ប្រកួតជុំទី ៣៨ សម្រាប់ការប៉ះ Norwich City ខាងក្លឹប Spurs សុំត្រឹមតែ ១ ពិន្ទុ ពោលការលេងយកស្មើ គឺអាចឲ្យពួកគេឡើងទៅកាន់កៅអី UCL រដូវកាលក្រោយបានហើយ ក៏ប៉ុន្តែបើចាញ់ ជួនពេលដែល Arsenal អាចយកឈ្នះទៅលើ Everton បាន នោះឱកាស នឹងត្រូវធ្លាក់ទៅក្រុមលោក Mikel Arteta វិញ។ លទ្ធផលបែបណា នឹងសម្រេចនៅវេលាម៉ោង ១០:០០ នាទីយប់ ថ្ងៃអាទិត្យ មានផ្សាយផ្ទាល់លើទំព័រ CTS Sports។
ងាកទៅស្ថានភាពកីឡាករក្នុងក្លឹប Arsenal វិញ បើតាមសារព័ត៌មាន The Sun ចុះផ្សាយថា Bukayo Saka ជាគ្រាប់ពេជ្រប្រចាំក្លឹប គឺមានភាគរយអាចនឹងចាកចេញ ដើម្បីចាប់យកឱកាសទៅលេងនៅក្លឹបថ្មី ដែលអាចមានកៅអីនៅ UCL។ យុវជនវ័យ ២០ ឆ្នាំ អាចជាពិចារណាការផ្លាស់ទៅក្លឹបមេឃខៀវ Manchester City ឬក៏ Liverpool។
សម្រាប់ Saka ដ្បិតបើសុពលភាពកុងត្រារបស់គេសេសសល់ដល់ចុងខែមិថុនា ឆ្នាំ ២០២៤ តែការបន្តថ្មី គឺនៅមិនទាន់លឺដំណឹង ហើយការចាកចេញ ចេះតែល្ហិចល្ហៀងឥតឈប់ ជាពិសេសជាមួយភាគីក្លឹបមេឃខៀវផ្ទាល់តែម្តង។
ស្ថិតិអតីតយុវជនថ្នាលរូបនេះ រកបាន ១១ គ្រាប់និង Assist ៦ លើក នៅការបង្ហាញខ្លួន ៤២ ប្រកួតឲ្យក្រុមលោក Arteta។ សម្រាប់ City ទំនងអាចជានឹងចង់បាន Saka ទៅបំពេញកន្លែង Riyad Mahrez នៅតំបន់ប្រយុទ្ធស្លាប៕
ប្រភព៖ The Sun