ការប្រកួតពានរង្វាន់អឺរ៉ុប UEFA Champions League បានវិលចូលមកដល់ទៀតហើយ នៅទៀបភ្លឺឈានចូលថ្ងៃពុធ ក៏នឹងមានផ្សាយបន្តផ្ទាល់លើទំព័រ CTS SPORTS។ យ៉ាងណាយើងមានជ្រុងមួយចង់លើកមកបង្ហាញបងប្អូនជាមុន ពាក់ព័ន្ធខ្ទង់ចំណាយរដូវក្តៅកន្លងទៅ តើមានឈ្មោះក្លឹបណាខ្លះឈរចំណាត់ថ្នាក់កំពូល។
ជាការពិតក្នុងចំណោមក្លឹបទាំង ៣២ គឺ Paris Saint-Germain នោះឯង ដែលក្រោមការដឹកនាំរបស់អ្នកចាត់ការថ្មីលោក Luis Enrique បានគាស់គីឡូថ្មីស្ទើរទាំងស្រុង នេះគេរំពឹងថាគ្រូសញ្ជាតិអេស្ប៉ាញនឹងអាចដឹកនាំក្លឹបបារាំងកាន់ពានអឺរ៉ុប ដូចជំនាន់ធ្វើបានកាលនៅ Barcelona ឆ្នាំ ២០១៥។
ពួកគេបានចំណាយប្រាក់សរុប ៣៤៥ លានអឺរ៉ូ តាមពីក្រោយដោយ Manchester City ចាយ ២៣៩,១ លានអឺរ៉ូ បន្ទាប់មកគឺ Arsenal ចាយ ២៣៩,៩៤ លានអឺរ៉ូ ហើយ Man United ឈរលេខរៀងទីបួន ចាយអស់ ២០៦,៧ លានអឺរ៉ូ និង RB Leipzig បិទចំណាត់ថ្នាក់ Top 5 ចាយអស់ ១៥៧ លានអឺរ៉ូ។
បន្តបន្ទាប់រួមមាន Bayern Munich ចាយ ១៥៥ លាន, Newcastle ចាយ ១៤៥,២ លាន, Real Madrid ចាយ ១២៨,៥ លាន, AC Milan ចាយ ១១២,៥ លាន និង Napoli ចាយ ៨៥ លានអឺរ៉ូ។ តាមថាទៅ បើ Chelsea មានឈ្មោះក្នុងពានរង្វាន់នេះ ក៏ពួកគេរំពឹងនឹងមានចំណាត់ថ្នាក់កំពូលមួយផងដែរ តែសោកស្តាយមិនមានកៅអីនៅពានអឺរ៉ុបណាមួយឡើយ៕
ប្រភព៖ BeSoccer