ស្របពេលដែលកំពុងមានរឿងចម្រូង.ចម្រាសនៃការបង្កើតពានថ្មី ESL ដែលមានឈ្មោះក្លឹប Manchester United ចូលរួមដែរនោះ ក៏នាំឲ្យតារាឆ្នើមលើសង្វៀន UFC គឺលោក Conor McGregor បានលូកដៃ ដោយបង្ហោះសារមួយលើបណ្តាញសង្គមនាំឲ្យផ្ទុះការចាប់អារម្មណ៍ជាខ្លាំង។
នោះគឺ McGregor និយាយពីផែនការណ៍ចង់ទិញយកក្លឹប Man Utd ពោលគឺសារនេះលេចឡើងក្រោយនាយកជាន់ខ្ពស់លោក Ed Woodward ទើបតែប្រកាសលា.លែងពីតំណែង ដែលត្រៀមចាកចេញនៅចុងឆ្នាំ ២០២១។
តារាឆ្នើម UFC បានសរសេរទៅកាន់អ្នកគាំទ្រ ៨,៦ លាននាក់លើបណ្តាញសង្គម Twitter បែបនេះថា៖ “អ្នករាល់គ្នា ខ្ញុំកំពុងគិតអំពីផែនការណ៍ទិញក្លឹប Manchester United! តើអ្នកយល់ឃើញបែបណាដែរ”។
ជាមួយសារនេះបានធ្វើឲ្យអ្នកគាំទ្រជាច្រើនបង្ហាញការសាទរ និងគាំទ្រទៅលើគោលបំណងរបស់ McGregor ព្រោះគេជឿថា បុរសសញ្ជាតិអៀរឡង់រូបនេះក៏មានទ្រព្យមិនតិចនោះដែរ ហើយអាចចូលរួមចំណែកជួយស្រោច.ស្រង់ក្លឹប Man Utd នាពេលបច្ចុប្បន្នបាន៕
ប្រភព៖ AF
អានអត្ថបទបន្ទាប់៖ ដើម្បីយកឈ្នះ ESL សមាគម UEFA ប្រើវិធីនេះ ឥឡូវមានក្លឹប ៦ ហើយដែលត្រលប់មកវិញ
សង្គ្រាមក្នុងវិស័យកីឡាបាល់ទាត់ ដែលកើតឡើងរវាងសមាគមបង្កើតពានរង្វាន់ថ្មី ESL និងសមាគមបាល់ទាត់អឺរ៉ុប UEFA ហាក់កំពុងក្តៅគគុកខ្លាំងនៅប៉ុន្មានថ្ងៃចុងក្រោយនេះ។ ជាលទ្ធផលយើងឃើញថាក្លឹបចំនួន ៦ នៅអង់គ្លេស ក្នុងចំណោមសមាជិកក្រុមទាំង ១២ បានប្រកាសដកឈ្មោះចេញហើយ។
បើសួរថា តើមានមូលហេតុអ្វីដែលក្លឹបទាំងនោះសម្រេចត្រលប់មកចូលរួមជាមួយ UEFA វិញ? នោះវាមានហេតុផលគួបផ្សំច្រើន ដោយមួយអាចមកពីកត្តាអ្នកគាំទ្រធ្វើការត.វ៉ាខ្លាំង និងទីពីរគឺដោយសារ UEFA បានធ្វើកំណែប្រែប្រព័ន្ធលេងថ្មី និងបន្ថែមប្រាក់រង្វាន់ច្រើនជាងមុន។
តាមរបាយការណ៍ពី Bloomberg និង RMC Sport បានចុះផ្សាយថា UEFA នឹងបន្ថែមកញ្ចប់នៃការចំណាយក្នុងព្រឹត្តិការណ៍ប្រកួតរបស់ខ្លួន ពីប្រាក់ ៤,៥ ពាន់លានអឺរ៉ូ ឡើងមកដល់ ៧ លានលានអឺរ៉ូ។ ទំហំនេះបើធៀបនឹងផែនការណ៍នៅពាន ESL គឺចាយត្រឹម ៣,៥ ពាន់លានអឺរ៉ូ ដែលខុសគ្នា ១ ទ្វេជា ២។
គួរបញ្ជាក់ថា រូបមន្តនៃការប្រកួតថ្មីរបស់ UEFA នឹងសម្រេចបើកឲ្យដំណើរការចាប់ពីឆ្នាំ ២០២៤ តទៅ ហើយបើមើលតាមស្ថានភាពបច្ចុប្បន្នក្លឹបធំៗមួយចំនួនទៀតនៅអ៊ីតាលី អាចនឹងបន្តដកខ្លួនចេញពី ESL ហើយត្រលប់មកចូលរួមជាមួយ UEFA តាមគន្លងក្លឹបអង់គ្លេសវិញ។ ក្លឹបដែលពិបាកនឹងសម្រេចបំផុត គឺអាចជាក្លឹប Real Madrid ព្រោះពួកគេមានប្រធានក្លឹបលោក Florentino Perez ជាអ្នកផ្តួចផ្តើមគំនិតដ៏ធំនោះតែម្តង៕
ប្រភព៖ AF