ញុំអាចលេងជាមួយគេបាន”។
“ខ្ញុំចង់នៅបន្ដក្នុងកម្រិតកំពូល។ ពេលនេះយើងមានការប្រកួតដ៏សំខាន់, ខ្ញុំជាប្រធានក្រុម នៃក្រុមដ៏ល្អបំផុតលើកលោក ហើយខ្ញុំពិតជាសុខស្រួលខ្លាំងណាស់ ខ្ញុំពិតជាមានអារម្មណ៍សុវត្ថិភាព។ ខ្ញុំមិនគិតអ្វីលើសពីនេះទេ គ្រប់យ៉ាងតែងមានទីបញ្ចប់ ហើយខ្ញុំគួរតែបន្ដ ឬចូលនិវត្តនៅទីនេះ ប៉ុន្ដែខ្ញុំមិនមានតែជាអ្នកសម្រេចចិត្តតែម្នាក់ឡើយ”៕
ប្រភព៖ Football Espana
អានអត្ថបទបន្ទាប់៖ លេងសើចអី! Man Utd ចំណាយលុយច្រើនដល់ម្លឹង ដើម្បីសងលោក Solskjaer ជុំវិញការប.ណ្តេញគាត់ចេញ
យោងតាមរបាយការណ៍ចុះផ្សាយចុងក្រោយមួយបានបង្ហាញថាក្លិប Mancester United បានធ្វើការចំណាយទឹកប្រាក់ច្រើនមិនគួរឱ្យជឿ សម្រាប់លោក Ole Gunnar Solskjaer បន្ទាប់ពីបានបណ្តេញគាត់ចេញពីតំណែងជាអ្នកចាត់ការទូទៅ ។
រំលឹកផងដែរថាការបរាជ័យចុងក្រោយ នៅក្នុងលទ្ធផល ៤–១ ក្រោមថ្វីជើងក្រុម Watford បានក្លាយជាពេលវេលាចុងក្រោយរបស់អ្នកចាត់ការក្រុមសញ្ជាតិន័រវេស ដែលត្រូវបានក្លិបសម្រេចបណ្ដេញចេញ បន្ទាប់ពីបានចំណាយជិត ៣ ឆ្នាំនៅទឹកដី Old Trafford ។
យ៉ាងណា លោក Solskjaer ត្រូវបានអនុញ្ញាតឱ្យចាកចេញ នៅពេលដែលកិច្ចសន្យារបស់គាត់ នៅតែមានរយ:ពេល ២ ឆ្នាំ កន្លះទៀត ដែលនោះមានន័យថាក្លិប Man Utd ត្រូវបង្ខំចិត្តចំណាយទឹកប្រាក់ ដើម្បីសងដល់បុរសវ័យ ៤៩ ឆ្នាំ ។
ដោយឡែកបើតាមព័ត៌មានទទួលបានចុងក្រោយ បានបង្ហាញថាក្លិបអង់គ្លេស បានចំណាយរហូតដល់ទៅ ១០ លានផោនឯណោះ ចំពោះលក្ខខណ្ឌពិសេសៗមួយចំនួន និងរួមទាំងការផ្តល់សំណងទៅកាន់លោក Solskjaer និងសមាជិកមួយចំនួនទៀត នៃក្រុមបុគ្គលិកគ្រូបង្វឹក ដែលបានចាកចេញទៅដែរនោះ ។
បន្ថែមពីនេះ បើយោងតាមអ្នកកាសែតរបស់ Manchester Evening News លោក Samuel Luckhurst បានឱ្យដឹងថា លោក Solskjaer តែម្នាក់ឯង ទទួលបានសំណងរហូតដល់ទៅ ៧ លានផោនឯណោះ ប៉ុន្តែយ៉ាងណា ព័ត៌លម្អិត នៃការទូទាត់ ដែលធ្វើឱ្យដោយក្លិប និងអតីតគ្រូបង្វឹករូបនេះ នៅតែរក្សាជាការសំងាត់ ៕
ប្រភព: AF