អ្នកចាត់ការក្លឹប Bayern Munich លោក Jupp Heynckes នៅតែមិនយល់ហេតុអ្វីបានជា Real Madrid ព្រមអោយខ្សែបម្រើឆ្នើម James Rodriguez ចាកចេញមក Bayern Munich។
James មានទម្រង់លេងល្អជាមួយនឹងក្រុមយក្សអាល្លឺម៉ង់ ហើយអ្នកចាត់ការ Heynckes បានផ្ដល់បទសម្ភាស៍ជាមួយនឹង Goal អំពីហេតុផលដែលកីឡាករសញ្ជាតិកូឡុំប៊ីត្រូវបានក្រុមរបស់លោកខ្ចីជើង។
លោកបាននិយាយថា៖ “Real Madrid បានអនុញ្ញាតកីឡាករឆ្នើមបិរូបចាកចេញពីក្លឹបមានដូចជា Morata, Pepe ហើយនឹង James Rodriguez។ ពួកគេធ្វើបែបនេះដោយសារ ចង់សន្សំសំចៃ ប្រាក់ខែកីឡាករ។”
គួររំលឹកថា James Rodriguez បានផ្ទេរមកកាន់ Bayern ពីក្រុម Real Madrid ក្នុងកិច្ចសន្យាខ្ចីជើងរយៈពេលពីរឆ្នាំ ហើយក្លឹបយក្សអាល្លឺម៉ង់មានសិទ្ធិទិញកីឡាករផ្ដាច់ក្នុងកំឡុងពេលខ្ចីជើងបាន៕
ប្រភព៖ Sport English