ខណ:ពេលដែលរដូវកាលថ្មី កាន់តែកៀកខិតជិតមកដល់ ក្លិបសេះបង្កង់ Juventus នៅមួយរយ:ពេលចុងក្រោយនេះ ហាក់កំពុងព្យាយាមយ៉ាងសស្រាក់សស្រាំ ក្នុងការចុះហត្ថលេខាលើជម្រើសកីឡាករថ្មីៗ មកកាន់ក្រុមរបស់ខ្លួន ។
ហើយយ៉ាងណា យោងតាមសារព័ត៌មានអ៊ីតាលីមួយ បានបង្ហាញថា ទាំង Angel Di Maria និង Paul Pogba នឹងធ្វើដណើរមកកាន់ទីក្រុង Turin ក្នុងពេលប៉ុន្មានថ្ងៃខាងមុខ ដើម្បីចុះហត្ថលេខាជាមួយក្រុម Juventus នៅពេលដែល Pogba អាចនឹងមកដល់នៅថ្ងៃសុក្រ ខណ: Di Maria នឹងមកដល់ នៅចុងសប្តាហ៍នេះ ។
គួរឱ្យដឹងផងដែរថា ក្លិប PSG និង Man City ក៏បានបង្ហាញការចាប់អារម្មណ៍ខ្លាំង ទៅលើខ្សែបម្រើ Pogba ផងដែរ ប៉ុន្តែយ៉ាងណាក៏ដោយ កីឡាករសញ្ជាតិបារាំងរូបនេះ បានសម្រេចចិត្តចុះកិច្ចព្រមព្រៀងជាមួយអតីតក្លិបរបស់គេ ដើម្បីអាចវិលទៅលេងនៅប្រទេសអ៊ីតាលីវិញ ។
ទន្ទឹមនឹងនេះ បន្ទាប់ពីបានចាកចេញពីក្រុម PSG កីឡាករ Di Maria បានទាក់ទាញការចាប់អារម្មណ៍យ៉ាងខ្លាំង ពីសំណាក់ក្លិប Barcelcona ប៉ុន្តែនៅទីបំផុត គេមិនបានឈានដល់ការយល់ព្រមជាមួយក្លិបអេស្ប៉ាញនោះទេ ហើយបែជាសម្រេចចិត្តទទួលយកសំណើរបស់ក្លិប Juventus ជំនួសវិញ ជាមួយនឹងការចុះកុងត្រារយ:ពេល ១ ឆ្នាំ ៕
ប្រភព: Sportmob