ការចាប់ឆ្នោតវគ្គ ១៦ ក្រុម UEFA Champions League ដែលធ្វើឡើងនៅទីស្នាក់ការកណ្តាលរបស់ UEFA ក្នុងប្រទេសស្វីស បានបញ្ចប់ទៅមុននេះ ហើយយើងឃើញថា មានជំនួបសំខាន់កើតឡើង នោះគឺ Man Utd ទល់ PSG។
មានមតិមួយចំនួននិយាយថា វាហាក់ដូចជាការរៀបចំ ដោយក្រុមទាំងពីរ មិនសមជួបគ្នាឡើយ ពោល Cristiano Ronaldo និង Lionel Messi តាមថាមិនត្រូវមកប៉ះគ្នានៅវគ្គ ១៦ ក្រុមឡើយ។ ដ្បិតបើមានការឆ្លើយតបទៅវិញ ពីសំណាក់អ្នកគាំទ្រមួយផ្នែកផ្សេងទៀត ថាការចាប់ឆ្នោត គឺជាលទ្ធផលដែលមិនអាចមើលឃើញទុកមុន ឬអាចថាជានិស្ស័យ ក៏ពួកគេមិនអស់ចិត្តដែរ។
ក្តៅៗមុននេះបន្តិច បើតាមសារព័ត៌មាន Mirror របស់អង់គ្លេសក៏បានចុះផ្សាយផងដែរថា លទ្ធផលចាប់ឆ្នោតនៃគូមួយចំនួន អាចនឹងត្រូវចាប់សារជាថ្មី។ ដើមឡើយ កំឡុងពេលចាប់ឆ្នោត យើងបានឃើញហើយ គឺ Man Utd បែរជាចាប់ប៉ះ Villarreal ដែលមកពីពូលតែមួយ ហើយខាង Liverpool ក៏ចាប់ប៉ះ Atletico Madrid មកពីពូលតែមួយដូចគ្នា។
ដ្បិតបើបាឡុងបាល់ ត្រូវបានគេដក និងរៀបចំយកមកក្រឡុកម្តងទៀត តែប្រភពអះអាងថា បាឡុងបាល់នោះ ហាក់មានស្នាម ឬជាប់សញ្ញាណាមួយ នាំឲ្យក្លាយទៅជាការរៀបចំ ដែលតាមថា Man Utd មានភាគរយ ត្រូវមកប៉ះ Atletico Madrid ឯណេះទេ។
យ៉ាងណានាយកជាន់ខ្ពស់របស់ UEFA បានប្រាប់កាសែត Mirror វិញ ថាពេលនេះកំពុងតែធ្វើការពិនិត្យនិងវាយតម្លៃម្តងទៀត តែមិនទាន់សម្រេចបែបណាទេ គ្រាន់ថា លទ្ធផលគឺត្រូវតែអនុវត្ត ដោយរក្សាភាពត្រឹមត្រូវ និងយុត្តិធម៌ ដោយគ្មានការរៀបចំសម្រាប់ការប្រកួតនាពេលខាងមុខ៕
អានអត្ថបទបន្ទាប់៖ ទីបំផុត លទ្ធផលនៃការចាប់ឆ្នោតវគ្គ១៦ UCL ចេញជាផ្លូវការហើយ ដោយ Man Utd ជួបក្រុមគីឡូធ្ងន់….
ក្រោយបញ្ចប់ការប្រកួតវគ្គសន្សំពិន្ទុកាលពីពាក់កណ្តាលសប្តាហ៍មុន ទីបំផុតលទ្ធផលនៃការចាប់ឆ្នោតវគ្គ ១៦ ក្រុមចុងក្រោយពានរង្វាន់ UEFA Champions League រដូវកាលឆ្នាំ ២០២១-២២ ត្រូវបានប្រកាសចេញជាផ្លូវហើយ ដោយកម្មវិធីនេះត្រូវធ្វើឡើងនៅឯទីក្រុងនីយ៉ុង ប្រទេសស្វីស ។
Manchester City, Liverpool, Ajax, Real Madrid, Bayern Munich, Manchester United, Lille និង Juventus ជាក្រុមដែលបញ្ចប់ក្នុងចំណាត់ថ្នាក់កំពូលតារាង ខណៈ Paris Saint-Germain, Atletico Madrid, Sporting Lisbon, Inter Milan, Benfica, Villarreal, RB Salzburg និង Chelsea ស្ថិតនៅក្នុងចំណាត់ថ្នាក់លេខ២ ។
លក្ខន្ដិកៈនៃការចាប់ឆ្នោតវគ្គ១៦ក្រុមចុងក្រោយ គឺក្រុមកំពូលតារាងនៃវគ្គចែកពូល ត្រូវជួបជាមួយក្រុមលេខ២ ដែលមិនត្រូវស្ថិតនៅក្នុងពូលជាមួយគ្នា និង មកពីលីគជាមួយគ្នា។
ជាក់ស្តែងលទ្ធផលនៃការចាប់ឆ្នោត បានរកឃើញក្រុមដែលត្រូវប៉ះគ្នា មានដូចតទៅ ៖
Benfica Vs Real Madrid
Villarreal CF Vs Manchester City
Atletico Madrid Vs Bayern Munich
RB Salzburg Vs Liverpool
Inter Milan Vs Ajax
Sporting CP Vs Juventus
Chelsea Vs Lille OSC
Paris Siant-Germain Vs Manchester United
សម្រាប់ការប្រកួតនៅជើងទី១ នៃវគ្គ ១៦ ក្រុមនេះ នឹងត្រូវធ្វើឡើងនៅថ្ងៃទី ១៥ , ១៦,២២ និង ២៣ ខែកុម្ភៈ ឆ្នាំ ២០២២ ខណ:ការប្រកួតជើងទីពីរ នៅថ្ងៃទី ៨, ៩, ១៥ និង ១៦ ខែមីនា ឆ្នាំ ២០២២ ។
គួរបញ្ជាក់ផងដែរថា កាលពីរដូវកាលមុន ក្រុមតោខៀវ Chelsea បានគ្រងជាម្ចាស់ជើងឯក បន្ទាប់ពីយកឈ្នះទៅលើក្រុមអង់គ្លេសដូចគ្នា Manchester City ក្នុងលទ្ធផល ១-០ នៅឯទីក្រុង Porto ប្រទេសព័រទុយហ្គាល់ ៕