ក្លឹបម្ចាស់ដី Old Trafford បានដាក់សំណើសារជាថ្មីទៅកាន់ភាគីក្លឹប Real Madrid និងចរចាជាមួយសាមីខ្លួនផ្ទាល់គឺ Raphael Varane លើផែនការណ៍ចង់នាំយកខ្សែការពារកណ្តាលរូបនេះមកកាន់ទឹកដីអង់គ្លេសនៅទីផ្សារដោះដូរខាងមុខ។
សារនេះខុសពីសារមុន ព្រោះក្រុមដឹកនាំដោយលោក Ole Gunnar Solskjaer យល់ច្បាស់ថា Varane ចង់បានអ្វីឲ្យពិតប្រាកដ។ នោះគឺទំហំប្រាក់ពលកម្មខ្ពស់ជាងមុន ដែលកីឡាករបារាំងកំពុងមានការច្រ.ណែនទៅនឹងចំណូលថ្មី David Alaba ដែលគេទើបតែមក តែបានប្រាក់ពលកម្មខ្ពស់ដល់ជាង ១០ លានផោន ខណៈដែលការឈរជើងរបស់គេបច្ចុប្បន្ន ទទួលបានមិនដល់ពាក់កណ្ដាលនោះផង។
បុរសវ័យ ២៨ ឆ្នាំ ចាយពេលឲ្យ Real ច្រើនឆ្នាំមកហើយ ទទួលបានត្រឹម ៤,៣ លានផោន/ឆ្នាំ ស្របពេលដែល Alaba បាន ១០,៧ លានផោន ក្រោយផ្ទេរពី Bayern នៅលក្ខខណ្ឌឥតតម្លៃខ្លួនកាលពីខែមុន។ ពាក់ព័ន្ធនឹងរឿងនេះ Varane ក៏ចង់បានស្មើ Alaba ដែរ តែមិនទាន់ប្រាកដថា Real ព្រមផ្តល់ឲ្យឬអត់នោះឡើយ។
យ៉ាងណា United ហាក់មិនញ.ញើតនោះទេ ក្នុងការចំណាយទៅឲ្យ Varane ប្រសិនគេព្រមផ្ទេរមកក្លឹបរបស់ខ្លួន ស្របពេលដែលកុងត្រានៅអធិរាជស គេក៏កៀកនឹងផុតស្រាប់ផង ពោលមានសុពលភាពត្រឹមបញ្ចប់រដូវកាលក្រោយតែប៉ុណ្ណោះ។
គួរបញ្ជាក់ថា Varane ជាខ្សែការពារកណ្តាលដែលមានបទពិសោធន៍ជោកជាំទាំងនៅក្លឹប និងជម្រើសជាតិ ដោយគេធ្លាប់ឈ្នះទាំងពាន UCL និង FIFA World Cup បែបនេះការផ្ទេរមក United គេនឹងក្លាយជាចំណែកថ្មីដ៏សំខាន់មួយ អាចចាប់ដៃគូជាមួយ Harry Maguire នៅតំបន់ការពារកណ្តាល៕
ប្រភព៖ SportBible
អានអត្ថបទបន្ទាប់៖ ប្រធានក្លឹប Spurs មិនព្រមការដោះដូរកីឡាករអីនោះទេ លុះត្រាលុយសុទ្ធប៉ុណ្ណេះទើបឲ្យ Kane
ប្រធានក្លឹបរបស់ Spurs លោក Daniel Levy ត្រូវបានគេរាយការណ៍ ថាទាមទារលុយសុទ្ធលើការផ្ទេរចេញ Harry Kane សម្រាប់ភាគីក្លឹបណាដែលចង់បាន ពោលនឹងមិនទទួលយកសំណើដោះដូរតាមរយៈការផ្ទេរកីឡាករមកប៉ះប៉ូវជំនួសលុយអ្វីឡើយ។
ប្រភពពី TheSun បានឲ្យដឹងថា មេធំរបស់ក្លឹបមានខ្នាយមាសទារថ្លៃខ្លួន Kane យ៉ាងហោចណាស់ ១៥០ លានផោន ពោលគឺគ្មានទាបជាងហ្នឹងឡើយ ហើយបើក្លឹបណាចង់បាន ក៏ទម្លាក់កញ្ចប់ទឹកប្រាក់នោះមក។ កីឡាករវ័យ ២៧ ឆ្នាំ តាមពិតទៅក៏ចង់ចាក.ចេញដែរ ដោយគេបានជូនដំណឹងទៅក្លឹបអំពីផែនការណ៍ចង់ចែ.កផ្លូវ ហើយភាគីក្លឹបក៏ព្រមព្រៀងអនុញ្ញាតឲ្យគេចេញដែរ ដ្បិតបើកុងត្រាសេសសល់រយៈពេល ៣ ឆ្នាំទៀតក៏ដោយ។
បច្ចុប្បន្នក្លឹបធំៗដែលចង់បាន Kane មានដូចជា Man City និង Man Utd តែតាមស្ថានការណ៍ចុងក្រោយក្រុមដឹកនាំដោយលោក Pep Guardiola ប្រហែលជាមានតម្រូវការខ្លាំងជាង ពោលក្រោយពេលដែល Sergio Aguero ចាក.ចេញទៅចូលរួមឲ្យក្លឹប Barcelona។
គួរបញ្ជាក់ថា កីឡាករអង់គ្លេសខាងលើជាម៉ាស៊ីនបញ្ចប់ទីដ៏មានគុណភាពមួយ រដូវកាលនេះគេឈ្នះពានកីឡាកររកបានគ្រាប់បាល់ និងកីឡាករ Assist ច្រើនបំផុត ហើយសរុបជារួមនៅ Spurs ៣៣៦ ប្រកួត រកបាន ២២១ គ្រាប់និង Assist ៤៧ លើក៕
ប្រភព៖ AF