ក្លិប Borussia Dortmund បានសម្រេចការផ្ទេរ ខ្សែប្រយុទ្ធ Anthony Modeste ពីក្លិប Cologne ក្នុងតម្លៃ ដែលត្រូវបានរាយការណ៍ថា ប្រមាណ ៥លានអឺរ៉ូ។
កីឡាករវ័យ៣៤ឆ្នាំ សម្បូរបទពិសោធរូបនេះ បានស៊ីញ៉េកុងត្រារយៈពេល១ឆ្នាំ បន្ទាប់ពីខ្សែប្រយុទ្ធចំណូលថ្មី Sebastien Haller ត្រូវបានរំពឹងថា នឹងខកខានចូលរួមជាច្រើនប្រកួត ក្រោយទទួលការវះកាត់ជំងឺមហារីក។
Haller បានផ្ទេរមកចូលរួម Dortmund ដើម្បីជំនួស Erling Haaland ដែលបានចាកចេញទៅ Manchester City នៅក្នុងទីផ្សារដោះដូររដូវក្ដៅនេះ។
សូមបញ្ជាក់ថា Modeste ជាកីឡាករម្នាក់ដែលមានបទពិសោធជោកជាំនៅលីគកំពូលអង់គ្លេស ដោយបានបង្ហាញខ្លួន១០៩លើក និងរកគ្រាប់បាល់៨៣គ្រាប់ សម្រាប់ការចំណាយពេល ២ឆ្នាំនៅ Hoffenheim មុនពេលចូលរួម Cologne ពីរលើក៕
ប្រភព៖ Live Score