ជាការពិតក្លឹបហង្សក្រហម Liverpool នៅរដូវកាល ២០២២/២៣ នេះ បានសម្រេចរួចរាល់ហើយអំពីកៅអីពានរង្វាន់អឺរ៉ុបឆ្ពោះទៅរដូវកាលបន្ទាប់ គឺទទួលត្រឹម Europa League តែប៉ុណ្ណោះ ក្រោយតែពីច្បាស់ការឈរលេខរៀងទី ៥ ក្នុងតារាងក្របខ័ណ្ឌ Premier League។
វាជាលើកដំបូងក្រោមការដឹកនាំរបស់លោក Jurgen Klopp ហើយក៏ជារសជាតិថ្មីសន្លាង សម្រាប់អ្នកគាំទ្រហង្សក្រហម ដ្បិតអីពួកគេមិនធ្លាប់ស្គាល់ជាតិឈ្នះពានលំដាប់ទីពីររបស់ UEFA ទាល់តែសោះ ចាប់តាំងការប្តូរឈ្មោះក្រោយឆ្នាំ ២០០៩។
ចុះបើសួរថាតើ Liverpool អាចប៉ះក្លឹបណាខ្លះ នៅវគ្គ ៣២ ក្រុមឬវគ្គចែកពូល Europa Leaguge រដូវកាលក្រោយ? យើងធ្វើការបង្ហាញជាមុននៅ Pot ទាំង ៤ សិន៖
Pot 1 មានដូចជាក្លឹប Juventus, AS Roma, Ajax, Villarreal, Leverkusen, Sporting និងមួយក្នុងចំណោម West Ham ឬ Fiorentina
Pot 2 មាន PSV, Olympiakos, Real Betis, Marseille, Monaco, Ferencvaros, Qarabag និង Solvan Bratislava ក៏ដូចជាក្លឹបមួយចំនួនផ្សេងទៀត
Pot 3 និង Pot 4 យើងមិនទាន់អាចសន្មត់បានទេត្រឹមដំណាក់កាលនេះ
ជាលទ្ធផល ក្លឹបដែល Liverpool អាចជួប Qarabag, Ludogrets Razgrad និង Maccabi Haifa ជាដើម នេះត្រឹមជាឧទាហរណ៍ផ្គូផ្គងខ្លីមួយប៉ុណ្ណោះ។ ក៏មានន័យថា ក្លឹបម្ចាស់ដី Anfield នឹងត្រូវតតាំងក្លឹបគីឡូបង្គួរដែរទេ នៅពាន UEL នាវគ្គដំបូង៕
ប្រភព៖ SportBible