Rafael van der Vaart ដែលជាអតីតកីឡាកររបស់ក្រុមអធិរាជសមួយរូបបានសរសើរមិនដាច់ពីមាត់ដល់ខ្សែបម្រើ Isco ថាជាអ្នកមានសមត្ថភាពយ៉ាងពិតប្រាកដនិងល្អដាច់គេក្នុងលោក។ កីឡាករសញ្ជាតិអេស្ប៉ាញដែលកំពុងតានតឹងក្នុងឱកាសបង្ហាញខ្លួននៅ Bernabeu នៅតែដកជាប់ក្នុងបេះដូងរបស់ Rafael ដដែល។
Van der Vaart ដែលទើបប្រកាសចូលនិវត្តន៍កាលពីខែវិច្ឆិកាកន្លងទៅបានប្រាប់ Marca ថា៖ “ពិតជាឆ្កួតសម្រាប់ខ្ញុំ ប៉ុន្តែ Isco គឺពិតជាកីឡាករដ៏ល្អបំផុតក្នុងលោកមែន តែគាត់តែងមានបញ្ហាជាមួយអ្នកចាត់ការមិនថាតែ Zidane ក៏មិនដែលទុកចិត្តលើកីឡាកររូបនេះ ១០០ ភាគរយដែរ”។
លោកសង្កត់ធ្ងន់ថា៖ “ពេលខ្ញុំទៅទស្សនាការប្រកួតរបស់ Real Madrid ខ្ញុំនឹងរកមើលសិនតើគាត់នឹងចាប់ផ្តើមនៅជម្រើសដំបូងឬអត់ បើអត់ទេអាលខ្ញុំត្រលប់ទៅផ្ទះវិញ”។ បញ្ជាក់ថាក្រុមម្ចាស់ជើងឯក Champions League បីសម័យកាលជាប់គ្នាបានប្រែមកជួបស្ថានការណ៍អាក្រក់ចាប់តាំងពីការចាកចេញរបស់ Zinedine Zidane ដោយរដូវកាលថ្មីនេះប្រកួតក្នុង LaLiga ក្រុម Madrid ធ្វើមិនជាសូវបានល្អនោះទេ។
ប្រភព:Sportskeeda