អ្នកចាត់ការលោក Erik ten Hag បានបញ្ចេញមតិជុំវិញទម្រង់លេងឡើងកូដរបស់កីឡាករនៅក្លឹប Manchester United បន្ទាប់រយៈកាលចុងក្រោយ ឃើញថាធ្វើបានល្អ រកបានគ្រាប់បាល់ជាបន្តបន្ទាប់។ បញ្ជាក់ ចាប់តាំងចប់ World Cup ទម្រង់លេងក្លឹបល្អឡើងគួរឲ្យកត់សម្គាល់ ដល់លោតចូលតារាង Top 4 ហើយក៏ជាបេក្ខភាពនៅសល់ពានរង្វាន់ជាច្រើនក្នុងដៃផងដែរ។
ទាក់ទិននឹងទម្រង់លេងរបស់កីឡាករអង់គ្លេស Marcus Rashford ដែល ១០ ប្រកួត អាចរកបានដល់ ១០ គ្រាប់ ត្រូវបានអ្នកចាត់ការសញ្ជាតិហូឡង់ សង្កត់ធ្ងន់ថា មកពីគេខិតខំជម្នះវាដោយខ្លួនឯង មិនមែនលោកចេះសីលដូចជាតួអង្គ Harry Potter ក្នុងខ្សែភាពយន្ត អាចជប់បាននោះទេ។
Ten Hag លើកឡើង៖ “ខ្ញុំមិនមែនជា Harry Potter ទេ វាត្រឹមតែជាទំនុកចិត្តកើតចេញពីខ្លួនគេ ដោយគ្រប់កីឡាករទាំងអស់ត្រូវតែមានវា នេះ Rashford គេជម្នះវាដោយខ្លួនឯង ហើយណាមួយជាមួយការណែនាំរបស់ក្រុមគ្រូបង្វឹក ក៏នាំឲ្យគេទៅកន្លែងដ៏ត្រឹមត្រូវ”។
លោកបន្ត៖ “តែទីបញ្ចប់ ក៏វានៅតែស៊ីសងលើគេផ្ទាល់ផងដែរ របៀបដែលគេខិតខំ ទំនុកចិត្តដែលមានដោយខ្លួនឯងនេះ គឺសំខាន់បំផុត ទើបអាចឲ្យកីឡាករបង្ហាញចេញនូវទម្រង់ដ៏ល្អឥតខ្ចោះ”។ រំឭកឲ្យដឹងថានៅរាត្រីនេះ ក្លឹបម្ចាស់ដី Old Trafford ក៏មានការប្រកួតសំខាន់នៅជុំទី ៤ FA Cup ទល់ក្លឹប Reading វេលាម៉ោង ០៣:០០ នាទីទាបភ្លឺ ក៏នឹងមានផ្សាយបន្តផ្ទាល់លើទំព័រ CTS Sports៕
ប្រភព៖ Metro