ក្លិប Atletico Madrid បានប្រកាសពីការផ្ទេរចូល ខ្សែប្រយុទ្ធស្លាបប្រេស៊ីល Samuel Lino ពីក្លិប Gil Vincente ជាមួយនឹងកិច្ចសន្យារយៈពេល៥ឆ្នាំជាមួយក្លិបអេស្ប៉ាញ។
ក្រុមដែលដឹកនាំដោយអ្នកចាត់ការ Diego Simeone បានបញ្ចប់ក្នុងចំណាត់ថ្នាក់លេខ៣ ក្នុងតារាង La Liga រដូវកាលមុន ប៉ុន្ដែពួកគេបានធានាបានកៅអី Champions League។
🔴⚪ #WelcomeLino
🤝 Agreement with Gil Vicente FC for the transfer of Samuel Lino; the Brazilian winger signs for 5 seasons.
👋 𝐵𝑒𝑚-𝑣𝑖𝑛𝑑𝑜 to the Red & White family
➡️ https://t.co/GkhsPj72tQ pic.twitter.com/OyRryVeFad
— Atlético de Madrid (@atletienglish) July 8, 2022
ពេលនេះ Atletico បានបន្ថែមកីឡាករដែលមានជំនាញបង្កើតឱកាស ដោយផ្ទេរយក Lino ដែលរកគ្រាប់បាល់២៦គ្រាប់ ក្នុងការបង្ហាញខ្លួន៩៩ប្រកួតសម្រាប់ក្លិបព័រទុយហ្កាល់ ក្នុងតម្លៃដែលត្រូវបានរាយការណ៍ថា ៥.៨៥លានអឺរ៉ូ។
សូមបញ្ជាក់ថា ខ្សែប្រយុទ្ធស្លាបវ័យ២២ឆ្នាំរូបនេះ ជាកីឡាករទី២ដែលផ្លាស់មកកាន់ទឹកដី Wanda Metropolitano បន្ទាប់ពីខ្សែបម្រើ Axel Witsel ដែលទើបចប់កុងត្រាជាមួយ Borussia Dortmund កាលពីចុងខែមិថុនាកន្លងទៅ៕
ប្រភព៖ Live Score