ថ្មីៗនេះ ជើងចាស់លោក Jimmy Floyd Hasselbaink បានធ្វើការជំរុញឱ្យក្រុមតោខៀវ Chelsea ព្យាយាមចុះហត្ថលេខាលើខ្សែប្រយុទ្ធឆ្នើមនៅក្នុងក្របខ័ណ្ឌ Premier League មួយរូប នៅរដូវក្តៅខាងមុខ ដោយគិតថា Joao Felix នឹងមិនមែនជាជម្រើសដ៏ល្អសម្រាប់ពួកគេនោះឡើយ ។
ជាក់ស្តែង Chelsea បានធ្វើការចុះហត្ថលេខាលើ Felix មកក្នុងលក្ខខណ្ឌខ្ចីជើង នៅក្នុងខែមករា ដោយខ្សែប្រយុទ្ធសញ្ជាតិព័រទុយហ្គាល់រូបនេះ មានឱកាសរកគ្រាប់បាល់លើកដំបូងរបស់ខ្លួន អំឡុងការប្រកួតស្មើទល់នឹងក្រុម West Ham កាលពីពេលថ្មីៗកន្លងទៅ ។
តែទោះជាយ៉ាងណាក៏ដោយ វីរបុរសក្រុមតោខៀវ លោក Jimmy បានបង្ហាញការជឿជាក់ថា ក្លិបចាស់របស់លោក គួរតែស្វែងរកជម្រើសខ្សែប្រយុទ្ធដែលមានបទពិសោធនៅ Premier League ស្រាប់ដូចជា Harry Kane ប្រសើជាងត្រូវចាយលុយដល់ ១២៤ លានផោន ដើម្បីទិញផ្តាច់យក Felix ពីក្រុម At Madrid មកនោះ ។
លើសពីនេះ ដោយបានថ្លែងប្រាប់ទៅកាន់សារព័ត៌មានមួយ លោក Jimmy បានិនយាយថា ៖ ” Chelsea ត្រូវការខ្សែប្រយុទ្ធកណ្តាលម្នាក់។ ហើយ Harry Kane ប្រហែលជាជម្រើសដ៏ល្អបំផុត។ តែយ៉ាងណាគាត់ប្រហែលជាមិនចង់បាននោះឡើយ។ ដូច្នេះ Chelsea គួរតែព្យាយាមបញ្ចុះបញ្ចូលគាត់។ ជាមួយ Kane គាត់នឹងធានាជូនអ្នកនូវការគ្រាប់បាល់ជាច្រើនមិនខាន។ ហើយវានៅតែមានឱកាសថាការផ្ទេរនេះ អាចនឹងកើតមានឡើង ” ៕
ប្រភព: Sportskeeda