Barcelona កំពុងស្ថិតនៅក្នុងការចរចាជាមួយក្លិបធំមួយនៅអង់គ្លេស ដែលកំពុងចង់បានសមាជិកម្នាក់នៅក្នុងក្រុមរបស់ពួកគេគឺ Gavi ស្របពេលដែលក្លិបកាតាឡូញ៉ាព្យាយាម ក្នុងការស្នើឱ្យកីឡាកររូបនោះបន្ដកិច្ចសន្យាថ្មី។
ការចរចារវាង ភ្នាក់ងាររបស់កីឡាករគឺលោក Ivan de la Pena ជាមួយក្លិបអ្នកមានបុណ្យ មានភាពជាប់គាំង ប៉ុន្ដែមានការរំពឹងថានឹងមានដំណោះស្រាយនៅពេលឆាប់ៗ។
អ្វីដែល Barca មានសង្ឃឹមខ្ពស់នោះគឺខ្សែបម្រើឆ្នើមវ័យក្មេង Gavi ចង់បន្ដលេងនៅ Camp Nou។ ប៉ុន្ដែក្លិបយក្សអង់គ្លេស Liverpool អាចហ៊ានចំណាយ៥០លានអឺរ៉ូ ដើម្បីថ្ពក់យកកីឡាករអេស្ប៉ាញរូបនេះទៅចូលរួមនៅ Anfield។
ប៉ុន្ដែលុយមិនអាចទិញទឹកចិត្ត Gavi បាននោះទេ ហើយកីឡាកររូបនេះផ្ទាល់មានភាពរីករាយនៅ Barcelona ជាទីដែលជួយពង្រឹងសមត្ថភាពរបស់គេ ឱ្យក្លាយជាកីឡាករលេចធ្លោមួយរូបក្នុងរយៈពេលចុងក្រោយកន្លងមកនេះ។
ការចាកចេញពី La Liga ទៅចូលរួមក្លិបអង់គ្លេស មិនមែនជាបំណងប្រាថ្នារបស់ Gavi ឡើយ៕
ប្រភព៖ SPORT