លោក Neil Warnock អ្នកចាត់ការទូទៅរបស់ Cardiff បានប្រាប់ទៅកាន់លោក Ole Gunnar Solskjaer ថាក្រុម Man Utd នឹងមានភាពល្អប្រសើ ប្រសិនបើលោកលក់ចេញកីឡាករ Paul Pogba, Romelu Lukaku និង Alexis Sanchez ។
គួរបញ្ជាក់ផងដែរថាលោក Warnock ដែលបានជួយឱ្យក្រុម Cardiff យកឈ្នះក្នុងលទ្ធផល 2-0 លើក្រុម United នៅថ្ងៃបិទបញ្ចប់រដូវកាលក្របខ័ណ្ឌ Premier League រូបនេះ ជឿជាក់ថាគ្រូបង្វឹកលោក Solskjaer មានសិទ្ធគ្រប់គ្រាន់ក្នុងការផ្តល់ឱកាសសម្រាប់កីឡាករវ័យក្មេងៗជាច្រើន ដែលមានសមត្ថភាពចូលលេងជំនួសវិញ ។
យ៉ាងណាមិញ Pogba, Lukaku និង Sanchez ត្រូវបានរងការរិះគន់យ៉ាងខ្លាំង ចំពោះការធ្លាក់ចុះទម្រង់លេងរបស់ពួកគេនៃនៅរដូវកាលចុងក្រោយនេះ សម្រាប់ក្រុម Man United ហើយលោក Warnock ជឿជាក់ថាលោក Solskjaer នឹងមានសិទ្ធិក្នុងការលក់ពួកគេទាំងបីនេះ ។
លើសពីនេះលោកបាននិយាយទៅកាន់ Talksports ៖ ” ក្រុមបិសាចក្រហមត្រូវតែធ្វើដំណើរទៅមុខ តាមដែលពួកគេអាចមើលឃើញ ទោះបីជាវាមានតម្លៃថ្លៃ តែនោះគឺជាការចុះហត្ថលេខានាំយកកីឡាករវ័យក្មេងៗល្អបំផុតមកជំនួសវិញ ” ៕
ប្រភព: Daily Mail