ដាណឺម៉ាកមិនអាចយកឈ្នះហ្វាំងឡង់បាននោះទេ ដ្បិតបើពួកគេស៊ុត ២២ លើក ចំគោលដៅ ៦ លើក តែមិនអាចសម្រេចទីសូម្បីតែមួយគ្រាប់។ ជាងនេះពួកគេក៏មានឱកាសស៊ុតប៉េណាល់ទីមួយជើងដែរ តែបែរជាមិនអាចធ្វើបាន ក្រោយពីអ្នកចាំទីរបស់ហ្វាំងឡង់អាចសង្រ្គោះដោយជោគជ័យ។
គ្រាប់បាល់ជ័យជម្នះរបស់ហ្វាំងឡង់កើតឡើងនៅនាទី ៥៩ ធ្វើបានដោយកីឡាករ Joel Pohjanpalo ហើយនៅនាទី ៧៣ កីឡាករ Peirre-Emile Hojbjerg របស់ដាណឺម៉ាកមានឱកាសស៊ុតប៉េណាល់ទីតាមស្មើ តែត្រូវបានអ្នកចាំទី Lukas Hradecky សង្រ្គោះបាល់នោះបាន។
តាមរយៈការសង្រ្គោះបាល់នេះដែរ ក៏បានរុញឲ្យឈ្មោះ Lukas Hradecky ក្លាយជាអ្នកចាំទីទី ៣ នៅប្រវត្តិសាស្រ្ត Euro ដែលនៅឆ្នាំបង្ហាញខ្លួនលើកដំបូងឲ្យជម្រើសជាតិ (នៅព្រឹត្តិការណ៍ Euro) ហើយគេអាចសង្រ្គោះបាល់ប៉េណាល់ទីបាន ដែលកន្លងមកមាន ២ រូបគត់ធ្លាប់ធ្វើបាន នោះគឺ Przemyslaw Tyton ឆ្នាំ ២០១២ (ប៉ូឡូញ ទល់ក្រិក) និង Trols Ramussen ឆ្នាំ ១៩៨៨ (ដាណឺម៉ាក ទល់អេស្ប៉ាញ)។
បញ្ជាក់ថា កីឡាករវ័យ ៣១ ឆ្នាំ ធ្លាប់បង្ហាញខ្លួនឲ្យជម្រើសជាតិសរុប ៦៦ ប្រកួតហើយ តែនៅ Euro នេះជាលើកដំបូងព្រោះហ្វាំងឡង់ទើបតែមានឱកាសអាចឡើងមក។ ការលេងពេញ ៩០ នាទីនៅប្រកួតដំបូង គេក៏អាចទប់បាល់ Clean Sheet បាន ១ លើកសារនេះដែរ៕
ប្រភព៖ Opta
អានអត្ថបទបន្ទាប់៖ គេនាំគ្នាយកបារាំង! ប៉ុន្តែ Modric បែលើកឈ្មោះជម្រើសជាតិមួយនេះ ថាអាចលើកពាន Euro ២០២០ នេះបាន
ខ្សែបម្រើ Luka Modric ជឿជាក់ថាអង់គ្លេស គឺជាក្រុមមួយដែលភាគរយច្រើនក្នុងការឈ្នះពានរង្វាន់ Euro ក្នុងរដូវក្តៅនេះ ខណ:តារាឆ្នើមរបស់ក្រុម Real Madrid រូបនេះ បានទទូចទៀតថាជម្រើសជាតិអង់គ្លេសបច្ចុប្បន្ន គឺខ្លាំងជាងក្រុមដែលពួកគេធ្លាប់ប៉ះក្រូអាត កាលពីការប្រកួត World Cup ឆ្នាំ ២០១៨ កន្លងទៅ ។
រំលឹកថា Modric គឺជាផ្នែកមួយនៃក្រុមក្រូអាត ដែលធ្វើឱ្យអ្នកគាំទ្រក្រុមជម្រើសជាតិអង់គ្លេសទទួលបានភាពខ.កចិត្តយ៉ាងខ្លាំង កាលពី ៣ ឆ្នាំមុន នៅពេលដែលពួកគេបានផ្តួលក្រុមតោកំណាចនៅវគ្គពាក់កណ្តាលផ្តាច់ព្រ័ត្រព្រឹត្តិការណ៍ World Cup មុនពេលចាញ់ប្រទេសបារាំង នៅក្នុងវគ្គផ្តាច់ព្រ័ត្រ ។
តែទោះជាយ៉ាងណាក៏ដោយ នៅមុនពេលអង់គ្លេស និងក្រូអាត នឹងត្រូវប៉ះគ្នានៅឯកីឡដ្ឋាន Wembley សម្រាប់ការប្រកួតបើកឆាកក្នុងពូល D ពាន Euro ២០២០ នេះ Modric បាននិយាយថាក្រុមរបស់គ្រូបង្វឹកលោក Gareth Southgate កំពុងតែមានភាពលេចធ្លោខ្លាំង ហើយវានឹងក្លាយជាការប្រកួតដ៏ល្អបំផុតមួយសម្រាប់ក្រុមខ្លួន ។
លើសពីនេះម្ចាស់ពាន Ballon d’Or ឆ្នាំ ២០១៨ រូបនេះ បាននិយាយថា ៖ ” សម្រាប់ខ្ញុំពួកគេគឺមានភាពប្រសើរជាងកាលពី ៣ ឆ្នាំមុន។ វាគ្មានការសង្ស័យអ្វីទេ ។ តើនរណានឹងបង្ករភាពគ្រោះ.ថ្នាក់? ការដែលនិយាយពីកីឡាករណាម្នាក់វាគឺពិបាក ព្រោះពួកគេសុទ្ធតែមានកីឡាករឆ្នើមៗ និងមានទេពកោសល្យជាច្រើន ហើយកីឡាករវ័យក្មេងនៅក្នុងក្រុមនោះក៏កំពុងមានភាពស្រេកឃ្លានជ័យជម្នះខ្លាំងផងដែរ ដែលនឹងធ្វើឲ្យពួកគេក្លាយជាក្រុមដែលមានភាពគ្រោះ.ថ្នាក់ខ្លាំង នៅយ៉ូរ៉ូឆ្នាំនេះ ។ សម្រាប់ខ្ញុំពួកគេជាក្រុមមានភាគរយលើកពានច្រើនជាងគេ ” ៕
ប្រភព: Talksport