ខ្សែប្រយុទ្ធ Robert Lewandowski បានទម្លាយឱ្យដឹងថា គេធ្លាប់ត្រូវបានអតីតអ្នកចាត់ការ Manchester United លោក Sir Alex Ferguson បានទាក់ទងដើម្បីផ្ទេរទៅកាន់ទឹកដី Old Trafford ប៉ុន្ដែត្រូវបានលោក Jurgen Klopp រារាំង។
Lewandowski ត្រូវបានចាត់ទុកថា ជាកំពូលអ្នករកគ្រាប់បាល់មួយរូប នៅក្នុងបាល់ទាត់បច្ចុប្បន្ន ប៉ុន្ដែគេបានខកខានឱកាសក្នុងការផ្លាស់ទៅចូលរួមក្លិបបិសាចក្រហម កាលជិតមួយទសវត្សរ៍កន្លងទៅ នៅក្នុងសម្ភាសន៍មួយរបស់សារព័ត៌មាន SportBild។
ខ្សែប្រយុទ្ធប៉ូឡូញរូបនេះ បាននិយាយថា៖ “យើងមានការប្រកួតមិត្តភាពសម្រាប់ Dortmund នៅក្នុងការត្រៀមខ្លួន ខ្ញុំគិតថា ក្នុងប្រកួតទល់ Bochum។ ខ្ញុំរត្រូវបានប្ដូរចេញក្រោយចប់វគ្គទី១។ ខ្ញុំបានទៅមើលទូរសព្ទរបស់ខ្ញុំ ក្នុងបន្ទប់ផ្លាស់សម្លៀកបំពាក់។ មានសារមួយដែលផ្អើមកចាប់ផ្ដើមដោយលេខ +44។ លោក Ferguson ព្យាយាមតេមកខ្ញុំ ហើយបន្ទាប់មកគាត់ផ្ញើសារ។ គាត់ចង់និយាយជាមួយខ្ញុំ”។
“ខ្ញុំនៅក្នុងបន្ទប់ផ្លាស់សម្លៀកបំពាក់នៅឡើយ ខ្ញុំបានងូតទឹក ហើយបានតេទៅគាត់វិញ នៅកន្លែងស្ងាត់។ ខ្ញុំនិយាយអង់គ្លេសមិនបានល្អទេ ដូចពេលនេះអ៊ីចឹង។ គាត់មានតុងស្កុតឡែនបានយ៉ាងល្អ។ ខ្ញុំមានការយកចិត្តទុកដាក់ ដើម្បីអាចយល់អ្វីដែលគាត់ចង់និយាយ។ លោក Alex Ferguson ព្យាយាម និយាយយឺតៗ។ ពេលនៅខ្ញុំមានអាយុ២២ឆ្នាំ វាជាពេលវេលាដ៏ពិសេសមួយ”។
“ខ្ញុំបាននិយាយជាមួយលោក Aki Watzke(នាយករបស់ Dortmund) និងលោក Jurgen Klopp នៅក្នុងជំរុំហ្វឹកហាត់។ ខ្ញុំចង់ទៅចូលរួម Man United។ ប៉ុន្ដែពួកគាត់និយាយថា «គ្មានផ្លូវទេ Robert។ យើងត្រូវការអ្នក។ អ្នកត្រូវតែនៅបន្ដ”៕
ប្រភព៖ Goal