Cafu អតីតជើងចាស់លេងឲ្យជម្រើសជាតិប្រេស៊ីលបានបង្ហាញការជឿជាក់ថាក្លឹប Paris Saint-Germain នៃលីគកំពូលបារាំងនឹងអាចឡើងដល់វគ្គផ្ដាច់ព្រ័ត្រ Champions League ថ្វីបើត្រូវអវត្តមាន Neymar ដែលជាតារាសំខាន់ក៏ដោយ។
កន្លងទៅនាជើងទី ១ ទើបយកឈ្នះក្រុមម្ចាស់ផ្ទះ Old Traffordនៅលទ្ធផល ២-០ បានបង្កើនភាពកក់ក្តៅកាន់តែខ្លាំងសម្រាប់ក្រុមអ្នកមានបារាំងមុនវិលដល់ប្រកួតជើងទី ២ នៅទីក្រុងប៉ារីសនាដើមខែក្រោយ។
Cafu ដែលធ្លាប់លើកពានរង្វាន់នេះជាមួយ AC Milan កាលពីឆ្នាំ ២០០៦-០៧ បានបង្ហាញការយល់ឃើញថា៖ “ក្រុមទាំង ១៦ ដែលមកដល់វគ្គនេះគឺពិតជាពោរពេញដោយឥទ្ធិពលក្នុងការយកជ័យជម្នះ ថ្វីបើអ្នកត្រូវបាត់បង់តារាឆ្នើមប្រចាំក្រុមឬអត់ក៏ដោយ”។
ជជែកបន្តកាលពីថ្ងៃអាទិត្យ Cafu បន្ថែម៖ “តាមពិតទៅ PSG អាចនឹងបន្តអវត្តមាន Neymar ប៉ុន្តែប្រសិនយើងមើលការប្រកួតនៅជើងទី ១ ជំនួបក្រៅដីជាមួយជោគជ័យដែល PSG បានធ្វើ គឺអាចថាពួកគេមានឱកាសឡើងទៅដល់វគ្គផ្តាច់ព្រ័ត្របានពិតមែន”។
ប្រភព: FoxSportAsia