ជុំវិញរឿងរ៉ាវរបស់ Messi ដែលអ្នកគាំទ្រហង្សក្រហមតវ៉ាឲ្យ UEFA ដកសិទ្ធរបស់លោកនៅជើងទី ២ មិនទាន់មានការប្រកាសផ្លូវការណាមួយពីការសម្រេចចិត្តនៅឡើយ ត្បិតអីគិតមកទល់រសៀលថ្ងៃអាទិត្យទទួលបានការគាំទ្រ ១៣ ១២០ សំឡេងរួចក៏ដោយក្តី។
ឆ្លើយតបមកវិញពីសំណាក់អ្នកគាំទ្ររបស់ Barcelona មនុស្សពាន់នាក់ក៏បានដាក់ញត្តិសងសឹកលើរឿងរ៉ាវនេះវិញ ដោយក្រោមចំណងជើងថា “Sadio Mane គួរតែទទួលបានការដកសិទ្ធនៅជើងទី ២ នាវគ្គពាក់កណ្តាលផ្តាច់ព្រ័ត្រ ព្រោះបានទះទៅលើមុខរបស់ Arturo Vidal ដោយគ្មានហេតុផលសមរម្យណាទាំងអស់”។
ទស្សនាវីដេអូ:
https://www.youtube.com/watch?v=c5zyw7Fns7Q
គិតត្រឹមរសៀលថ្ងៃអាទិត្យដដែលនេះ សំឡេងគាំទ្រមានដល់ជិត ៥ ០០០ សំឡេងហើយ តែក៏មិនប្រាកដថា UEFA បើកការត្រួតពិនិត្យឬកាត់សេចក្តីបែបណានោះដែរ។ ប៉ុន្តែរឿងមួយដែល Mane ព្រួយបំផុត គឺប្រសិនណាខ្លួនត្រូវអវត្តមានពិតមែន នោះនៅជើងទី ២ ហង្សក្រហមប្រឈមនឹងបាត់បង់កីឡាករសំខាន់ជួរមុខដល់ទៅ ៣ រូបព្រមគ្នា។
អ៊ីចឹងចាំមើលតើ Barcelona ត្រូវបាត់បង់ Messi ដែរទេ? ចុះហង្សជាការប្តូរមកវិញតើត្រូវបាត់បង់ Salah, Mane, Firmino ទាំងបីឬបែបណា?
ប្រភព:Sportskeeda