នៅរយៈពេលប៉ុន្មានឆ្នាំចុងក្រោយនេះ ទម្រង់ប្រកួត 4-3-3 ក្លាយជាទម្រង់ប្រកួតដ៏ពេញនិយមមួយ និងបានប្រមូលផ្ដុំទៅដោយខ្សែប្រយុទ្ធជួរមុខពូកែៗជាច្រើនរូបផងដែរទូទាំងតំបន់អឺរ៉ុប ដែលនៅក្នុងនោះលីគកំពូលអង់គ្លេសត្រូវបានគេសង្កេតឃើញថាមានខ្សែប្រយុទ្ធជួរមុខ ៣ រូបល្អៗជាច្រើននៅក្របខណ្ឌ Premier League ថែមទៀតផង។
ទន្ទឹមនឹងនោះផងដែរ តាមរបាយការណ៍ដែលទទួលបានពីគេហទំព័រ Daily Mail បានសម្រឹតសម្រាំងច្បិចយកដៃគូប្រយុទ្ធជួរមុខ ៣ រូបដែលល្អដាច់គេបំផុតនៃក្លឹបទាំង ៥ ប្រចាំប្រវត្តិសាស្ត្រនៅលីគកំពូល EPL។ ចង់ដឹងថា តើក្នុងនោះមាននរណាខ្លះ? តោះ! ទៅតាមដានបញ្ជីឈ្មោះទាំងអស់គ្នា៖
- Manchester United: Wayne Rooney, Cristiano Ronaldo, Carlos Tevez (លេងបាន ៤២ ប្រកួត ឈ្នះ ៣២ ប្រកួត រកគ្រាប់បាល់សរុប ៩៣ គ្រាប់)
- Liverpool: Mohamed Salah, Roberto Firmino, Sadio Mane (លេងបាន ៨១ ប្រកួត ឈ្នះ ៦១ ប្រកួត រកគ្រាប់បាល់សរុប ១៧៨ គ្រាប់)
- Arsenal: Thierry Henry, Dennis Bergkamp, Robert Pires (លេងបាន ១២៨ ប្រកួត ឈ្នះ ៧៨ ប្រកួត រកគ្រាប់បាល់សរុប ២៧២ គ្រាប់)
- Manchester City: Sergio Aguero, Raheem Sterling, Leroy Sane (លេងបាន ៥៧ ប្រកួត ឈ្នះ ៣៩ ប្រកួត រកគ្រាប់បាល់សរុប ១២៨ គ្រាប់)
- Chelsea: Didier Drogba, Argen Robben, Damien Duff (លេងបាន ២៧ ប្រកួត ឈ្នះ ២៥ ប្រកួត រកគ្រាប់បាល់សរុប ៦១ គ្រាប់)៕
ប្រភព: Sportbible
អានអត្ថបទបន្ទាប់៖ បុគ្គល ២ រូបជាអ្នកណែនាំ Salah ឲ្យបោះបង់សំណើ R.Madrid បន្តយក Liverpool កាលពីឆ្នាំ ២០១៨
បច្ចុប្បន្នកីឡាករ Mohamed Salah កំពុងតែបន្តលេងជាមួយនឹងក្លឹបហង្សក្រហម Liverpool ដែលបានទិញរូបលោកមកពីក្លឹប Roma កាលពីរដូវក្ដៅ ២០១៧ ក្នុងតម្លៃខ្លួនប្រមាណ ៤២ លានអឺរ៉ូ។ ក្រោយពីការមកលេងនៅទឹកដី Anfield បានមួយឆ្នាំលោកក៏ទទួលបានសំណើរមួយពីក្លឹបយក្ស Real Madrid ដើម្បីចង់ទិញខ្សែប្រយុទ្ធស្លាបស្ដាំវ័យ ២៧ ឆ្នាំ តែសំណើរមួយនោះត្រូវបានបដិសេធ។
ទន្ទឹមនឺងនោះនៅពីក្រោយការសម្រេចចិត្តដ៏ធំមួយនេះរបស់ Salah ក៏មានបុគ្គល ២ រូបដែលជាអ្នកណែនាំ ក៏ដូចជាទីប្រឹក្សាដល់រូបលោកផងដែរ ដែលបុគ្គល ២ រូបនោះគឺ អតីតគ្រូបង្វឹក និងជំនួយការក្រុមជម្រើសជាតិអេហ្ស៊ីបលោក Hector Cuper និងលោក Hany Ramzy។ ក្រោយពីបានទទួលបានការប្រឹក្សាយោបល់រួចរាល់ ខ្សែប្រយុទ្ធស្លាបស្ដាំសញ្ជាតិអេហ្ស៊ីបក៏សម្រេចចិត្តបោះបង់សំណើររបស់ក្លឹបស្ដេចស និងបន្តដំណើរជាមួយនឹងហង្សក្រហមមកទល់នឹងពេលបច្ចុប្បន្ន។
លោក Ramzy បានប្រាប់ទៅកាន់គេហទំព័រ OnTime Sports ថា៖ “កាលពីឆ្នាំ ២០១៨ ខ្ញុំនឹងគ្រូបង្វឹក Hector Cuper កំពុងធ្វើការជាមួយរួមគ្នានៅប្រទេសស្វីស ហើយគ្រានោះ Salah បាននិយាយគ្នាជាមួយនឹងខ្ញុំ ដោយគាត់ប្រាប់ថា Real Madrid បានដាក់សំណើរមកគាត់រួចរាល់ហើយ”។
លោកបន្តថា៖ “សំណើរនោះទៀតសោតគឺពិតជាគួរឲ្យចាប់អារម្មណ៍មែនទែន តែយ៉ាងណាមិញបន្ទាប់ពីធ្វើការពិភាក្សាគ្នាជាមួយខ្ញុំ និង លោក Cuper រួចរាល់ គាត់ [Salah] ក៏សម្រេចចិត្តបន្តលេងជាមួយនឹង Liverpool តទៅទៀត ព្រោះនៅទីនោះគាត់មានអារម្មណ៍កក់ក្ដៅជាងកន្លែងផ្សេង”៕
ប្រភព: Metro