Manchester United និង Chelsea បានបរាជ័យលើកដំបូងនៅ Premier League រដូវកាលនេះ នៅក្នុងទឹកដីរបស់ខ្លួនដូចគ្នា ជាមួយនឹងលទ្ធផល ០-១ ដូចគ្នាផងដែរ។
ក្រុមបិសាចក្រហមបានបរាជ័យក្រោមថ្វីជើង Aston Villa បន្ទាប់ពីខ្សែការពារ Kortney Hause តែតបញ្ចូលទីគ្រាប់បាល់ជ័យជម្នះនៅកៀកចុងម៉ោង ខណៈ Bruno Fernandes មិនអាចរកគ្រាប់បាល់តាមស្មើបានសម្រាប់ Man Utd ក្រោយស៊ុតប៉េណាល់ទីមិនបានសម្រេច។
ដោយឡែកក្រុមតោខៀវ Chelsea ក៏ទទួលបរាជ័យលើកដំបូងនៅក្នុងលីគរដូវកាលនេះផងដែរ ដោយគ្រាប់បាល់តែមួយគ្រាប់គត់របស់ Gabriel Jesus សម្រាប់ក្រុមភ្ញៀវ Manchester City។
ដូច្នេះបើមើលទៅតារាង Premier League ឃើញថា នៅសល់តែមួយក្រុមប៉ុណ្ណោះ ដែលមិនទាន់ស្គាល់ពាក្យថាចាញ់នៅ Premier League ក្នុងរដូវកាល ២០២១-២២ នេះគឺក្រុមហង្សក្រហម Liverpool។
ក្រុមរបស់លោក Jurgen Klopp កំពុងកាន់កាប់តំណែងកំពូលតារាង បើទោះបីជាទទួលបានតែមួយពិន្ទុប៉ុណ្ណោះ ពីការប្រកួតចុងក្រោយទល់នឹងក្រុមទើបប្រូម៉ូតឡើង Brentford ដោយលទ្ធផល ៣-៣។
រីឯក្រុមមិនទាន់ស្គាល់ពាក្យថាឈ្នះនៅ Premeir League រដូវកាលនេះវិញមាន Southampton, Newcastle, Leeds United, Burnley និង Norwich City៕
អានអត្ថបទបន្ទាប់៖ អត់រាប់អ្នកចាំទី Ronaldo បានពិន្ទុទាបជាងគេ ខណៈកីឡាកររូបនេះឈ្នះ MOTM
ការប្រកួតរវាង Man Utd និង Aston Villa បានបញ្ចប់ទៅក្រោមលទ្ធផល ០-១ ដែលក្រុមម្ចាស់ផ្ទះបាត់បង់ការយកបានសូម្បី ១ ពិន្ទុពីក្រុមភ្ញៀវ។ ទម្រង់លេងរបស់ក្រុមទាំងមូល ឃើញថាខាងម្ចាស់ផ្ទះស៊ុតនោះស៊ុត តែស៊ុតអត់ចូលសូម្បីមួយគ្រាប់ រួចការស៊ុតប៉េណាល់ទីចុងម៉ោងក៏ខកខានថែមទៀត។
ផ្អែកតាមការវាយតម្លៃក្រោយចប់ការប្រកួត យើងឃើញថា Cristiano Ronaldo ទទួលបានពិន្ទុទាបជាងគេប្រចាំក្រុម ដោយបាន ៦,៣ ពិន្ទុ បន្ទាប់ពីមានស្ថិតិគ្រប់គ្រងបាល់ ៣,៣ ភាគរយនៅចំណែកក្រុមជារួម ហើយស៊ុត ៤ លើក និងមានអត្រាបញ្ជូនបាល់ជោគជ័យ ៧១ ភាគរយ។ នេះបើដកមិនរាប់ឈ្មោះអ្នកចាំទី។
ដោយឡែកកីឡាករបានពិន្ទុខ្ពស់របស់ United មានដូចជា Bruno Fernandes និង Aaron Wan-Bissaka បាន ៧,៥ ពិន្ទុ ហើយ Mason Greenwood បាន ៧,៣ ពិន្ទុ និង Harry Maguire បាន ៧,១ ពិន្ទុជាដើម។
ទៅមើលខាង Aston Villa អ្នកឈ្នះ Man Of The Match បានទៅលើខ្សែការពារ Hause ដែលរកបានមួយគ្រាប់ បាន ៧,៨ ពិន្ទុ រីឯអ្នកបន្ទាប់គឺ Luiz ជាអ្នក Assist បាន ៧,៦ ពិន្ទុ និង Konsa/Mings បាន ៧,៣ ពិន្ទុជាដើម៕
ប្រភព៖ WhoScored